تجمع طلاب University Of Toronto

السلام عليكم
لو سمحتوا ممكن تعلموني اسامي الفنادق اللي تنصحوني اسكن فيها في تورنتو سواء في التاون داون والا غيرها ويكون السعر معقول وقريب من الجامعة غير فندق

Holiday Inn-Midtown
280 Bloor St. West

و


Howard Johnson Yorkville
89 Avenue Rd.

وكيف افضل طريقة للحجز عن طريق مكتب سياحي والا النت.


وشكرا

السلام عليكم ورحمة الله وبركاته

يا اخوي احسن لك لا تسكن في فندق لان فلوسك كلها راح تروح لكن سوي زي الاخ عبد العزيز

ان وهو امس طول اليوم مع بعض خذ لك هومستي اوفر لك واحسن لك

يا طويل العمر الاكل رسألو في المطار معاك اكل فما ادري كيف الوضع هما ما يسالو هذا السؤال

الا اذا كان في شي وترى المساجد فيها تمر وقهوة يعني الجو اسلامي والامام بعد خواجة

هههههههههههه

بسم الله الرحمن الرحيم

السلام عليكم ورحمة الله وبركاته...

تحية عطرة من القلب الى قلوب كل المبتعثين والمبتعثات والأصدقاء وخاصة الى بلدي الحبيب.......

أكتب لكم وأنا في قمة إشتياقي لعائلتي وبلدي وأصدقائي وأنتم يا أحلى مبتعثين....

أطلبكم أن تسامحوني على هذا الإنقطاع ولكن كان ذلك بسبب إنشغالي ببعض الأمور...

وها أنا الآن أكتب لكم عن تفاصيل ما حدث معي وأرجوا أن أكون خفيف عليكم ...

طبعا كانت رحلتي يوم الخميس في المساء أي الساعة 1:45 صباح الجمعة وبالتالي بدأ ترتيب أموري قبلها بيومين وأنا في جدة وكنت أنوي أن أذهب الى مكة لكي أقضي آخر الأوقات مع العائلة وأبدأ في ترتيب الشنط ولكن أتت عائلتي الى جده لكي تجلس معي وتودعني من جده وبالتالي قمت بالذهاب الى مكة وإحضار جميع ما أحتاج بدون أن أدقق في التفاصيل وقمت بالقيام ببعض الأمور على السريع لعلي أن أرجع لجده وأجلس مع العائلة قبل السفر وعندما ذهبت الى جده وبدأت في ترتيب الشنط أكتشفت أنني قد نسيت أشياء مهمة من ملابس وأغراض وبالتالي لم يكن هناك متسع لشراء غيرها ...
وبعد إنتهائي من ترتيب كل شيء ودعت أهلي وكان هذا الوداع مختلف عن الوداع عندما كنت أدرس في أحد الدول العربية وأيضا عندما ذهبت الى كندا قبل اربعة سنوات لمدة شهرين فطلبت منهم أن لا يأتي أحد معي الى المطار وبدأت رحلتي الى كندا............

عندما وصلت المطار طلبت من أخي أن يذهب ودخلت المطار ووقفت عند كونتر قص التذاكر لجميع الرحلات الدولية وسألت الموظف عن موضوع الوزن وأنني أملك بطاقة الفرسان فقال لي بالنسبة للوزن نعطيك لكل شنطة 32 كيلوا زائد 2 كيلوا أي 34 كيلوا للشنطة وسألت بالنسبة لوصول الشنطة الى تورنتو مباشرة وأجاب أنه ممكن...ولكن عندما توجهت الى الميزان كانوا يأخذون الوزن للشنطتين معن وكان وزنهما 42 كيلوا فكنت في السيف سايد يعني في السليم لجميع الرحلات لذلك لا أستطيع أن أأكد صحت النقل لأكثر من 23 كيلو للشنطة ولكن كما قال لكم أخوي Biochemistry أنه لم يواجه مشكة في الوزن عندما طلب وصول الشنط الى تورنتو مباشرة لذلك لا تقلقوااااا ...وبعد وضع الشنط وقص بطاقة الصعود دخلت الى صالة الإنتظار (ملاحظة : من يريد أن يقوم بأي عمليات بنكية عن طريق الصراف لا بد أن يقوم بذلك قبل الدخول الى صالة الإنتظار لأنه لا يوجد هناك صراف بالداخل وأيضا لمن يريد أن يصلي يوجد داخل صالة الإنتظار صالة آخرى لركاب الدرجة الأولى ويوجد فيها مصلى في غرفة خلفية ) وعندما دخلت بدأت في إستخدام الإنترنت ووجدت أن الشبكة عطلانة بسبب عمليات الصيانة ولا يخفاكم التكييف الضعيف والحر طبعا كنت أريد أن أقوم بتحويل بعض المال لحساب البطاقة الإتمانية مسبوقة الدفع ولكن تركت الموضوع لحين وصولي للندن ..

بدأنا في صعود الطائرة وعند الدخول يقوم بعض رجال الأمن بتفتيش عشوائي للشنط التي نحملها والحمدلله لم أفتش لأني خفت يخربوا ترتيب الشنطة ولكن هناك شخص وجدوا عنده علبتين من القطع المستخدمة في توليع البخور والحطب وصادروها منه ...طبعا بعد الجلوس في الطائرة وبدأنا رحلتنا الى لندن وعندما أقتربنا قاموا بتوزيع كروت ليست مهمة لمن لا يريدون الخروج من المطار ولكن أحتفضوا بها يمكن تتأخر الرحلة أوأو....الله لا يقدر عموما نزلنا الى المطار طبعا أتبعو اللوحات المؤدية الى مواصلة الرحلة (...Connection)وأعتقد هي ترمنل 3( Terminal3) وتتجهوا عند الموظف حق كونتر Air Canada وتطلبوا منه الشنط توصل لكندا على طول وتوروه الإستكر حق الشنط الي أخذتوه من موظف الخطوط السعودية وحاولوا طلب الكرسي إذا حبيتوا قبل يبدأ في طباعة كرت الصعود طبعا أسألوا عن رقم الرحلة ومتى تفتح البوابة... نكمل وبعدين أتجهنا الى صالة الإنتظار وأنتظرنا الين طلع في الشاشة رقم البوابة طبعا حيكون مكتوب تورنتو ورقم الرحلة وأنه البوابة رقم كذا طبعا قبلها يحطوا بس وقت فتح البوابة بدون رقمها وبعدين تتبدل الى رقمها طبعا تتوجهوا الى المدخل الي يؤدي الى البوابات وتلاقوا كل شوي يحطوا من بوابة كذا الى بوابة كذا ولازم يكون رقم البوابة موجود بين هذي الارقام نسيت أقول أنه عشان الأنتظار بس ساعتين ما قدرت أدخل على النت طبعا أتجهنا الى البوابة وقابلنا موظفين ووريناهم الجواز وكرت الصعود وسألونا ليش رايح كندا وبعدين جلسنا الين فتحوا الباب و نادوا بأرقام المقاعد يعني من 100 الى 90 يدخلوا وبعدين 89 الى 70 طبعا على حسب الطائرة طبعا مو ضروري عشرة صفوف بس هذا مثال ...

طلعنا الطيارة طبعا كانت جديده ونوعهاا 777 بصراحة حلوة لا والشاشات باللمس وتختار الي تبيه وتشغل وتوقف على راحتك وتعيد يعني DVD لكن متعدد البرامج والكراسي مريحة وسألت عن وجبات إسلامية قالتلي إذا كنت طالب حنوفرلك شوي لما جاء وقت الفطور جابتلي شي غريب وقالتلي أنجوي طبعا ما أكلته بس شربت مويه وقهوه ولما جاء وقت الغداء عطونا بيتزا وكان نوعين ببروني وجبن طبعا لا أحد يأخذ ببروني لأنه لحم خنزير الله يكرمكم والجبن ما كان فيه أي شي يدل على وجود مواد محرمة عموما سميت و أكلت طبعا أنتبهوا من الحليب بعضه يجي عليه دهن خنزير أكرمكم الله ...عموما قربنا من المطار وزعوا علينا البطاقات وكتبنا المعلومات طبعا فيه سؤال عن الهدايا خليته فاضي وفيه سؤال عن المدة خليته فاضي طبعا كانت إجاباتي كلها لا ...وبالنسبة للعائلات كلهم في ورقة وحدة والي بالغ يوقع عن نفسه طبعا كل الي تكتبوه في صفحة وحدة بس وباقي الصفحات كلام وفية صفحة ثانية بالفرنسي خلوها فاضية...

وبعد الوصول الى المطار جهزوا الجواز والورقة الي أخذتوها مع الفيزا وورقة القبول وأهم شي الكرت الي عبيتوه في الطيارة النهن نزلنا المطار طبعا حاولوا تنزلوا مع الركاب لأني تأخرت في النزوال وبغيت أضيع الطريق على العموم وصلنا الصالة الي فيها كونترات و لقينا فيها صف طويل بس يمشي بسرعة ويوزعوا المسافرين على الكونترات طبعا جا دوري وسألتني عن المدة قلتها أنا عندي قبول لغة لمدة سنة وأنا أخطط أدرس ثلاثة سنوات قامت كتبت 3 سنوات على الكرت وسئلتني عن الهدايا والسوائل قلتلها بس عطور وبعدين قالت روح من هنا وطول وأدخل الصالة ال قدامك ولا تروح يسار قبل الصالة وقابل الأمقريشن طبعا لما تدخلوا حتلاقوا مدخل للصف ومخرج من عند الكونترات لا تلخبطوا وتدخلوا من المخرج طبعا لازم ما تنسوا الكرت الي عبيتوه في الطياره زي ما صار مع أخونا Biochemistry طبعا قابلت الموظفة وأعطيتها الكرت والجواز والأوراق حق السفارة والقبول وقلتلها نفس كلامي مع الأولى عن المدة وقلتلها إني مبتعث الى جامعة تورنتو وراح أدرس ماجستير هندسة طبعا ك شي موجود عندها على الكمبيوتر وطبعا طبعت ورقة حقت تصريح الإقامة وحطته نفس مدة الفيزا يعني سنة و نص تقريبا ودبست الورقة في الجواز وطبعا رجعت ورقة القبول والكرت وأخذت مني ورقة السفارة وبعدين إتجهت على باب على شمال الصالة يخرج على صالة ثانية تودي على صالة كبيرة فيها العفش والشنط طبعا ما كنت أدري على أي سير نسيت أسأل ولما نزلت سألت قالوا الي من لندن يروح سير رقم 7 أعتقد طبعا جربت ا لماستر كارد ما نفع وكان هناك وحده تساعد الركاب عشان تطليع العربيات بدولارين قمت أعطيتها كاش ورجعتلي الباقي وأخذت عربية وأتجهت على بوابة الخروج وقابلت الشرطي الي يسأل عن الكرت وأعطيته الكرت والحمدلله ما أحد فتش الشنط وخرجت على صالة الوصول وأصبحت حرا طليقا وأنا هناك جاء رجل محترم وسألني عن هذي الرحلة من وين جات قلتله من جده ومرت على لندن وبعدين قالي أنت عربي قلت أيه قام قلب يتكلم عربي ورحب بي وقال أنا أنتظر واحد جاي معاكم من جدة طبعا طلع أخونا Biochemistry وتعرفنا على بعض وصلينا في المطار الجمعة والحمدلله طبعا كلمت ميشيل وقلتلها أنا جاي عندكم وقالتلي أنا أنتظرك طبعا أخذنا تاكسي ب50 دولار الى شارع جورج ستريت رقم المبنى 158 الي موجود في أسفل ورقة القبول ونزلت أنا هناك وكملوا الشباب الى الفندق...

طبعا بعد ما نزلت الشنط ودخلت أدور على ميشيل قالولي أنتظر الحين تجي قمت أتصلت على العائلة الي راح أسكن معهم وما ردوا وحطيت لهم مسج إني وصلت وبعدين قابلت ميشيل وجلسنا نناقش إذا ممكن أبدء يوم الثلاثاء وقالتلي صعب قلت متى أجي قالت تعال يوم 16 جون الصباح عشان نسةي لكم إختبار تحديد المستوى قلت طيب أبغى أعرف مكان الدراسة فين طلع أنه مبنى ثاني وكان قريب وطلب أخلي الشنط عندهم فقالتلي تعال قبل خمسة عشان حنقفل المبنى ورحت على مبنى ثاني طبعا أكبر من الأول وطلعت الدور الرابع ورحت لوحده إسمها روز وشرحتلها وضعي قامت دخلتني عند إنيس وكلمته عن دراستي وإني جاي بدري ويمكن أدرس في معهد ثاني لمدة أربع أسابيع قام قالي ممكن تبدأ معنا في كلاس حق الكونفرسيشن للأبر انترميدياه بس جبلي خطاب الإبتعاث وأنا أنسق مع الملحقية بخصوص الضمان والموافقة وأنت كمان كلمهم طبعا سألته عن البنك قلي أفتح كنيدين ترست أفضل وسألت عن سكن الجامعة قالي في واحد جنبنا بس غالي وسألته عن بعض الطلاب الي ما وصلهم إيميل منك قال راح نحاول نتصل تلفون عليهم لأن بعض الإيميلات خطأ وبالنسبة للموعد 25 ماي إذا فيه أحد ما رد علينا وجاء قبل 16 جون ما راح نرده وحنقبله على نفس الوقت الي مبين عنده لكن أحنا سوينا كذا عشان نعرف نرتب وضعكم طبعا هذا على ذمته هو...وسألته عن الدراسة للماجستير وقالي إذا تبي تفاصي عن تخصصك روح للكلية الهندسة هم يفيدوك أكثر وبالنسبة للمعهد إذا قدرت تجيب في المستوى 60 معدل B نأهلك للدراسة في الجامعة وإذا لا سمح الله أحد ما عدا يقدر يعيد أكثر من مرة الين يعدي بس بشرط ما يكون لعاب وما يحضر ولا يقدم واجبات....

قمت بعدين توجهت على المبنى حق السكن طلع ب900 دولار في الشهر ويشاركك طالبين في الحمام وأنتم بكرامة بس مافي وجبات إنت تجيب وتطبخ ميزته أنه يوفر حق المواصلات ومقابل المبنى حق الدراسة وجديد طبعا ما قدرت أشوف الغرف لأنه ما كان فيه الا وحده لحاله وما تقدر تخلي المكتب فخرجت رجعت المبنى حق ميشيل أنتظر العائلة وقرب الوقت من الساعة خمسة ولا حس ولا خبر رجعت أتصلت وخليت الي في الإستقبال يحطولهم مسج عشان يعطوهم العنوان ورقم التلفون طعا يأست وأخذت الشنط وعلى الشارع أنتظر قلت يمكن يصير شي طبعا كان كل همي كيف أقدر أتنقل مع 3 شنط لكن الحمدلله بعد 5 دقائق قالتلي موظفة الإستقبال إنهم جايين يأخذوني بعد شوي وجوني ورحنا البيت وبصراحة ما عجبني الوضع فأتفقنا على أسبوع وأغير العائلة ودفعت 175 دولار بدون وجبات ...

بالنسبة لشرائح الجوال رحت البارح للمكتب حقهم وقابلت مصعب وأخذت شريحة جوال وطبعا بالنسبة للباص أخذت حق خمسة أستخدامات لأنه نصف الشهر ما ينفع تأخذوا حق شهر حيطلع مكلف لأنه قيمته حق الشهر 109 دولار تقريبا فالأحسن تأخذوه في بداية الشهر ................ وسلامتكم.

أسف على الإطالة ولكن لحرصي لعدم نسيان شيء ممكن يفيد أحدكم وأي سؤال حنا حاضرين ودمتم بحفظ الله ورعايته...

والسلام عليكم ورحمة الله وبركاته...

أخوكم ومحبكم
عبدالعزيز
0016478686047

أخوي القمر 55 أنت عشان طلعت قرار الإبتعاث لازم تسافر خلال 3 شهور يعني أعتقد صعب تسافر في شهر 9 وأنت أقراء القرار وحتلاقي مدة صلاحية السفر يعني لازم تكلم الوزاة لأنه القرار صادر من عندهم وشوف كمان الملحقية يمكن لهم طريقة أتمنى أكون أفدتك...

مرحبا
حمدلله على سلامتك اخوي عبد العزيز وشكرا على تفاصيل الرحله استفدت منها
وعقبال الباقي

ياجماعه ماحد قرأ مشاركتي ولا فادني بالمشكله اللي عندي ارجو الرجوع لاخر رد لي بالصفحه السابقه وافادتي لو كانت مشكله هذي او عادي
شكرا لكم

أخت حروف الصمت الله يسلمك وأشكرك على شعورك الطيب وأسف لأن ما رديت قبل لأني كنت شوي مشغول...

بالنسبة للضمان المالي الملحقية تمدد الى أن تخلصي دراستك وتأخذي الدكتوراه ولكن بالنسبة للغة طبعا يعطوك فرصة حتى سنة ونص طبعا هذا كلامهم في الملتقى أما موضوع السنة فما في أي مشكلة تقدري تطلبي تمديد من الملحقية وراح يعطوك لأني أنا سألتهم إني أبي أدرس من الأسبوع القادم وقالوا مافي مشكلة طبعا إذا حسبتي المدة تلاقيها سنة وأربعة أسابيع وموضوع الضمان ماهو صعب المهم يقبلوا إنك تدرسي المدة الي تبينها وطبعا لازم الإلتزام بالحضور وحل الواجبات والمشاركة أما إذا كان الواحد ما يحضرومقصر فراح يوقفون بعثته حتى لو الضمان مليون سنة فتوكلي على الله وربنا ييسر أمرك وعشان تتأكدي أكثر إتصلي عليهم وكلمي ماجده الصالح وإن شاء الله تفيدك وأي خدمة ترى حاضرين ....

أخت sl.2 أين أنت عسى المانع خير؟؟؟؟؟؟؟؟؟؟؟؟؟

اخي الوحيد66

بالنسبة للفندقين الى ذكرت هم اقرب لبفنادق للمعهد
بالنسبة للاسعار ماراح تلقي فرق كبير

في فندق بس شوي مشوار
اسمة Day inn

بس يبعد عن المعهد 3 كيلو تقدر تمشي اذا ودك
او تروح بالقطار

بالنسبة للحجز انا سكنت في الفندق الى ذكرتة الول هولدي انن
800
دولار خمسة ايام
طبعا لقيت شقة ووقعت العقد معهم وكنت مشغول مرة عشان ماطول في الفندق

بس لهة ميزة حلوة المعهد على نفس الشارع
يبعد بنايتين عن الفندق

بالنسبة للحجز انا حجزت لما وصلت ودفعت كاش
ماحب الانترنت في هدي الامور لانة الغرفة يمكن ماتعجبني

بالنسبة للمكاتب السياحية مو حلوة جاخذوا زيادة عليك بس على موقع الهولدي انن في النت تقدر تحجز

انشاللة نشوف بالسلامة واي شي اتا في الخدمة

أختنا الكريمة حروف الصمت
انا توقعت هذا الشيء من المعهد لان الضمان اللي اعطوهم هو الملحقية مهو مفتوح
عشان كدة كلمي الدكتور يحيى من الملحقية وخليه يتراسل مع المعهد وهو يجيبلك
قبول اللغة كامل عليه الضمان ماينفع ترسليلهم بس ايميل ,, انا مرسلة ايميلات للملحقية
ليه شهر محد رد عشان كدة كلميهم بالتلفون طيب,,

موفقة باذن الله وسامحيني اني رديت عليكي متأخر