تجمع طلاب University of New Brunswick

ابغى اسال في تخصص جينتك في نفس الجامعه

انا يا شباب وصلت كندا من زمان
وعلى وشك اكمل شهرين هنا
سامحوني نسييييييييييييييييييت اقولكم


بالتوفيق للجميع


Mohammed.O

سلام يا خوان

إلى الاخ ابو رعد من ناحيه الاقامه فى المدينه بالنسبه لى جربت الغربه فى ماليزيا كنت اوجه من خلال إقامتى مشاكل نفسيه فى تلك البلاد وسببها ضعف تعليم اللغه الانجلزيه وكثرهــ الطلاب العرب في الاكلاس
وقلت الاكل فيها ...

إن شالله هذه المدينه مايكون فيها الاسباب التى ذكرتها ....

الى إخوانى فى مدينه سانت جون ان شالله خلال الايام القادمه بأذن الله حكون فى هذهـ المدينه ...

على حسب ماقراة من ردودكم بان لايوجود سكن جامعى فى الجامعه ...

كيف أحصل على سكن يكون قريب من الجامعه وبسعر معقول ؟

بالنسبه للمواصلات كيف وضعها فى مدينه سانت جون ؟

بصراحه ياخوان يهمنى الاكل لان والله عانيت فى ماليزيا من قل الاكل ولكن الحمدلله تدركت الموضوع
كرتين ياعم من السعوديه عن طريق الفديكس ...
عزبتى جايبها جايبها مافى أي كلام ولكن هل متوفر فى المدينه الارزو المكرونه الاطاليه وجبن كرفت وشطه وما شابه ذالك من العلب السعوديه ..
يصراحه إذا مافيه كرتين المعلبات راح تلعب من السعوديه زي ماحصل في ماليزيا ..

لاحد يضحك والله جد الاكل المتوفر يريحك كثير وخفف عليك هم الغربه ..

وفى النهايه لكم أسماء تحياتى ودمتم بود .....

حزنتني

انا بصراحة مو من دي المدينة ،، بس ليه بفانكوفر 7 شهور ،، وبانقل على سنت جون بعد الكريسمس اذا الله اراااد ،،

على كل ،، دي بعض المعلومات ،،

بالنسبة للمكرونة الايطالية راح تلاقيها وبكل الانواع ،، وعلى حسب ما سمعت انه في بقالة ايرانية وحدة بالمدينة ،، وكذلك مطعم لبناني جديد فتح عندهم قريب ،،

بالنسبة للشطة ،، عندهم الشطة الامريكية ،، يعني مو كريستال ولا رنا

بالنسبة للقشطة لا ما في ،، تلاقيها بس بالبقالة العربية ،، وعادة باللبنانية ،، بس مدري اذا بالبقالة الي عندهم موجود او لا ،،

الرز ،، موجود نوعين ،، البسمتي (الهندي) ذات الحبة الطويلة للبرياني والبخاري والكبسة ،، والمصري (الصيني) ذات الحبة الصغيرة للسليق والمقلوبة والمحاشي ،، ودي تحصلها بالبقالات الكبيرة زي الوال مارت ،، او السيف اند فود أو اي سوبرماركت كبير متوفر بالمدينة ،،

جبنة الكرفت في ،، بس الشيدر فقط ،، ولاحظ الشيدر الي مو مطبوخة ،، بس لزيزة ،، كمان جبنة الشرايح حقت السندوتشات ،، كمان جبنة فلاديفيا القابلة للدهن ،، لا باس بها ،، وجبنة البقرات الضاحكة (المثلثات) ،، كمان الجبنة البيضااا ،،

اذا قصدك الجبنة السايلة (الكاسات) فللاسف مافي ،، الا اذا متوفر عندهم بالبقالة العربية ،،

بالنسبة للمدينة فاسعارها معقولة ومقبولة بالنسبة للمدن الكبيرة زي تورنتو او فانكوفر ،ن الي بصراحة متنا فيها من الغلااااااا ،،

والباصات والمواصلاااات فما عندي خبر ،، اعذرني ،،

بس كمان الي فهمتوا انه المدينة صغيررة ،، واتوقع لا باس المواصلات فيها ،، بس بالنسبة ليه اذا رحت بدي سيااارة ،، لاني تعبت من الباااصاااات وقرفها هنا ،،

طيب

دي معلومات تصبيرررة ،، وان شااء الله احد يفيدك اكثر من الي عايشين هناك ،،

موووفق خيررر

أحب اصحح بعض المعلومات ..

القشطة موجودة وماركتها نستلة ...

والشطة في ماركة طعمها زي كريستال بالضبط ... اسمها كومبليمنتس ..

والرز بسمتي و المكرونة تتعب من كثرة الأنواع ..

وفي جبنة كيري ..

وفوق هذا كلو ... في مطعمين لبنانيين...

وبالنسبة للشحن والله الفيديكس غالي ..لكن الطيار 8 ريال الكيلو ... والظافر 13 ريال .

النقطة الثانية .. الجامعه فيها سكن ..لكن للأسف مليااااااااااااااااان مع دفعة السعوديين الكبيرة اللي جات ..

لكن السكن متوفر و يبعد عن الجامعه 10 دقايق مشي .. وأقل من 3-5 دقايق بالباص او السيارة ..

نونا ماستر وبقوهـــ أحزن معاكم الفريق ركن فى المعناهــ والصرفدهــ

أنا منظمن الناس اللى أمورهم تلف يمن يسار مستحيل تمشى سيدهــ لازم مطب ..

طبعنا ذكرتى أختى الفاضله نقطه فى غابت الاهميه بالنسبالى ألا وهى الارز أبو بسمه طالما هو متوفر

الامور على مايرام قدر الضغط راح ياخذ دورهـ على أكمل وجه ..

شكرا لكِ على تجاوبك ماقصرتى معلومات كافيه ..

إلى أخى الفاضل صدام أمامي

أما ابو سعود كثير فى سانت جون والله شارد وبقوهــ من العرب ولكن على حسب كلام غالب مراد
يقول السعوديه فى كل مكان وانا متفق معاه ولكن قال لى نسبه قليله لهذا السبب أختر جامعه برانزويك ..

بصراحه لازم من أبناء البلاد موجودين حتى يخفف حمل بسيط من الغربه الطويله ولكن الكثرهـ ماهو
مصلحت الجميع ...

لان بصراحه كنت فى ماليزيا والكلاس كله سعوديه ماحد إستفاد من المعهد إلا القليل فى مده طويله

تيتى تيتى زى مارحتى جيتى ,,, انا أدرك تمام بان اللغه تاخذ النسبه الكبيره من الشخص نفسه ولكن الاجواء تفرظ نفسها ..

أنت تريد وأنا أريد والله يفعل مايريد ,,

بكل أمانه ونعم فى الشباب السعوديه وانا عارف مايقصرو وانا لا أقصد الشخصيات أقصد الكثرهـ فى مكان واحد ..

شكرا لك صدام على الافدهــ

ماالفرق بين السكن مع الشباب والسكن العائله إن وجدت ؟

مشكووور
حماااس والله قشطة نستلة عندكم ،، احنا ما وصلتنا دي ،، عندنا قشطه بس نوع غريب ،،

عندكم (ملحم زين ؟؟ ) هههه

للتعريف ،، ملحم زين بحضرته يقال انه مغني لبناني مشهور سيزو فانكوفر لاحيااء حفلة غنائية بمطعم منيز اللبناني ،، التذكره بــ 100 دولار لا تشمل الوجبة و 150 دولار شاملة الوجبه ،،

والله فانكوفر على كثرة السعوديين الي فيها ،، بس ما تشوفهم الا فين ،، وبالاغلب بعد 11 الليل بالداون تاون فقط ،،

وبالمعهد صحيح كثار بس متوزعين هنا وهنااك ،، لانه في معاهد لغة كثير ،، او امكن بالمستويات المتقدمة ،، بيقل العدد غالبا ،،

ربي يسر لي النقل ,, ويختار لي الخيرة الطيبة ،،

دعواتكم ،،

والله ياخي حكاية الأهل متسهلة جداً ...

الواحد يشيل هم المصاريف فقط ... لأنك أول ما تجي يبغالك شهر تقريباً تصرف من جيبك .. الين تفتح ملف في الملحقية و يرسلولك أول شيك ...

غير كذا الأمور الباقية متيسرة ..

أول ما جيت أنا و زوجتي ما كان في عوائل كثير ..

لكن الآن و الحمدلله كثيرين .. والنشاطات اللي بينهم كثيرة ... خصوصاً عوائل مبنى الأنكوريدج ..خخخخخخخخخ ..

هذا مبنى مستعمر من قبل عوائل سعودية ... والتأجير فيه بواسطات ... يعني يبغالك طارق الواصل يتدخل فيها حبتين ..

وطبعا خير من استخرت .. الله سبحانه و تعالى