تحت امركم في هاليفاكس

اولا : تجي باسلامــه وربي حافظكـ

ثانيـا : بنسبه لي موضوعكـ اخوي ( حط ملفكـ عندنا ورجعنا بعد اسبوع ) << ياظريف

بنسبه للمعاهد فيه 3 معاهد تدخلك لجامعة Mount

الاول : ECSL وهو معهد نضامي و بيئه خصبة وممتازه لتعلم اللغه هناكـ 5 لفلات كل لفل 3 شهور عاد انت ونصيبك تسوي الاختبار ووين يحطونكـ ..
موقع المعهد : East Coast School of Languages - TRANSLATION2 About ECSL

الثاني : CLLC وهو معهد سهلات ليس ينجح ويمشي وبس وماتطلع منه بلغه اكاديميه جامعيه يمتاز بنشاطاته في الويكند وما بعد فترة الدراسه .. على فكره كل كلاس فيه على الاقل 5 سعوديين
موقع المعهد : CLLC


الثالث : ILI معهد يشفط فلووسك وفلوس الملحقيه ويطفشك الين تنقل وما انصحك فيه بس انا بقولك وشو
معهد يعلم لغه <<< قل والله المهم انه مايدرس كويس ويستقعدونلك في موضوع الجامعه


انا صراحه من خريجين معهد ال ECSL وصراحه قضيت فيه وقت بس كرررررفت كرف الله لايوريك بس عز الله ادعيلهم ومعهد على قدر ماتعطي على قدر مانعطيكـ

انا من خريجين المعهد هذا وهو يمتاز بنظامه القوي وكادره التعليمي
فيه 5 لفلات كل لفل 3 شهور وكل نهاية شهر اختبار
معهد يكرفك كرف بس يطلعك كويس ومهيأ للجامعه

اهلن اخوي مبرووك حصولك على البعثه والله ينفع بك

اخي الكريم انا والله مالي خبره في الموضوع بس حسب علمي مافيه الاجامعه وحده فقط في هاليفاكس اللي فيها طب وهي الدال هاوسي والقبول فيها ليس بالسهل ابدن والاطباء السعوديين ما اتوقع يقدرون يلقون وقت ويدخلون
لاكن انا عندي الحل ادخل على موقع الملحقيه ودور رقم او ايميل رئيس النادي السعودي في هاليفاكس اسمه فهد اليامي وهو معنا في المنتدى هذا الشخص راح يفيدك

وبنسبه للقبول انت اللي تجيبه وليس الوزاره او الملحقيه


بسلامه ونشوفك ان شاء الله في هاليفاكس في السبرنق قاردن لوول

تكفون أي معلومات عن هذا المعهد

TESL Centre

التابع لجامعة سانت ماري

و هل المنطقة فيها جامعات قوية في الهندسة الكهربائية ؟

وبنسبه لتخصص الهندسه الكهرابائيه فأنت بتأكيد تتكلم عن جامعة الدالهاوسي في هاليفاكس نس المدينه طبعا تخصصها في الهندسه عموما قوي جدا جدا ومن افضل واقوى الجامعات في الهندسه اخوي يدرس هناك وكثير من اصحابي ونفس التخصص هندسه كهربائيه

تكفون يالي بكندا

ابي قبول بجامعه حلوه وقبوله سريع لاني والله طفششت من مكاتب مدري واحد يقول نصابين يمرمطوننا شهور والثاني يقول انا جاني بسرعه

تكفون ابي قبوول واي شي انا حاظر له

وعليكم السلام انصجك بجامعة Mount Saint Vincent University


جامعه كويسه وصغيره وطلبها قليلون وهاديه وسهله ايضن وقبولها سهل اون لاين تقدم عليهم واذا ردو عليك برساله ارسلهم اوراقك كلها عن طريق الايميل وهذا رابط التسجيل وماراح يطول القبول ان شاء الله وبالتوفيق واي خدمه اهل هاليفاكس <<< اللي هم احنا طبعا تخبر خلاص صرنا منهم وفيهم . المهم ان اهل هاليفاكس مهوب مقصرين

https://forms.msvu.ca/applynow/apply...plication.aspx

ولاتنسانا من دعائك واي خدمه انا حاضر

أخوي ضايع

تكفى جاني قبول في معهد ECSL

ولكن بصراحة يقولوا المدينة مو كويسة وكئيبة ومملة جدا

غير هذا انها باردة

وصدقني أحاول اغير القبول

أبغى نصيحتك

هلا اخوي وعليكم السلام ورحمة الله ..

المعهد اللي جاء فيه القبول حقك لاغبار عليه معهد كويس تعليمه قوي ويدرس من قلب ويكرفك بس تطلع من عنده كويس في السبيكنق والرايتنق والريدنق وفي رأي انك بعد ماتتخرج منه مايكون صعب عليك امتحان التوفل وماشابه ذلك.
لاكن اذا انت تتكلم عن نقطه وهي المدينه فلا مجال للمقارنه بينها وبين ترنتو ومونتريال وفانكوفر واتاوا والمدن الكبيره هي مدينه صغيره اهلها طيبين ولا اقصد صغيره انها بيتين وجامعه لا فيها ثلاث جامعات ومولين ومطاعم واماكن حلوه ..وبيئتها كويسه للدراسه وانا في رأيي انها مكان تتوفر فيه جميع رغباتك وصغير وكويس في نفس الوقت .. بس اذا انت بتقارنها بالمدن الكبار فأقولك مافي مجال .. ونرجع لنقطة المدينه بارده الثلج 5 شهور يستمر نص السنه تقريبا .. انا عايش في المدينه ذي سنتين وحبيتها غصب عني وتكيفت في الحياة فيها والمدينه فيها سعوديين كثير يعني كنك بين اهلك وجماعتك.

واخوي حاول تستخير ولا تقول بجي واجرب مافي وقت تضيعه استخر وربك مو رادك وبيختارلك الطريق الطيب

مشكوور اخوي اتمنى اني قدرت اجاوبك بالي كنت تبي تفهمه ..


اخوك ضايع بالسنت ميري ..