طالعت في السيارة الا وهي كابرس صابونه موديل 95.. سالنا الكداد بكم الرحلة قال 130 ريال على الراس.. قلنا تم توكلنا على الله..
الركاب ال4 الباقين هم سعوديين وعاملين باكستانيين.. السعوديين الاثنين راكبين قدام و العمال وانا وربيع خلف.. <<<<<<< الضيق في القبر ماعليكم خخخ
الساعة 6 تماماً
تحركنا من محطة النقل العام والركاب يضمون بعضهم بشكل غير ارادي طبعا وبعد 10 دقائق بس دب النعاس في الجميع واعتقد ان للاحضان دور رئيسي في ذلك.. كانت الشمس على وشك المغيب تقريبا واعتقد لحظة الغروب من اضيق على اللحظات على الجميع بما فيهم انا ومحمد بن فطيس المري.. الذي اخذت اردد ابياته بيني وبين نفسي..
ضيقة عصير..
الضيقة اللي دايم تالي عصير .. وش حيلتي واردها لاتجيني
لا طال ظل العود حزة عشا الطير .. كنها على سجن الحديد تحديني
يضيق صدري كل ماجات واسير .. ولايخفف سوج رجلي حنيني
لاحولنا مشراف ولا اقدر اطير .. يالله قسمة خير لا تبتليني
وعقارب الساعة توقف عن السير .. ماكن في الرياض سواتي حزيني
والعبرة الي تاصل الحلق وتحير .. ياقربها لو قيل لي ياعويني
امِّل شوف الناس ورد ومصادير .. والي يقول شفيك كنه يهجيني
يعني على ماقيل من باب تصوير .. لحد ابي قربه ولحد يبيني
اروح ادور خط مابه دواوير .. وادور اللي هادها تهتديني
واخذ مع الهاجوس سجة وتفكير .. واراجع اللي فات بيني وبيني
واحسَّب ذنوبي وادور لتكفير .. عساي ماقصَّرت في والديني
وعساي ما قارنت من ينفخ الكير .. واللي يحمل المسك جعله قريني
ويطري علي يوم الحشر واطلب مجير .. ما أعطى كتابي في شقيقة يميني
ويطري علي صدقان كثر الدنانير .. اللي تعاديني إليا كثر ديني
وراع الهروج اللي سوات المناشير .. اصد عنه وادري انه يعنيني
الله حسيبة يوم عرض القوارير .. والله حسبي من صواب مكيني
واليا طرالي واحد كانه صغير .. اما اصغر بيومين ولا سنيني
دريت وش قومي وعينت تفسير .. للضيقة اللي من زمن تعتريني
حبه بصدري سالفة سر في بير .. وكن الفؤاد يقول هذا زبيني
اشفق على علم يجي منه من غير .. ما يسمع اللي سولفوا به.. ونيني
ياكثرهم غيره ولكن خبر خير .. ماغير شوفه في الوجود يهنيني
رايي كذا يا عاشقين الغنادير .. ماله على وجه البسيطه وزيني
العام اجيهم من حساب المسايير .. واليوم حال عداي وينه ؟ و ويني
خطاي.. تعليق الأمل في المدابير .. الين راح وشفت حقري بعيني
صبر جميل وخابر انها مقادير .. والله على تخفيف حزني عويني
ذي حالتي لين اتغبا الشمس واصير .. معطاً سراحي عقب ما انا سجيني
وإلا امتلى جوف الشجر بالعصافير .. طلبت من رب العباد يهديني
يعتقني المذن عقب ضيقة عصير .. اللي على سجن الفراق تحديني
المهم بعد تجاوزنا لتفتيش الرياض توقفنا في احدى المحطات لصلاة المغرب والعشاء.. وبعد الصلاة اكملنا المسيرة الى الطائف وعاد السبات يدب في الجميع مرة اخرة لذات السبب ولاسباب اخرى..
الساعة 9 والنصف..
توقفنا في الحوميات لان السواق الله يهديه يقول بيغير الزيت.. وقالنا روحوا تعشوا وابلحقكم قلنا يالله مو مشكلة.. تعشينا وشربنا شاهي و واحد من الشباب طلب معسل واستمر وقوفنا ل45 دقيقة.. بس تهون قدام 3 ساعات انتظار في محطة النقل.. واصلنا المشوار تجاه الطائف والحمد لله وصلنا الساعة 1,30 وعلى فكرة الباكيستانيين نايمين من بعد العشاء الى ان وصلنا الطائف.. نوم الهنــــــا..
خالد الميزاني April 14th, 2008, 12:43 AM
7 " حلوووووووووووووووووووة
ههههههههههههههههههههههههههاااااااااي
الله يرجك خااااااااااالد
عنوااااااااااان ميه ميه
نسيت لعبه من سيربح المليون
وآآآآآآآآآهييييييييييييين
اه على وقتي اللي فاااات
واه على عمري الل راح
R A B E 3 April 14th, 2008, 02:08 AM
7 " الله يسلم روحك اخوي ابو راشد
و الله اللي يشوفك ينشرح صدرة
من جد عندك طله احسدك عليها
الله لايحرمنا منك
R A B E 3 April 14th, 2008, 02:10 AM
7 " السلام عليكم ورحمة الله وبركاته
كيفكم جميعاً والله لكم وحشة
في البداية اقول الف مبروك لفوز الهلال وهارد لك للاتحاد
والله يعطيك العافيه اخوي ابو راشد على الموضوع الجميل والله يجزاك خير وجعلها الله في موازين حسناتك والله يوفق اللي كتبها ويجعلها في موازين حسناته
والله حلو الفلم الهندي ياخالد صدق الكداده معاناة الركوب معهم <<<<<<< اسال مجرب
مع تمنياتي للجميع بالتوفيق
اخوكم صالح الزهراني
Saleh Alzahrani April 14th, 2008, 10:17 AM
7 " يا اخوان واخوات ممكن مساعة لو سمحتم
انا عندي قبول للغة في الجامعة انشاء اللة سويا معا
لكن بداية الدراسة (5 ماي) وطلبت تاجيل من الجامعة راسلتهم ولم يصل الرد على طلب التاجيل ارجو
ابلاغي ما الوضع وهل في احد اجل وجاء لة الرد على التاجيل
وشكرا لكم حسن تعاونك
طموح جدا April 14th, 2008, 11:37 AM
7 " السلام عليكم ..
خالد وربيع الحمد لله على سلامتكم ..وأعانكم الله
مغامرة رائعة وممتعة ما شاء الله عليكم ..
وأحسن ما سويتوا أنكم طلعتوا على خصوصي لأن النقل الجامعي مزعج جداً ..
مرة أخرى الحمد لله على سلامتكم ..
ربيع الله يسعدك دنيا وآخرة ..
صالح الله بعافيك ..
طموح جداً ..
لعل الأخوان هناك يفيدوك لكن اصبر شوي لأنهم مشغولين الآن بالإختبارات ..
وراسل الجامعة من موقعهم وإن شاء الله يردوا عليك .. وإذا تعرف أحد يتكلم إنجليزي ما يمنع أنه يكلمهم .. وبالتوفيق يخوي
تحياتي للجميـــــــــــــــــــــع ،،
F R W A N April 14th, 2008, 01:38 PM
7 " الاخ ابو يوسف والاخ محمد بصراحه لكم وحشة لكن الله يوفقكم في اختباراتكم ويسهلها عليكم وان شاء الله تفرحون باعلى الدرجات وتفرحونا بنجاحكم
ياشباب لاتنسونهم من الدعاء بعد كل صلاة
اخوكم المحب صالح الزهراني
Saleh Alzahrani April 14th, 2008, 02:18 PM
7 " السلام عليكم ورحمة الله وبركاته
حبيت اسلم على الكل
وبالاخص الاخ اسامة الغامدي
مشكووووور و الله
R A B E 3 April 14th, 2008, 04:06 PM
7 " ابشركم اليوم سددت القسايم
الله ياخذهم 1700 ريال ليييييييييييييه
يالله خلصناها
على الله العوض
R A B E 3 April 14th, 2008, 04:18 PM
7 " 
LinkBack URL
About LinkBacks
عنوان الفلم..
الساعة الثالثة ظهراً..
بما انه توجد ازمة حجوزات طيران بسبب الاجازة التي داهمتنا الاربعاء الماضي لم نجد اي رحلة الى الطائف واضطررنا للسفر عن طريق النقل الجماعي اتصلت على ربيع وتواعدت معه في محطة النقل العام الواقعة في حي العزيزية بالرياض لغرض حجز تذكرة الى الطائف..
وصلت المحطة قبل ربيع ووجدت على شباك الحجز صف طويل على شكل حرف J ورقم الشباك 18 المهم وقفت في الصف الى ان وصل دوري وتفاجأت بالموظف يقفل الشباك متعذرا بموعد الصلاة.. قلت ماعليه من ترك شي لله عوضه الله خير منه.. المهم بعد الصلاة توجهت للشباك وكان الصف طويل جدا هذه المره على شكل حرف S وكان مبتقيا على الرحلة 10 دقائق حيث تنطلق الرحلة الساعة 4 عصرأ..
حوارات من داخل الطابور..
كان خلفي " شايب شريا " الله يذكره بالخير كان يوصيني لحد يسقط قدامي قلت اكيد عنده خبره في الحياة وباسمع وصيته وبعد شوي جاني " ولد ديمن " في العشرينات من العمر يقول رحلته على الشرقية بعد 5 دقائق وطلب مني اسقطه قدامي وطالعت في الشايب اللي وراي وقال " الرياجيل لا ياخذون حقك " قلت طيب طيب.. وطالعت في الولد وقلت له والله انا بعد رحلتي على الطائف الساعة 4 ومافي فرصة لو اني على رايح الشرقية ابشر ابسقطك.. والظاهر انه فهم انها تصريفه وراح..
رن الجوال ربيع يتصل بك.. قلت له انا في شباك رقم 18 تعال عنده.. وصل ربيع واعطاني بطاقة الاحوال وقيمة التذكرة.. وصلت عند الشباك واعطيت الموظف البطاقات والفلوس وتفاجات بعد ما اخذت التذاكر ان الرحلة راح تكون في الساعة 7 بعد المغرب.. رحت انا وربيع لصالة المغادرة وقلت للموظف في امكانية نركب على رحلة الطائف رد الموظف بهز راسه بشكل افقي وبسرعة 200 كيلومتر في الساعة..<<<<<< لا تسونها وتدوخون بس
المهم ودعت ابن عمي اللي وصلني وجلست انا وربيع على الكراسي.. قضينا اول ساعة انتظار في مقاطع الجوال و ربيع راح لبرج المملكة وصور بجواله المناظر.. وفي اثناء الانتظار جاء عند ربيع شاب الله يستر عليه يقول " انا انتفض من الجوع تكفى اشتري لي غدا " وربيع الطائي اقصد ربيع الغامدي ماقصر معه الله يجزاه خير..
الساعة 5 و 15 دقيقة..
ربيع يطالع فيني ويقول للصبر حدود وانا اطالع فيه واقول ماعاد بدري.. خخخ
وصلنا لفكره اننا لو ناخذ تاكسي ونختصر الوقت اللي جالسينه في انتظار رحلتنا افضل لنا.. طلعنا خارج المحطة على مواقف التاكسي ونسمع الاصوات تردد " حائل ياولد .. الخميس اثنين.. الطائف ياولد" رحنا للتاكسي وقلنا له حنا نبي الطائف قال وصلتم انتم تكملون 6 ركاب.. قلت له وشهي السيارة لو تكرمت قال هذي هي..
فاصل اعلاني.. <<<<< متاثر بMBC خخخ