ايش المقصود بالمظروف المغلق لطلبة الماجستير

الظرف المغلق هذا ظرف رسمي ويكون مختوم المكان اللي يتلزق منه الظرف.

طبعا لازم تكونين جايبته معاك من جامعتك من السعوديه.

طبعا اذا ما جبتيه تقدرين تاخذين من الملحقيه الظروف هذي وتطلبين منهم يختمون عليها والجامعات هنا ما يهمهم من وين الظرف اهم شي يكون رسمي ومختوم عليه.

التوصيات والظروف مافي شي منهم يغني عن الثاني. الظروف مهمه والتوصيات اهم.

اتمنى اني غطيت جميع تساؤلاتك.

طيب يحتوي علا ايش؟ ايش اقول لجامعتي عشن تعطيني هو؟

ما يحتاج تقولين شي للجامعه طال عمرك.


انتي كلمي الملحقيه وهم بيعطونك ظروف من عندهم ويختكون عليها.

حاولي تاخذين ظروف كثيره عشان تقدمين على اكثر من جامعه لان كل جامعه تقدمين لها اوراق خاصه وكل جامعه تطلب منك هالظرف.

هههههههههههههههههههههههههههههههههه
الله يمسيك بالخير بو خالد .. ترا نصف العلم قول لا أدري

الاخت زين
اغلب الجامعات الكندية تطلب توصيتين او ثلاث توصيات علمية من الدكاترة اللي درسوك في مرحلة البكالوريوس
وكذلك نسخة اصلية او صورة مختومة طبق الاصل من كشف الدرجات

اذا انتي راح تقدمين على عشر جامعات مثلا .. راح تحتاجين عشرة ظروف مختومة
و تحطين نسخة من كل توصية + نسخة من كشف الدرجات (في ظرف مختوم) وتقفلينه ..

ممكن تحصلين على الظرف من القسم او الكلية اللي درستي فيها .. او من ادارة الجامعة .. ويكفي ختم ادارة الكلية

الافضل انك تجهزين التوصيات وكشف الدرجات وتروحين بها الجامعة وتطلبينهم في ظروف .. وتحطين اوراقك فيها عشان يختمونها

حل آخر : بعض الاقسام او الجامعات يتساهلون في الموضوع ويعطونك ظروف مختومة جاهزة (فاضية) .. ولما تخلصين اوراقك تحطينها في الظرف وترتبينها زي ماتحبين وتقفلينه ..

لو انتي خريجة جامعة الملك عبدالعزيز .. حاولي تطلعين خطاب من القسم اللي درستي فيه بأنك درستي كورسات بالانقليزي او ان بعض الاختبارات او الكورسات او المعامل كانت باللغة الانقليزية .. يتهيأ لي ان جامعة الملك عبدالعزيز موجودة في قاعدة بيانات بعض الجامعات الكندية على اساس ان الدراسة فيها بالانقليزي .. فمايشترطوندرجة معينة في اللغة ..

تمنياتي لك بالتوفيق ،،

الله يمسيك بالنور يا عادل.

انا ما احس اني قايل نكته عشان الضحكه العريضه هذي !!!

عالعموم انا ما افتيت بشي انا ما ادري عنه تقدر تكلم الملحقيه و بدال ما الواحد ياخذ الاظرف من السعوديه يقدر يخلصها من هنا. انا ماخذ ظروف من الملحقيه ختموها و ارسلوا لي اياها ثمان اظرف فاضيه عشان اقدم فيها.

كان مقصدي اختصار للوقت وما كان قصدي اتفلسف يمكن انت ما تدري عن هالشغله وكلنا نستفيد من بعض, يا ليت نرتقي في الرد والنقااااش.


اتمنى الاخت زين استفادت من مرورنا وشاكر اضافتك يا عادل.

أبشر .. حاضر عمي

لا لا لا يازين
هما مايبغوا الظروف مختومة وفاضية
لازم تسوي لها حشوة محترمة زي حشوة السمبوسة وتحطي فيها التوصيات وكشف الدرجات بس
وباقي المستندات والوثائق مثل ( صورة مختومة من الوثيقة + CV + شهادات تقدير لو عندك+... ) تحطيها مع بعض في ظرف عادي
وترسلينها للجامعة اللي حتقدمي عليها ..
ارسلي كل مايساعد على قبولك مثل شهادات التقدير والمشاركة في اي انشطة سواء دراسية او غير دراسية..
افتكر لما قدمت على الجامعات .. ترجمت شهاداتي وختمتها من مكتب ترجمة في فاكوفر وارسلتها مع الملف لما قدمت ع الجامعة..
بعض الجامعات مشكلتهم يطلبون نسختين من التوصيات وكشف الدرجات في ظرفين منفصلين .. بس غالبا هما يبينوا لك اذا يبغوا نسختين ..

فالك التوفيق

يعني الظرف المغلق دا داخله التوصيات + السجل الاكاديمي + الوثيقة + الظرف العادي اللي فيه باقي المستندات

صح كذا ولا لا ..؟؟