هل لندن اونتاريو فيها مطار؟؟

مرحبا اختي

مدينة لندن اونتاريو مافيها مطار ..اقرب مطار هو مطار مدينة تورنتو.
طبعا الخطوط الكندية مثل الامريكية..مافي فرق.
وما تجي شي قدام الخطوط السعودية من حيث الراحة اثناء الرحلة...
اذا رحلتك من جده...راح توصلي الين مطار تونتو بالخطوط السعودية وبعدين بالكندية تتنقلي وسط كندا..للندن او غيرها.

تحية

شوفي تورنتو لان لندن مافيها مطار ورح تنزلي في تورنتو لان اقرب شي الى لندن
والخطوط الكندية ممتازة

مين قال ما فيها مطار
أجل اللي أنا جيت معاه ايش كشك ؟؟؟؟؟؟؟؟؟؟؟

فيها مطار و رحله من تورنتو الى لندن تستغرق 40 دقيقة بطيارة صغيره اسمها جاز
و أمتع رحله اللي من تورنتو الى لندن لان ارتفاعها يسمح لك تشوف الطريق من اوله لاخره حتستمتعي بطول الرحله

دحين فيها مطار ولا مافيها ترى كنت حروح اسويله لبشه تبع المكتب ده
يعي امة لا اله الا الله كلها اللي بتروح لندن اونتاريو تروح على تورنتو بعدين كيف توصل على لندن اونتاريو بسياره ولا بطياره صغيره زي ماتفضل امير وقلي..طيب لو طياره كيف احجز؟بالله فهموني
معليش كاني شاربه لبن معيز عالصبح خخخخخخخخ
حبه حبه عليا الله يرضى عليكم

أنا حجزت من المدينه على جده مريت بلندن عاصمة انجلترا و من لندن على تورنتو و من تورنتو الى لندن أمس واصل

لازم تكوني معطيتهم مدينتك الأخيرة اللي بتوصلي لها و فهميه انها لندن اونتاريو في كندا مش لندن انجلترا

الغالبية ما يعرفوا الا لندن انجلترا

و أنا في تورنتو قابلني شخص و قالي انه لندن اونتاريو ما فيها مطار

قلت له طيب البوردينغ دا حق ايش ؟؟؟

سكت ما رد عليا لا يخوفوك و لا يشتتونك...... توكلي على الله

فيها مطار صغير مو دولي يعني لازم تروحي تورنتو وبعدها على لندن بطياره صغيره ونص ساعه وانتي واصله ان شاءالله

طيب بنفس التذكرة ولا تذكرة جديدة؟معليش طولو بالكم معايا

اختي الخطوط السعوديه ما توصل بقاع كندا اصلا و لا اعتقد في طياره من الخطوط السعودية دخلت الاجواء الكندية .


و بالنسبة لكاتبة الموضوع
تروحي تاخذي امر الاكاب و تخلصي امورك في الوزارة و على كلام الناس تروحي مكتب الطيار و هوا ايح يجزلك و يزبطك و قولوليلو انك رايحة لندن اونتاريو و ابغاها كلها في تذكرة و حده بس اول شي لازم تنزلي في تورنتو لانها اقرب مطار دولي لي لندن اونتاريو


و اكيد انها حتكون احلى رحلة لالتقاط الصور من فوق كندا بس مو في الصيف كانت حتكون احلى في الشتا لتصوير الجبال و البيوت و هيا مغطية بالثلوج


رحلة موفقه و سعيده و تصولو بالسلامه

اخوكم
نمنم تورنتو

شكرا لكم جميعا ويعطيك العافيه يانمنم
وبصراحه كان نفسي اسألك ايش يعني نمنم؟؟