مساعده للتسجيل في معهد اللغه التابع لجامعه تورنتو

الله يوفقك يارب و ييسر لك امورك ويوفق الاخ مناحي كمان
كويس الحمدلله ارتحت الله يريحك
طيب معليش بسألك خطاب الضمان المالي الي من جامعتك ايش التفاصيل الموجوده فيه(يعني بشكل جدول او خطاب مكتوب باللغه الانجليزيه (ما أدري يمكن يشترطوا خطاب معين لأن إلي عندي بشكل جدول) وكمان حابه اعرف هل الضمان المالي مكتوب باسم جامعه تورنتو و التخصص الي راح تدرسيه مستقبلاً او باسم المعهد؟

إن شاء الله يارب ^^

ماعتقد يشترطو خطاب معين
حقي لاجدول ولاشي مكتوب انو الادميه دي (اللي هي انا) متكفله بيها وزارة التعليم العالي وبس
وعليه تاريخ صلاحيه (لازم تجيبي قبول معهد قبل التاريخ )
بالنسبه لتحديد التخصص وكذا لا مو مكتوب بس قالولي انو لازم اكمل في نفس تخصصي

مشكورة عزيزتي على ردك و الله ييسر لك و يحقق لك ما تتمني

أنا بس حبيت أتاكد لكن زي ما قلتي ما أتوقع الفورم تبع الضمان المالي ممكن يسبب إشكال كبير
عموما الفورم تبعي يختلف شويا موجود فيه كل البيانات التخصص و اسم الجامعه وغيرها على شكل جدول و بعدين تحتها موضوح إن وزارة التعليم العالي هي الضامن لجميع التكاليف

طيب شيء ثاني حابه آسالك فيه
لما أرسلتي للمعهد الضمان المالي و الأبليكيشن تبع التسجيل كم يوم وجاءك الرد؟
شيء ثاني في الآبليكشن ايش اخترتي في بيانات الدفع Saudi Arabia Cultural Bureau Scholarship sponsored or Saudi Arabia Cultural Bureau Dependent sponsored
طيب بيانات العنوان الكندي Canadian address ,Emergency info
كيف كملتي البيانات فيها؟
لأن حاليا ما عندي عنوان كندي وبالنسبة لبيانات الطوارىْ لازم يكون الشخص في كندا او عادي في السعودية؟

معليش كثرت عليك الأسئلة بس تحمليني

والله يوفقك يارب

الرد تقريبا جاني تاني يوم بخطاب قبول مشروط لين ما اكمل اجراءات الابتعاث.

الله يسعدك يارب و يوفقك و جزاك الله كل خير