شــــ (للدردشة, للمناقشة, للحوار, للسواليف, للهذرة, فش خلئك) ــــــات

<- ملقوفه رقم 3 هههه

حابه اسال انا عن اوهايو الي عندو فكره عنها

هل فيها جامعات نقدر ندرس فيها هالتخصص ؟

وايش افضل الجامعات الموجوده في ولاية اوهايو

والف تنكيووووو

هههههه هلا والله بالملاقيف خخخ
والله شوفي يا اختي بالنسبة لاوهايو عندنا اثنين من اخوانا الي معنا راح يدرسون في جامعات في اوهايو ممكن يفيدونك اكثر مني
وان شاء الله مارح يقصروون ..
الاخ نورثمان (دكتوراه) في سنسناتي والاخ ناز (ماجستير) في اكرون
ما ادري اذا اطلعتي على القائمة الي كتبها الاخ ناز في موضوع الجامعات او لا؟

السلام عليكم ورحمة الله وبركاته
تحية طيبة للجميع .. وبعد

اخواني اخواتي.. طبعا الكل لاحظ وجود مناقشة جديدة بعنوان ( ?What is GIS )
فالمطلوب منكم هو تزويد واثراء الموضوع - قدر الامكان - مما لديكم من معلومات ومصادر تساعد بالتعريف عن تخصص GIS
حتى يتسنى للجميع معرفة هذا التخصص بشكل افضل واوضح ..

شاكرة لكم حسن تعاونكم .. موفقين جميعا ان شاء الله ..

الأخت نو بودي
اولا مرحبا بك في القروب تحت رئاسة الزعيمة صمت الزهور
بالنسبة لي عندي قبول مشروط على قسم الجغرافيا بجامعة سنسناتي لدراسة الدكتوراه
دراسة الجي اي اس في القسم تكون كـ:تول وليس كاختصاص بحت مع التركيز على دول العالم الثالث
رئيس القسم متخصص بالجي آي اس ورئيس نادي او جمعية الجي اي اس بولاية اوهايو
هنا رابط القسم للاطلاع ومشاهدة صور الاساتذة وطلاب الدراسات العليا http://www.geography.uc.edu

وأي استفسارات اختي انا جاهز

موفق اخوي نورث مان .. ليش اخترت هالجامعه هل هناك مبررات لاختيارها ؟

اختي صمت عندي اقتراح بسيط في موضوع What is gis
لو نكتب نقاط محدده في بدايه الموضوع ، مثلا وش نبي نتكلم فيه هالاسبوع ؟ عشان يقدر الكل يشارك بمعلومات بيكون افضل وش رايك ؟
ثاني شي لو نرفق المواضيع بملفات DOC او PDF بدل مانكون مُلزمين بعدد معين من الحروف في بوكس التكست .

حياكم الله ابرار ، ونو بدي از بيرفكت
رفقه ماتعة معنا ، نفيد ونستفيد بذإن الله

موفق اخوي نورث مان .. ليش اخترت هالجامعه هل هناك مبررات لاختيارها ؟
الله يوفقك أختي ميس
لا والله مافي اي مبررات.. عندنا في العمل يشترطون قبول علشان يصدرون لك قرار ابتعاث وتذاكر وبعدين اذا سافرت ودرست لغة وصار عندك معرفة بالجامعات الامريكية تقدر تغير قبولك الى اي جامعة تحب
الحاصل أني كلمت قريبي (بولاية أوهايو) علشان يجيب قبول من جامعته فقال ان الملحقية وقفت القبول فيه لكثرة السعوديين!! فقلت له طيب جب لي قبول من اقرب مدينة لك ثانية فيها دكتوراه جغرافيا فطلعت مدينة سنسناتي واللي هي نفسها خرجت دكتورين سعوديين هما استاذي الدكتور ابراهيم الدوسري ثم الدكتور ماجد ابو عشوان.
وبيني وبينك ناوي أغير الجامعة بعد ما ادرس كم شهر في معهد الغة التابع لهم (بس لا يدرون )

أهـا .. بالتوفيق يارب .
اهم شي تجيب لنا الدكتوراه ونفتخر فيك انت وكل القروب ان شاء الله .
كلنا نبي اوهايو واوهايو ماتبينا طفشت من كثرتنا الله يحفظنا .

السلام عليكم ورحمة الله وبركاته
كيف الحال جميعا ان شاء الله بخير؟
اول شي اعتذر عن الانقطاع الخارج عن ارادتي والسبب .. شي حيرني مررة ! الموقع ماكان يفتح معي؟
اليوم الحمد لله فتح معي الموقع >> قولي والله خخخخ

اختي ميس اشكرك على الاقتراح مرة حلووو
بالنسبة للنقاط.. يعني ايش ممكن تكون؟ >> خلفيتها بسيطة بالـ GIS
طيب انا فكرت ان اول شي نتكلم عن تعريف GIS حلو؟ بعدين البرامج ؟؟
استخدامات الـGIS تطبيقاته يعني...
اممم ايش عندكم من نقاط اضافية ممكن نتكلم عنها؟
وبالنسبة لملفات pdf او doc مرة عجبتني
وهذا موقع رفع للمفات مرة حلو والمميز فيه انك تقدرين تحددين المدة لحذف الملف:
http://www.rofof.com/
طبعا انتم عارفين ان مواقع الرفع لها مدة وبعدها ينحذف الملف ولايكون موجود
وهذا الموقع نقدر نحدد المدة او انه ما ينحذف ابدا ..

اشكرك اختي ميس مرة ثانية على هذي الاقتراحات ويعطيك العافية
بانتظار آرائكم واقتراحاتكم ..
شكرا لكم جميعا وبالتوفيق يا رب

السبت الماضي كانت مقابلتي في السفارة الأمريكية
الحمدلله مشت الامور على مايرام
من الصدف اني طحت عند واحد شكله متخصص في الجي آي اس (اشك انهم متعمدين ذلك)
سألني شنو بتدرس؟ قلت جغرافيا. قال طيب شرايك بنظم المعلومات الجغرافية؟
قلت: رائعة وهي ان شاء الله تخصصي الدقيق
ضحك وقال اتمنى لك وقتا ممتع
المقابلة ما كملت دقيقتين وكانت بالانجليزية
راح اضع تفصيل ان شاء الله للمقابلة في المنتدى وأزودكم بالرابط
تحياتي: نورثمان - مطار الملك خالد الدولي - الرياض

هههههه ما شاء الله حظك حلو اخوي نورثمان
بالتوفيق يا رب وعقبال الفيزا ..
وعقبال الكل ..

يسلموووو نورثمان على اضافة الصورة يعطيك العافية يا رب ..

السلام عليكم كيفكم ؟؟

باركوووا لي الحمد لله انقبلت بالبعثــة خخخخخ كللوووش ههههههه
الحمد والشكر لك يا رب ...

بشرووا عسى انقبلتوا ؟؟؟

ألف ألف مبرووووووك أختي صمت وعقبال الدكتوراه ان شاء الله
من صبر ظفر
ويارب باقي الأخوات انقبلوا

1000 مبروووووك لك ياصمت
وأنا انقبلت
بس الله يستر مادورت على الجامعات.في أحد مثلي ماأتوقع!!
لكن هذا شي خارج عن إرادتي لأنني مشغوله جدا طوال هذه الفتره والله يكتب اللي فيه الخير يارب

100000000 مبروك أختي أبرار
اللهم لك الحمد
وعقبال قبول الجامعات ان شاء الله

ألف مبروك للجميع و الله فرحتوني يالجغرافيين ,,,,
و سامحةني على القصور و الله اني خجلان منكم أحس بتقصير لكن و الله غصب عني شويت ضروف .
نورثمان ما شاء الله عليك الوعد اوهاايو الله الله بالبس الدافي , الله يسهل عليك و ع الجميع
مبروك يا صمت الزهور
مبروك للجميع
و البقية بشروني ان شاء الله كلووو تماام
الله يوفق الجميع
أخوكم
المدعو ناز

حياك أخوي ناز.. ومايجي منك قصور أبد
ألف مبروك للجميع
متى ان شاء الله ماشي؟ لازم نتقابل هناك؟ ولا تنسى الفروة خخخخخخ

نورمان
تسلم يالغالي و مقدر تفهمك أخوي
انا لسا بدري شوي يعني على الصيف ان شاء الله , و عسى الله يسهلها من بعض المعقدين اللي عندنا بالعمل أحيانا ً يلخبطون الامور , لكن نقول الله كريم
موفق ان شاء الله يا دكتور

ربك يسرها أخوي ناز.. وان شاء الله تلحقنا في القريب العاجل
أنا رحلتي الاربعاء القادم 4 نوفمبر الرياض - واشنطن
أجلس في واشنطن يومين وبعدها على أوهايو مساء الجمعة ان شاء الله