جاني قبول في معهد جامعة Acadia في Wolfville ومحتاجة نصيحتكم

طيب بسألك يعطيك العافيه مدام عندك خبرة بتغيير المعهد لو بغيت تغير المعهد الملحقية تجيب لك القبول من المعهد الثاني الي انت تبيه ولا لازم انت تروح تجيب قبولك
والله يسعدك

انا اعلمك شلون انتي لا جيتي هنا او من السعودية تروحين للمعهد نفسه وتطلبين قبول وتدفعين رسوم

التسجيل واختبار المستوى ويعطونك قبول وتكلمين الملحقية وتقولين انا ودي اغير المعهد طبعا" هم ما راح يقولون


اي حاجة بيقولون خلاص ارسل القبول الجديد مع ذكر سبب التغيير فقط يعني الامور سهلة

وعندك طريقة ثانية واسهل واحسن تدخلين على موقع المعهد الي تبينه وتعبين نموذج تقديم طلب قبول

يردون عليه المعهد تلقائيا" سؤائ بالموافقة والا لا

من دون ما تروحين للمكاتب النصابين الحيوانات يضحكون على الناس

ولما يكتمل الطلب حقك ويقولون المعهد خلاص الامور تمام تلاقين بنفس النموذج رقم حساب المعهد البنكي

تحولين عليهم الفلوس ويرسلون القبول لك على ايميلك بكل سهولة وبساطة

بالتوفيق اي سؤال تبينه ابشري بعـــزك

hanooo2009

الله يوفقك ويبارك فيك

ردك بجد يريح

جزاك ربي كل خير

بصراحة اخوي يبيني احول لفانكوفر وانا مابدي

احس براحة لهالجامعة مو مرتاحة للولايات الكبيرة

اكثر شي طمني كونها ريفية ومافيها اي شي

مشان هيك مابدي اغيرها وابي اي شي يطمني ^.^.

وبحثت عن تخصص الكيمياء ولقيته فيها الحمدلله بس للحين ابي زيادة معلومات عنها

والله يسعدك ويوفقك ويحقق مرادك

/

بسألك عن الحجاب هناك هل فيه منقبات وبيلاقوا مضايقات ؟؟؟

عموما" أختي كندا بشكل عام يحترمون الاديان

ما في تعصب ضد العرب بالمره

وفي بنات منقبات كثير ولا احد يضايقهم ولا حاجة والامور كلها تمام

والمدينة الي فيها الجامعة قرية صغيرة لا في اسواق ولا حاجة

وصادة بمكان لحالها ولا فيها احد بالمره كلها طلاب

وفانكوفر كلها سعودين بكل زاوية وبكل لفة وغالية ونصيحة لا تحولين لها

اذا تبين تحولين تعالي عندنا في هاليفاكس اقرب لك واحسن واهدا من فانكوفر

بالتوفيق

اي مساعدة تبين بعد ترى موجودين حنا نخدم لوجه الله لا نأخذ مقابل ولا حاجة ولا مادة ولا شي

نخدم لاجل خاطر الي بالسماء الي عينه ما تنام

الله لايحرمك الأجر يارب
بسألك الله يسعدك انت درست بخاص وبعدين حولت اكاديمي ولا العكس
ووش برايك الأفضل وليش؟
وهل الناس ماتدخل اكاديمي بالاول بس لأنه صعب وواجباته كثيره ولا لأنه مايأسس باللغة؟؟

لا انا داخل من البداية لغة اكاديمية بحتة ومكثف لاني ما ابغى اطول بمرحلة اللغة بخلص بسرعه

وادخل الجامعة وانا مرتاح مو اقعد سنه ونص

انا اقولك شغلة بعض الطلاب هنا ما يحبون الواجبات الكثيرة وما يحبون الضغط

يعني بالعربي نص الطلاب السعوديين هنا جايين وناسة على بالهم كل شي سهل

والدنيا وانا واخوك ما في شي بسهولة كل شي لازم فيه تعب ودراسة اكثر

ما في شي يجي بالسهولة يعني الحين بيني وبينك يوم اغلب الطلاب زعلانيين من الواجبات الكثيرة

يعني على بالهم بالجامعة ما في واجبات كمان

الجامعة دروس بكثافة انا اخوي يدرس في اكيديا الحين كاره عمره حتى بالويك اند ما يطلع كثير

الجامعة ضغط شوي ااذا الطلاب في مرحلة اللغة وتضايقوا شلون بالجامعة

يعني الله ما شفناه بالعقل عرفناه الامور تساهيــل ولا يهمك كلام الناس ولا عليك من احد

انتي تعالي وبتشوفين بعينك كيف الدراسة وسهولتها للانسان الي بيشد حيله

اما الي جاي للوناسه ويدور الفلة والحاجات الثانية يقعد في بيت اهله احسن ويفك الناس من شره


بالتوفيق يا غاليه

مشكوووور والله يوفقك ويكثر من أمثالك ولايضيع تعبك ...

يعطيك العافيه على المعلومات ودعمك للموضوع جعله الله عز وجل في ميزان حسناتك وجزاك الله خير الجزاء اسال الله العظيم رب العرش العظيم ان ييسر لك ولجميع ابناء وبنات المسلمين امورهم في الدارين ويقدر لنا الخير كان ويرضنا به .

حابه اسال اذا كان هناك حضانات للاطفال او مربيات موقت لساعات معدوده فقط .

حابه اعرف نظام الجامعه في دراسة اللغه , مو مشكله الواجبات بالعكس شي ايجابي ويحفز ويجبر الشخص على الدراسة يعني شي مره حلو ,حابه اسال اذا في مدارس للمرحله الابتدائية , واذا في امكانيه اسكن في هليفاكس واداوم في المعهد تبع اوكاديا , مالى نفس اغيره ابدا مرتاحه فيه بس الى محيرني قلة الخدمات وعدم توفر الحاجات الاساسية .
اتنمى من الاخوه الرد على تساولاتي وجزاكم الله خير .

اهلين وسهلين الله يرزقك بالذرية الصالحه ويسهل دروبك يا رب

انا انصحك نصيحة دام فيها حضانه الدعوة ما تصلح لك المدينة لانها صغير ولا في خدمات ولا مستشفى كبير

ولا حاجة انصحك تروحين هاليفاكس احسن وبالنسبة لو سكنتي في هاليفاكس وتدرسين بالمعهد ما يصلح

لان القرية تبعد عن هاليفاكس 100 كيلو تقريبا" صعبة عليك تروحين كل يوم وتجين

استخيري ربك وتعالي هاليفاكس

وحنا نخدمك بعيونا وروحنا يا اختنا الكريمة

بالتوفيق

اخواتي الإعزاء
السلام عليكم ورحمة الله وبركاته
انا ايضا اتاني قبول في جامعة اكاديا وتخصصي رياضيات....ولكنني لم التحق بالدورة الإلزامية..هل يتم قبولي في البعثة ام لا.
ارجو الإفادة اخواتي الإعزاء