تجمع لطلاب معهد PLI هلموا

لا تعليق ..........كل يرى الناس بعين طبعه

افكار .. يسلمو ع اللعبة

انا وصلت 16 و كل شوي القى حل بس يبقى يا الاخضر او الاصفر نا اقدر اوصلهم

قلت بنام افضل من ان يرتفع ضغطي خخخخخ

سلام ..

نقآء ,
في أمان الله ,, تصبحين ع خير :> .

انا من رأيي انو نحاول قد مانقدر نوضح لهم الصوره الصحيحه للاسلام..لانهم عندهم افكار غريبه عنا وهذا دورنا..لابد نعطي انطباع جيد عن المسلمين..مع اني وجدت نفسي اتعرض لأسئله لم افكر في اجابتها من قبل..والحمدلله لدي لغه تمكنني من الاجابه على استفساراتهم..لدرجه انو وحده من المدرسات اعجبت بطريقة الرد واستغربت لما قالت مالقت احد من الطلاب او الطالبات السعوديين يرد عليها بهالاستفاضه..وباعتقادها ان اللغه هي السبب..وصارت كل يوم تجهز لي مجموعه من الاسئله..وقالت لو يضايقك راح اوقف..بس مادام الواحد بيده يسوي شي ليه لا..

همس الليل ,,

أوكي أنآ أوافقك ,, بس الوآحد لآزم ينتبه أنه يجآوب على شئ هو ما يفقهه 100% و مستعد يستقبل أي سؤآل في محور الموضوع !! ,,

لآزم يكون عندك العلم التام عن الموضوع حتى ترد ,, ولازم تكون مجهز اللي قدآمك 60% يمكن مستقصد بسؤآله ! ولآ يبحث عن اجابة !! ..

مثل الايرآنية اللي خليت الصف يضحك عليهآ , , أسوي برزنتيشن عن العمل في السعودية في حصة بيزنيس ,,

و نآطة علي وسط البرزنتيشن , تقول مو تسأل !! ملآحظة , بس انتوا الحريم عندكم ما يسوقوا صح << لآ باللهي !! مآ تدرين ولا وشو بسؤآلك !! .. قلت لهآ لآ , ولكن تم السمآح مبدأيآ بقيآدة المرأة ,, تقولي طيب ليه ما يسوقون !! رديت عليهآ رد سريع ! و بعد ما خلصت منهآ رحت أقول ,, في أي سؤآل ثآني عن العمل في السعودية لو سمحتوا لآ اجتماعيآ :> .. مع ابتسآمة هع ,, طآح الصف ضحك عليهآ من طريقة طلبي أي سؤآل من الطلآب بدوبلمآسية اني مستقصدهآ هع ,, < وأخذت عليهآ درجة كاملة من طريقتي هع ,,


فانتبهي أختي من النآس اللي تستقصدنآ .. ترآ في يهود في السكول من مدرسآت و طلآب ,, و يستقصدون للأسف حسب مآ وآجهت !!

مبروك دحام.. مرحلة ١٩ مرررة ممتازة في يوم واحد..

نقاء.. ما شاء الله عليك بطلة .. فالك الـمرحلة ٣٠ بعدما ترتاحي ..

سالم.. حمد الله على السلامة.. [ والله يكفي الجميع شر الستين داهية ]

إحساس.. امممم يقولون المطر يسبب كآبة للإجانب.. هل انتقلت لك العدوى؟؟ سلامات من الطفش..



موضوع الشبهات والرد عليها شايلة همه مررررررررة.. ما ودي نكون سبب في تخريب صورة ديننا أو بلدنا.. ولا ودي أسكت على اللي يرمي كلام..

وهذا الموضوع أحسه أهم شي بالنسبة لنا كمسلمين وسعوديين علينا العين أكثر من غيرنا..

يا جماعة الخير :
انتم جزاكم الله خير تفعلون خير ولكن لاحظ , انتم تجيبون اسئله تختص عن الدين , فلا بد ان يكون لك علم بالعلم الشرعي , واساليب الدعوه الى الله , لان الدين في زماننا هذا اصبح الكل هو عالم به والكل يتكلم بأسم الدين .
سبحان الله اصبح الان اسهل حاجه على الانسان التكلم والافتاء , ولو كانت المسأله هندسه وتدخل بها دكتور عظام لم يأخذ بقوله الا اذا كان لديه علم هندسي سابق, فأرجوا من الأخوان خاصه في موضوع الشبهات ان لا يجيبوا الا وقد اطلعوا عليه شرعا.............
اما كل واحد يأتي بدليل عقلي ولم يطلع عليها شرعا فهذا قمة الخطأ.............

اسلام عليكم جميعا

مرحبا اختي رحاب
صراحه موضوعك جدا مهم ولا احد تكام عنه من قبل

احنا احيانا نتكلم عن ديننا ونكون مو عارفين التعابير الصح ولا الكلمات الصحيحه اللي تمثل الحقيقه
فنعطيهم رأي عشوائي وبس
المفروض محد يتكلم الا هو عارف الشي الصحيح
واحيانا اشوف كثير من عيالنا يضحكون اذا تكلمو عن المرأه او اي شي يخصنا مثل السواقه
يعني لو سالونا انتو تسوقون بالسعوديه
يردون وبكل قوه لا حريمنا ما يسوقون ويحسسون كانهم هم شخصيا اللي مانعين
وكانهم فارضين قوتهم علينا واننا احنا مالنا شخصيه وهالشي من قرارتهم
ما يعطونا فرصه احنا نتكلم ونوضح ان ديننا ما يبغى هالشي عشان الحكومه هي اللي منعت
وعشان احنا مدلعين ما انتعب انفسنا ورجالنا وديينا مايسمحون لنا انزل انفسنا لاشياء زي كذا بالعكس مريحنا وهو يوصلونا او يجيبون لنا سيارات وسواقين خاصه فينا يا الحريم
يعني ما فيه داعي نحسسهم اننا مظلومين

وبعدين ترا احنا نختلف في درجات الدين وكل واحد مقتنع بالدرجه للي هو فيها يعني فيه بعض الاشياء يحس الشخص انها صح وهي اصلا خطا بالدين..فلا يقعد يقوله عندهم وكانها من ديننا وهي بالعكس تناقض الدين تمام
يعني ما فيه داعي الافتاء بدون الرجوع للدين الحقيقي من كتاب الله وكتب والدين

وشكرا
اسفه على الاطاله بس دام انفتح الموضوع حبيت اعطي رايي

شكرا رحاب

كلامك عين العقل يا عيون الرياض..

مشكلة اللي يفتون باسم الدين، وكأنهم الخبراء بشؤون الدين والبلد كلها..

باعتباري لسه ما خضت التجربة فراح أتابع ردودكم باهتمام..

وبعبارة أخرى.. الرجاء الإطالة.. فالموضوع يستحق..

فعلآ عيون الرياض ,, أوآفقك في كلآمك ..

و مثل ما قآلت أفكآر ,, الموضوع يستحق النقآش ,, لأن الشئ هذا متفشي ,, و كثيرون من يتحدثون بغير حكمه أو من غير علم في الدين !! ,,

و المشكلة ان هذا كله يعكس وجهة نظر النآس لنآ !! ..