تجمع طلاب HALIFAX ...

انا من الرياض اخوي دحووم
...

افا بس من الرياض ولا شفناك انا من الرياض بس بختبرك اذا كنت من الرياض صزدز او لا السؤال متى ما يكون فيه زحمه بالرياض <<< وهقته مافيه يوم مايكون فيه زحمة

اخوي دحوم .. وين بتدرس اي معهد ؟؟

آآآآ سؤال جدا صعب تصدق اني ما ادري للحين بس ما اقول إلا الله يوفقنا جميع قولو امين

الغفيلي :
اخوي انت الحين خلص اجرائات الفيزا
زكل شيء يتسهل ان شاء الله
انت نفس برنامجي بالضبط
بنكون مع بعض ان شاء الله
انت بس طلع الفيزا
وتعال اسألني
وانا ان شاء الله بافيدك
لان انا انتظر الفيزا تخلص الحين
الله يعين يا رب
...
وهاج :
يعطيك العافيه اخوي على المعلومات
لكن بالنسبه لارامكس
انا رحت لهم وقلت له تقدر تسوي لي هي
قال لي لا ما عندنا رح للطيار او اي مكتب
بس عندهم الابلكيشن
(( انا اقصد الفرع اللي في طريق الملك عبدالعزيز .. عند مدارس المملكه ))
...
دحوم :
هلا اخوي
ولله اذا ودك تشوفني حياك الله اي وقت يالغالي
بس انت اشر << هههههههه نصاب
اميين يا رب الله يوفق الجميع

انا خلصت اجراءات الفيزا ,,,,


وسويت الفحص الطبي ....


من يوم الاحد الماضي ورحت للمستشفى امس ....

قالو ارسلوها من يوم الاربعاء ....


وقاعد استنى مثلي مثلك ....

الله يعين يا رب
الغفيلي .. بسألك بس
كم جلست لما ارسلوا لك الفحص الطبي ؟؟
كم الوقت اخذ منك ؟؟
...ا

ابشركم .. اليوم جتني اوراق الفحص الطبي على اراماكس
شباب بغيت اسألكم
ايش احسن مستشفى ؟؟
وكم اسعارهم ؟؟
...
انا بروح بكره
اتمنى تردون علي الحين
شكرا

والله اظنك من الرياض انت ..

حنا بالدمام ماعندنا الا اسطون ...


انا ماطولو على ماارسلو لي الفحص الطبي



5او6 ايام وجاني.....

انا الحمدلله
جاني الفحص ورحت اليوم وسويته في مركز الدكتور سليمان الحبيب
وبس باقي لي بكره فحص النظر و مقابله الدكتور
...
وبالنسبه للسعر كان 980 ... ولله كثير
...
الله يعين يا رب وتطلع الفيزا بسرعه
وبالنسبه للخطوط ومساراتها (( الرياض _ هاليفاكس ))
علمونا يا شباب عنها
عشان اذا رحنا للوزارة وبغينا نسوي امر الاركاب .. يكون عندنا معلومات كافيه
لان انا رحت للطيار اليوم (( اللي على التخصصي )) وقال ما فيه الا خط سير واحد
اللي هو الرياض _ لندن (( الخطوط السعوديه )) و من لندن _ هاليفاكس (( الخطوط الكنديه ))
...
وبعدها دخلت عند مكتب مكتوب عليه (( خاص لوزارة التعليم العالي او البعثات )) والله ما تأكدت
من الاسم لكن المهم انه لنا
ولقيت رجال سعودي وسألته
يقول ينفع تروح عبر الخطوط الاماراتية واذا وصلت لكندا نسوي لك حجز في الخطوط الداخليه
مثلا اروح لكندا .. لفانكوفر عبر الخطوط الاماراتية .. واذا وصلت هناك عن طريق الخطوط الداخليه .. اسافر لهاليفاكس
انا ما فهمته زين صراحه .. لكن احس كلامه غلط &#215; غلط
لان الوزارة بتدور لك على اقل عدد من (( الترانزيت ))
...
عشان كذا بس للاخوان اللي جربوا
هل فيه خط غير اللي ذكرته ؟؟
اللي هو ... الرياض_لندن (( الخطوط السعوديه )) .. ومن لندن_هاليفاكس (( الخطوط الكنديه )) ؟؟
افيدونا لو سمحتوا
...
الله يوفقنا جميعا يا رب .. ويسهل علينا امورنا

دحوم ..

هلا بسميي اسمع يالغالي انا إن شاءالله قريب بروح لديرتنا وخط السير هو الرياض لندن هاليفاكس وترا هذا احسن خط سير اسأل مجرب هو فيه غير هالخط واجد يعني عندك الرياض دبي نيويورك على الخطوط الاماراتيه ومن نيويورك لهاليفاكس على الامريكيه بس مشوره تقعد تقريبا 9 ساعات بمطار دبي وتقعد 4 او 5 بمطار نيويورك وعلى بال ما توصل كندا يمكن يكون لك يومين طالع من بيتكم ههههههه يعني انواع المشوره وفيه عن طريق الرياض باريس تورنتو هاليفاكس بس بعد مشوار نصيحتي خذ حقت الرياض لندن هاليفاكس مريحه لان ما عندك الا ترانزيت واحد مدته تقريبا 4 ساعات احسن شي يمديك تخلص اوراقك وبعدين تقعد تفطر بمطار هثرو وبعدها على ديرتك وبالتوفيق

طيب ياجماعه اذا جتني الفيزا


اروح الرياض واطلع القرار والتذاكر ...


انا اختار اي يوم اروح فيه ولا هم يختارون


شي ثاني انا اكثر شي ملعوزني الحين السكن


وش مسوين دبرتو نفسكم ..... ولا لا

اذا ايه بالله قولو لي وشلون ....

هلا بالسميي .. ولله شورك وهداية الله
خلاص ان شاء الله .. خط رحلتي بيكون ((الرياض_لندن_هاليفاكس))
الله يعافيك دحوم على المعلومه الحلوه
...
اخوي الغفيلي .. والله انا مثلك .. وش رايك نراسل المعهد ؟؟
الـ CLLC ؟؟
ونقول لهم كيف اوضاع السكن ؟؟
...
على العموم اذا عرفت شيء .. تعال وقل لنا هنا
لان انا محتاج اعرف بعد عن السكن
انت متقدم علي بخطوه في كل شيء
عشان كذا كل ما تخلص شيء تعال وقل لي تكفى
انا اليوم بروح اخلص الفحص ان شاء الله
وانت قريب ان شاء الله بتجيك الفيزا
يعني عطني الاخبار اول باول .. لانك بتكون مجرب كل شيء
الله يعينا ويوفقنا يا رب
وما تقصر اخوي