تجمع طلاب HALIFAX ...

يارجال مساكين 10 سنين بلا بطوله ...

و5 سنين مافازو علينا ..... بالعكس كنت ابيهم يفوزون

عشان نحس بالديربي لانه بيني وبينك اخر الاام صرت احس مباراتنا معهم

مثل مباراتنا مع القادسيه .....p= .........

عالعموم مباراة الشباب بكرا بمشي من الظهر عشان احضرها ...

تبغا نحضرها مع بعض ؟؟
ترى انا وحمووودي كانك عرفته
اذا تبغا نشوفها مع بعض خلاص
اما اذا كنت تعرف احد في الرياض واتفقت معه
نشوفك في اي وقت ثاني اجل

لا والله ما اتفقت مع احد اذا تبي نحضرها مع بعض مو مشكله ...

عالعموم انت ماصار معاك شي على الفيزا ....

ماشاء الله عليكم .. موضوع جميل ومتكامل عن مدينة هاليفاكس ..

أنا بـ النسبه لي راح أدرس في هاليفاكس .. وفي معهد ecsl تحديداً .. وتبدأ دراستي في

30/6/ 2008 .. وقدمت ع الفيزا .. وطلعت لي الحمد لله .. قبل يومين ..

قدمت عليها في 3/3 .. ووصلتني أوراق الفحص الطبي في 11/6 .. وسويت الفحص في

مستشفى الحبيب يوم الأربعاء 12/6 وتمت الإرساليه يوم السبت 15/6 عن طريق أرامكس

ووصلت لندن في 18/6 الساعه 1 الظهر .. وإنتظرت إلى يوم 1/4 وإتصل علي المكتب

اللي قدمت عن طريقه وقالي وصلت الفيزا أخيراً .. ولـ الله الحمد والمنه ..

وقدمت على قرار الإبتعاث يوم الأربعاء .. وبـ يطلع يوم السبت بـ إذن الله ..

<< يحس إنه قالكم قصة حياته << متحمس

ويمكن أحجز على نهاية شهر 5 أكون هناك قبل شهر من الدراسه .. < يبي يروح لـ كل مكان

في هاليفاكس

الله يوفقكم إن شاء الله جميعاً .. وهارد لك لـ الهلاليين بس ع الهزيمه .. وإعتبروها صدقه

عشان يتحمسون النصراويين السنه الجايه .. وينافسون ع البطولات ..

سي يو ,,

هلا سلطان .. الله يحييك
بالعكس احلى قصه .. صراحه الحين عرفت اني يعني بالنسبه لكم جتني الاوراق اسرع بكثير
ههههه <<< ترى ما يبغا يقهرك ابدا
الله يعين ويسهل لنا يا رب
...
اييه شباب اي احد بيروح هاليفاكس
يدخل هنا ويتكلم ويقول ايش صار له
وايش اللي مخطط له
...
انا عن نفسي الحين بس ابغا اعرف ايش فيه خطوط
توصل لهاليفاكس من الرياض
اتمنى يا ناس الاماراتيه .. او الاتحاد الاماراتيه

السلام عليكم ورحمة الله وبركاته

اولا انا عن نفسي الفيزة الحمد لله ماطولت لأني قدمت من يوم ما اخذت القبول ثلاثة اسابيع بالكثير

وهي عندي .

اما عن سؤالك اخوي D7oomey مافي خطوط توصل الرياض هاليفاكس دايركت لازم اقل شي

تاخذلك ترانزيت واحد على الاقل على حد علمي ومداك تطلع على الامارتاتية بس مكتب الطيار قال

لي ان افضل رحلة تطلع لندن على السعودية وبعدين هاليفاكس على الكندية

والله يوفق الجميع .

ومبروك للنصراوية وهاردلك للهلاليين

حمودي .. لا أبد ماقهرتني ولا شيء << أشوى إنه شاري كرتون فاين من كثر الدموع

والله من جد .. طفشت حسيت إنها ماراح تجي من كثر الإنتظار .. لكن تسهلت الحمد لله في

الأخير ..

عسى بس هاليفاكس تطلع كويسه .. مو ممله حسب ماسمعت عنها ..

من ناحية الخطوط .. أفضل شيء من رايي .. إنك تطلع من هنا لـ مطار هيثرو في لندن .. وتجلس ترانزيت 5 ساعات ..

بعدين تطلع من لندن لـ هاليفاكس ع الخطوط الكنديه .. يعني مافيه قروشه من مطار لـ مطار ..

طيب ياجماعه الحين لارحنا هناك .... كم ناخذ معانا فلوس ....


ولا اطلع من هنا ماستر كارد ولا فيزا ..... احسن لي ...

تكفون اهل الخبره يجاوبوني ...

السلام عليكم ورحمة الله وبركاته

والله انا عن نفسي يا أخ الغفيلي انا باخذ معي كاش بس موكثيرلأن حيكون اعتمادي على

البطائق الإئمانية وفي موضوع قريته قبل يومين تقريبا في هالمنتدى ينصح بأخذ بالبطائق الإتمانية

لما لها من فائدة والله يوفق الجميع .

السلام عليكم شباب انا بهاليفاكس احسكم متحمسين مره لاتحمسون ترا الديره صغيره
كل الى به سوقين وشارع كل السعوديين فيه يدوجون يعني مايحتاج تجي قبل بشهر ترا بتمل
ويمكن ترجع ههههههههه وبالنسبه للفلوس ياشباب ترا البطاقات العاديه حقت بنوك السعوديه
تسحب هنا بس الافضل فيزا انا معي سامبا وتسحب من كل الصرافات
لاتكثر كاش ممكن يضيع او شي جب معك مصروف ثلاث اسابيع لين تفتح حساب وغيره
وبالنسبه للمبتعثين ممكن مايجيك راتب الا ثاني شهر على الاقل اذا كل اوراقك مكتمله
نرجع لهاليفاكس الديره مافيها زياده الصراحه حقت دراسه واحمدو ربكم بتجون على الصيف
لان الشتاء هنا مررررررره ممل قعده بالبيت فقط .