تجمع لطلاب معهد PLI هلموا

السلام عليكم
لو سمحت اخ عزوز اذا انت شايف المعهد موكوويس تقدر تدلني على معهد كويس وقادر على تدريس اللغة بشكل ممتاز وجو دراسي كويس والسعوديين يكونو قليلين لاني بصراحة ابغا استفيد وابغا ادرس وماعندي وقت للعب لني رايحة ع حسابي الخاص
ساعدني الله يوفقك ويسهلك امورك

أهلين ,,

أنا طالب سابق في المعهد !!

الأصوات المحبطة كثيرة هنا !! وهي من تأخذ الضجة ,, أما الأصوات الايجابية و التي خرجت بالفائدة تكاد تكون معدومة الاهتمام !! .

ما تريدون أكثر من طالب درس في المعهد 10 شهور و خرج منها بقبول في جامعة فانكوفر آيلند ,, و المعهد هو من قدم لي الطلب و هو من ساعدني في استخراج القبول من غير الحاجة أبداً لامتحان توفل أو حتى آيلتس ,, مجرد اني كنت في مستوى Advanced + ,,
افتكيت من صداع الراس مع التوفل ,,

هذا المعهد أعطاني الكثير ! اللغة + الحياة + الأمل + طموحي الجامعي ,, لن أنسى للحظة فترة العشر شهور الأروع في حياتي هناك !!

ما هو سر تعلمي للغة !! أنا لآ أتكلم العربية مع العربي !! فما بالك بالسعودي !! ,, و وجود العدد الكبير من السعوديين ليس عذراً تتخبط عليه كلما سألوك عن مستوى لغتك المبتدئ !! ..

اللي عنده طموح ما يوقفه أحد !! ..


دمتم بخير

اختي أم أحمد آسف على التأخير الحين اختبارات وحايستني حوس الله يعين بس

المهم انا غيرت المعهد والحمدلله خيره لأن فيه شباب توهم رايحين وقالوا لي ان المعهد احسن مافيه الفله والوناسه

والمعهد اللي حوولت له هو معهد iLac بصراحه معهد روووعه وعطوني عنه الأخوان كل المعلومات اللي احتاجها وانا بصراحه جاز

لي وراح ابدا فيه بأذن الله بعد 3 اسابيع.

اي استفسار انا بالخدمه

طب هل انت بكالريوس ؟

وكيف وضع الجامعه معك هل لما بديت حسيت انك كنت متهيا للجو الجامعي ولا فرق كبير

ومستواك ادفانس ليه صداع التوفل مفروض اذا المعهد كويس ماتوصل هالمستوى الا انت متمكن من اللغه ولا توفل ولا ايلتس يسببوا لك صداع مفروض يكونوا a piece of cake for you

انا كنت ادفانس من اول مادخلت ومع ذلك مانصح فيه ابدا يعطي قبولات ويبي يجذب طلاب بس مستوى تدريسه اقل من غيره بكثير ومضيعه وقت الي بتتعلمه بعشره شهور عنده تتعلمه بخمسه بغيره

ومو بس كلامنا حنا انا اول مادخلت البرازيلين والتركيين الي فيه قالوا لي اذا يمديك تغيري غيري بس هم توهقوا لان دفعوا

وغير صح يعطي قبولات ببعض الجامعات بس مستحيل منه تحصل قبول بجامعه مثل برتش كولمبيا او جامعه تورنتو الي حاطين شروط اصعب

ماتغربنا عشان ندرس في اي جامعه تقبلنا لازم الانسان طموحه يكون لاعلى شي فيتعبوا على حالهم افضل

ردك تهجمي نوعاً ما لكن مو مشكلة نتقبله بصدر الرحب !!

أولآ الجامعة اللي أنا فيها مو أي جامعة زي ما حضرتك تكلمتي ولازم يكون عندي طموح أكبر و الى آخره !! ,,
بعيداً عن حصولي في أفضل جامعة في العالم في مجال تخصصي وهو السياحة و الضيافة في سويسرا بسبب المعهد !!
و لكن الوزراة رفضت ابتعاثي هناك لأن سويسرا مو من دول الابتعاث , فهذي الجامعة هي الأفضل في مجالي في كندا و هي من القلة جداً الي تدرس تخصصي بعمق و أكثر خبرة من غيرهآ ! ..

فأتمني ان تنتقي بعض الكلمات يا آنستي !!

ثآنيآ , البيس أو كيك صداع و ليس صعب ! فأنا جايب فيه 6.5 في آيلتس وهو اللي يوديني أي جامعة في كندا في مجال تخصصي :\ !

ثآلثآ ,, حسب كلآم أصحابي الكنديين فلغتي هي الأفضل من بين الأجانب في الكورس ! وهذا أكبر شهادة بالنسبة لي !
رآبعآ: أحترم وجهة نظرك اتجاه المعهد ولكن كل انسان و طريقته في تلقي المعلومة و الاستفادة منها و الطريقة اللي يقدر يتطور من خلالها ,, المعهد ما كان مدرستي ! بل هي الأساس لمدرسة الحياة في تورنتو , فاللي اتعلمه في المعهد أطبقه في حياتي ثلاث مرات حتى ترسخ في عقلي .. و في شئ ثاني ! الكلام السلبي كان كثير حول المعهد بس تجاهلي له و ايماني بالحصول ع الفائدة عن طريقي انا هو من جعلني أنجح في عبور مرحلة اللغة في الوقت المناسب !!


دمتم ..

انا موجود بس الفرع الي في فانكوفر خخخخخخ

بسم الله والحم الله والصلاة والسلم على رسول الله وبعد
فاني استغرب والله ولا يكاد ينتهي عجبي من وزارة التعليم العالي
اذ كيف ترسل ابناءها الطلاب الى هذا المعهد الذي استطيع ان اقسم بالله ان اغلب المدرسين والمدرسات المتواجدين فيه بحاجة الى اعادة تدريس.
نعم ...ماذا تنتظرون من المعاهد التجارية ؟؟؟
حتى الكتب الدراسية للمعهد لاتوجد فقط تصاوير اوراق بالكاد تسطيع قراءتها !!!؟....
نعم نريد اموالكم ايها السعوديون... فقط اموالكم اما تعلمكم فهو اخر شي نفكر فيه..
لاتوجد كتب دراسية... فقط تصاوير اوراق بالكاد تستطيع قرأتها ولا حتى مكان للقراءة والهدوء..صخب وقلة حياء... اي والله
لا واجبات يوميه بل مرة او مرتين في الاسبوع , ولامساءلة وللمهمل وكانهم بقولون احسنتم هذا الذي نريد بل حتى المجد يمهل واجبه من كثرة الفلتان في هذا المعهد ولا حول ولا قوة الابالله ..
لا انكر حتى اكون منصفا بانه يوجد بعض المدرسين ولكنهم معدودين على اصابع اليد الخمسة....
ولقد درست والله سنة كاملة في معهد احد المعاهد التجارية الذي لن اذكر اسمه حتى لاتقولوا ان لي مصلحة معه واقسم بالله العظيم انه افضل من pli
لا من ناحية الكتب الدراسية ولا حتى المدرسين فكانو من اعظم المدرسين لغة وتدريسا.
فهذا نداء عاجل الى اخواني في السعودية وفي كل مكان عليكم بالمعاهد القوية وبالذات الاكاديمية واسألوا قبل ان تورطوا او تتورطوا علما سانتقل منه في القريب العاجل الى معهد جامعة يورك او تورنتو
والسلام عليكم ورحمة الله وبركاته

السلام عليكم ورحمة الله بركاته

مرحبا إخواني وأخواتي المبتعثين والمبتعثات

حقيقة أنا لم اطلع على المشاركات السابقة نظراً لكثرتها، لكن كنت حابب أشارككم برأيي الشخصي حول معهد PLI

لأكون صادق وأمين معكم أنا جربت نوعين من الكلاسات في هذا المعهد

النوع الأول وهو كورس تحضيري لاختبار التوفل وبكل صدق وأمانة هذا الكورس استفدت منه كثير كثير كثير جداً في تطوير المستوى الأكاديمي لدي والشكر بعد الله لمدرسي بهذا الكورس، حقيقة أقل ما اقول عن هذا الرجل انه أسطورة (بالنسبة لي) هو اسمه فرزاد وهو رجل مبدع جداً في ابتكار أساليب التعليم ومفيد جداً جداً وبإذن اللهالفرق بيكون واضح ومذهل بالنسبة لمهارات اللغة الأربعة خصوصاً مهارتي الـ RADING AND LISTENING
أنصح وبشدة لكل طلاب المراحل المتقدمة في اللغة وبدأو يشعروا بأنهم مابيحصلوا على قدر كافي من التطوير حسب ماهو متوقع انهم ياخذوا هذا الكلاس مع هذا المدرس بالذات

ملاحظة: مجرد بدء الداسة مع هذا المدرس تعني أن الطالب راح يتنازل عن كثير من الترفيه في حياته، لأنه وحسب رأي هذا المدرس (إنتوا جيتوا كندا لأجل تدرسوا مو لأجل أي شيء آخر فلا تقنعوني بإنه ماعندكم وقت للدراسة)، العمل مع هذا المدرس يتطلب مذاكرة يومية مابين 6 - 8 ساعات إذا كنت بالفعل حابب تستفيد أو على الأقل تحصل على الحد الأدنى من الاستفادة

النوع الثاني من الكلاسات كانت كلاسات يفترض إنها أكاديمية في الReading + Grammar

بصراحة كلاسات القراءة كانت أبعد مايكون عن القراءة الأكاديمية ولا تمت لها بصلة لا من قريب ولا من بعيد مقارنة بتجربتي السابقة في معهد ELI at UBC

كلاسات قواعد اللغة كانت جيدة صراحة ومفيدة لي

ولا يعيب على المعهد عدم توفر الكتب، لأنه باعتقادي طالما بيوفروا لك مادة مطبوعة تستخدمها كمرجع وقت الحاجة فمو بالضرورة توفير كتب كاملة اللي قد تكون عبء على بعض الطلاب من حيث تكلفة سعر الشراء، ومن أراد الاستزادة فبإمكانه الاستعارة من المكتبة العامة

هذا رأيي المتواضع في المعهد

أتمنى اكون أفدت البعض