تجمع طلاب University of New Brunswick

الأخت موتا .. هذي التوصيات عبارة عن فورمات تاخديها و تعبيها من الدكاترة اللي درسوكي في الجامعة و يوقعوا عليها ..فإنتي تختاري الجامعات اللي تكوني ناوية تقدمي فيها بعد اللغة و تاخدي الفورمات حقتها ..

و طبعاً مو لازم حتى تستخدمي الفورمات حقتهم .. رحيمي جاب توصيات باللغة الانجليزية من الدكاترة في جامعة الملك عبدالعزيز بناءً على طلبه .. و مختومة من الجامعة ..

والله يكتبلكم اللي فيه الخير ..

وهذا الفورم حق التوصية من جامعة نيو برونزويك ..

http://www.unb.ca/gradschl/apply/reference_form.pdf

جزاك الله الف خير اخويا صدام وما قصرت معانا ابدا
بس سؤال (معليش زودتها) عادي لو انا عندي توصيات بلأنجليزي و مختومه من الجامعه تنفع ولا لا؟
وجزاك الله الف خير

ياسلام عليك يا صدام امامي و الله نورت من جديد

ولازم مع كل طله لك شيء جديد

مشكور ياعزيزي

ربيع الغامدي

الأخت موتا .. ان شاء الله اروحلهم اليوم وأسألهم .. حتى أعطيكي الخبر الأكيد

و يا هلا فيك أخوي ربيع ..

السلام عليكم ورحمة اله وبركاته

كيفكم شباب وصبايا

والله الموضوع منور بكل المشاركين والله يحيكم جميعاً

واتمنى لكم التوفيق جميعاً

اخوكم صالح الزهراني

السلام عليكم
كيفكم شباب
طبعا بعد الازعاج المنقطع النظير >>> مدري وش فيني سرت احب الفلسفة

للاستاذة ماجدة الصالح والدكتور يحي من ايميلات واتصالات وتسجيل رسائل صوتيه
الله لا يوريكم


ارسلت لي رساله على الايميل تقول انها راح ترسل القبول بكرة على ايميلي

هذا اخر خبر ورد اليوم

ربيع الغامدي

صدام أمامي


والله اشكرك جزيل الشكر والله يعطيك العافيه


وصدقني ان كان فيه احد حببنا في هالجامعه بعد الله سبحانه فهو انت وجميع الاخوان والاخوات المضافين في هذا الموضوع الرائع


اشكركم والله لا يحرمني من لقائكمدنئا وآخره


وابشركم الاخت ماجده ارسلت لي رساله وتقول سوف أرسل القبول لك غدا

هذا ما لدي والله يوفقنا واياكم


ويا اخوان ويا اخوات اللي ما جاهم رساله من عند الدكتوره ترا باقي ساعه ونص على دوامهم


يعني لحقوا قبل لا يقفلوا

ارسلوا لهم رسائل وقولوا لهم القبول تكفون


الله ييسر اموركم وامور جميع الطلاب المسلمين والطالبات المسلمات

أخوكم
رائد الغامدي

السلام عليكم ورحمة الله وبركاته ..

أولاً أعتذر عن قلة دخولي للمنتدى .. وقلة مشاركاتي وموافاتي لكم بالإخبار ..
فيعلم الله أني مشغوووول جداً .. حتى الإنترنت قلة ما أدخلها هذه الأيام .. فأكرر إعتذاري ..

ثانياً .. فعلاً كل واحد منكم بان على حقيقته .. نعم بانت الحقيقة واتضحت !!
بانت النخوة والشهامة وطيب الأصل .. وظهرت المودة والمحبة في الله ..
فأقول الحمد لله الذي كتب لي بأن اجتمع مع رجال أمثالكم ..
والله أنه لشرف لي أن أقابلك في يوم من الأيام .. وأن تلتقي يداي بأيديكم ..
فبيض الله وجيه الجميع من أخواني وأخواتي .. وأسأل الله أن يديمها بيننا ..

والحمد لله الليلة أستلمت رسالة من الأستاذة ماجدة الصالح ..
تفيد بإرسال القبول غداً بإذن الله تعالى .. وأشكرها جزيل الشكر على تجاوبها السريع ..
وأشكر الأخ رائد على تبليغي عبر الجوال .. وعلى حرصه واهتمامه الجم ..
وأشكر الأخ ربيع على موضوع التوصيات ..
وكذلك أشكر الأخ محمد البكري (صدام أمامي) على ما قدم من خدمات تسجل له عند المولى بإذن الله ..
وحاب أقولك يامحمد تراني مثلك أحب الروقان والهدووووء وجلسة الشاطئ وبراد الشاهي .. اممممممممم ..
وأشكر جميع الأخوان والأخوات .. لا حرمهم الله الأجر .. وتطووول القائمة ..
وأشكر الأخوات اللاتي شاركن معنا من جامعات أخرى .. مؤاساة لنا ..

وفعلاً كل من دخل الموضوع وشاف الجو اللي عايشين فيه والآكشن مع الملحقية والوزارة ..
وأخبار الساعة التاسعة للمقدم العزيز خالد الميزاني ..
لا يمتلك إلا أن يسطر تلك السطور التي تنب عن حماس وإيهام وتخيلات ..
حتى يخيل للقارئ بأنه أحد طلاب جامعتنا المستقبلية بإذن الله ...
فشكراً لكمـ ..

يكون الوعد غداً بإذن الله .. حتى نبدأ بإجرات الفيزا وكل ما يدرو حولها من استفسارات ..
وسيكون المرجع لنا بشأن هذا الموضوع إذا احتاج الأمر ..
الأخ عذب الأحاسيس لأنه استلم الفيزا الله يوفقه .. ويوفق الجميع ..

تحيااااتي للجميـــــــــــــــــــــــع ،،

السلام عليكم ورحمة الله وبركاته

اتمنى من الله ان يسهل لكم اجراءاتكم وقبولاتكم

الحمدلله استلمت الفيزا امس وقدمت على قرار الابتعاث اليوم وان شاء الله يوم الاثنين القادم حاكون في الرياض لاستلامه

وانا تحت امر اي احد من الاخوان اذا احتاج مساعدة او اي خدمة

تحياتي لك ابو راشد ولجميع الاخوة
اخوكم اسامة