المشاركة الأصلية كتبت بواسطة al wafa
the 4got10
ابيك تساعدني بسكن اذا تكرمت والله يوفقك دنيا واخره وابي اعرف شلون ممكن احجز من هنابالسعوديه وكيف ممكن ادفع وش نوع العقد في حال ماا عجبني السكن وابي اغيره؟؟ يعني ركز على العقد انو يكون شهري عشان لو مااعجبني اقدر اغير ... علما باني ابي غرفتين ومطبخ وصاله ودورة مياه وياليت لو كان مؤثث بالاساسيات ..
ويعطيك العافيه
أخوي al wafa السلام عليكم
أولاً تراني أرسلتلك رسالة على الخاص ياريت تشوفها
ثانياً الأوتيل
أنا نزلت بأوتيل قريب من الداون تاون ومن المعهد CLLC يعني مشي ممكن تاخذها خلال 15 دقيقة وممكن بالتكسي بـ 7 دولار كحد أقصى (وكل شي بالعداد) والأوتيل إللي نزلت فيه إسمه COMMONS INN وكنت أدفعله حوالي 122 دولار كندي باليوم شاملة الضريبة والإفطار وترى في جمبه بقالة لواحد يمني وفيه محل بيتزا لواحد لبناني مسيحي (بس دير بالك من الـ Pork أو الخنزير وإنت بكرامة) وأعتقد إن سعره معقول جداً بالنسبة لباقي الفنادق وترى فيه إنترنت وايرلس يعني لو معك اللاب توب تقدر تكلم أهلك وتكون على إتصال بالمنتدي والأهل (بس إطلب الباسوورد منهم) وسرعة عالية جداً
لكن إن حبيت تدور شي أقل سعراً
ممكن تشوف الموقع إللي تحت وتحط السعر إللي تبيه
وأنا من رأيي إنك تحجز لمدة 5 أيام مثلاً وتحاول تتصل فيني يصير أدلك على كذا شقة بالمنطقة إللي حول المعهد لأني ما أعرف طلبك وش هو
وأنا سبق أن قلت إني ماخذ شقة غرفتين وصالة وحمام ومطبخ بـ 1275دولار كندي بالشهر ودفعت شهر مقدم + نصف شهر تأمين
الشقة فيها موكيت وفيها ثلاجة وبوتاجاز وغسالة صحون ودواليب للملابس
أما بالنسبة لغسالة الملابس والنشافة تراها خارج الشقة لكن بنفس الدور تستخدمها بكرت ينعاد شحنه وإستخدامها سهل ونظيفة جداً وتنظف الملابس بشكل ممتاز
وبالنسبة للعفش إذا جيت أوديك أو أدلك على مكان تشتري منه عفشك (مستعمل أما إذا معك فلوس زايدة ممكن تشتري جديد وما أنصحك)
أنا خذيت عفش مستعمل كالتالي:
غرفة نوم (سرير + مرتبة + كوميدينه + شوفينيره +مرايا) وخذيت غرفة سفرة حلوة جداً 4 كراسي وتتكبر لو حبيت وأخذت كنبة تتحول سرير عشان أحطها بالصالة وخذيت معها طاولة وخذيت مكنسة كهربائية وأنصحك تجيب معك محول كهربائي من 110 لـ 220 للسشوار والأدوات الكهربائية إللي تجيبها معك وجيب أفــــــــــيــــــــاش (إللي على شكل رقم 11)
كل هذا دفعت 1880دولار كندي شاملة الضريبة والتوصيل للبيت
طبعاً المكان شوي بعيد ممكن تروحله بالباص (الصراحة ما أعرف طريقة الوصول له بالباص) وممكن تاخذ تكسي بس بياخذ عليك مبلغ (أتصور مو أقل من 25 دولار) وممكن تأجر سيارة تقضي فيها مشاويرك (السيارات تأجيرها رخيص يعني يبدأ من 30 دولار باليوم وكيلومترات مفتوحة) بس طبعاً تحتاج فيزا أو ماستركارد أو أميريكان إكسبريس + رخصة دولية
وأنصحك وبشدة إنك تجيب معك رخصة دولية ورخصتك السعودية تراك لو ماجبتها بتندم .. الشباب هنا خصوصاً إللي مثلي معهم عوائل يأجرون كل ويك إند سيارة لأن الأسعار رخيصة
وبالنسبة لمقاضي البيت
ممكن أوديك أو أدلك على محل إسمه الوول مارت أو السوبر ستور تلقى فيه كل إللي تبي من دجاج وبهار و..إلخ
أما اللحم فأعطيك رقم محل تكلمه يوصلك اللحم للبيت ويقطعه لك مثل ما تبي وذبحه حلال (إللي يذبح باكستاني مسلم)
بس أهم شي صور كل وثائقك المطلوبة لمخاطبة الملحقية والنماذج اللي موجودة بموقع الملحقية والنماذج الخاصة بالتوقيع وإضافة الزوجة وجيبها معك وكل وثيقة تخص المرافقين معك
طبعاً عشان تراسل السفارة لازم يكون عندك رقم تلفون ثابت خاص بك (جوال أو تلفون ثابت) ورقم حساب (لازم تصدر شيك مكتوب عليه Void) ويكون عندك عنوان سكن ثابت
يعني أول ما توصل لازم تدور بيت وتطلع جوال وتروح تطلع بطاقة طالب من المعهد وأنا أفضل تسوي مثل ما سويت بإنك تأجل الدراسة مع المعهد إسبوع من يوم وصولك إلين تستقر بس اللهم تدفع 115 دولار للمعهد عشان تطلع بطاقة طالب فوراً وتستلم الكتب وتراهم متعاونين جداً يعني مافي أي إشكالية في التأجيل ولا في أي مشكلة بالنسبة للبعثة وعلى فكرة من أول يوم ممكن زوجتك تروح تداوم بالمعهد معك لأنهم سووا نظام جديد بالتعاون مع الملحقية للسيدات السعوديات الموجودات مع أزواجهم وإللي مو حابين ينضافون على البعثة من الساعة 4 مساءاً إلى 6 مساءاً فقط للنساء السعوديات المحجبات والمنقبات وغيرهم بحيث لا يبقى في المعهد سوى النساء (يعني يشيلون الطرح ويقعدون على راحتهم مع المدرسة)
وبالنسبة للعملة
أنا عن نفسي جبت معي دولارات أمريكية لأني ماحصلت كندية وبعدين حولتها وعشان ما كنت أعرف شي غيرت الـ 100 دولار بـ 94 دولار كندي طبعاً كان ممكن أحصل سعر بـ 95 أو 96 بس مادورت وفيه شباب يقولون إن السحب بالبطاقة السعودية أقل بشي بسيط أو مثل سعر البنك بس ماني متأكد من المعلومة
عموماً أتمنى تنتهي من كل هذا بسرعة وسهولة وأنا ما عندي أي مشكلة في إني أساعدك أو أدلك أو أروح معك أي مكان إنت أو أي أحد من الشباب المبتعثين (لأني عانيت و الله سخرلي من يساعدني وحاب إني أساعد)
لـــــــــــــــــــــــــــــــــــــــكـــــــــ ـــــــــــــــــــــــــن
أهم شي هو إنك تعلمني بموعد وصولك قبلها بفترة أكون أنا سألتلك عن كذا شقة والأهم تقوللي إنت وإلا أي أحد يبي مساعدة طلبه بالظبط
يعني ما يكتفي بأنه يقول أبي شقة غرفتين وصالة
أنا أبيك تقول أبي غرفتين وصالة وحمام (في شقق يكون داخلها غسالة ملابس ونشافة بس أغلى) وتكون قريبة\بعيدة عن المعهد إذا ماكان يهمك المسافة وكم الميزانية إللي إنت حاطها للإيجار الشهري كسقف أو حد أعلى للإيجار وطبعاً تعمل حسابك على دفع شهر ونص (شهر إيجار+نص شهر تأمين) يعني مثلاً أنا دفعت 1912دولار كندي ونصف + 40دولار للمفاتيح (التأمين مسترجع في حال عدم وجود تلفيات وتأمين المفاتيح مسترجع في حال عدم ضياعها لأنها تحمل شريحة إلكترونية).
/
LinkBack URL
About LinkBacks
^
^
اجل ساعدني الله لايهينك وابشر بالدعوات مني ومن امي بعد *_^
انا رجال بطلع كندا على حسابي وبروح لاقرب مكتب يجيبلي قبول من جامعه ومعهد بنفس الوقت
وابي نصيحتك ( جامعه دلهاوزي ) ولا ( جامعة برتش كولمبيا في فانكوفر ) ؟؟
دلهاوزي يقولون هاليفاكس ممله وتجيب المرض .. وفانكوفر حلوه لكن مشكلتها يقولون مليانه سعوديين ..
فوش رايك ؟؟
انا ابي ادرس بكالريوس بزنس .. اذا تقدر تعطيني التفاصيل اللي تفرق بين الجامعتين والمدينتين
اكون لك شاكر