شــــ (للدردشة, للمناقشة, للحوار, للسواليف, للهذرة, فش خلئك) ــــــات

السلام عليكم ورحمة الله وبركاته
كيفكم اخواني ؟

الموضوع هذا .. لكل شيء والكلام في كل شيء وااضح من العنوان صح
نتكلم عن اقتراحاتكم .. آرائكم .. أفكاركم .. الخ ... نتشارك فيها هنــا ...
اي شيء ترغبون فيه بالمجموعه من اضافه .. او نقد ... نرحب فيه ...
وشعارنــا ...
(( الله في عون العبد ما كان العبد في عون أخيه ))
فنحن هنا نعمل كفريق للإفاده والإستفاده ..

اسئل الله ان يوفقنا واياكم ..
وشكرا لكم....

فيه مشكلة بالردود
ارجو المساعدة

جاري التعديل ...

السلام عليكم ...
كيفكم يا اعضاء القروب الكرام

بما ان كل واحد فينا لسى ما اختار الجامعة الي راح يدرس فيها (ماعدا نورثمان بس قال انه احتمال يغير الجامعة) فكرت اننا نخصص موضوع للجامعات الي تدرس الجي آي اس
سواء من خلال قسم الحاسب الالي او من خلال قسم الجغرافيا..
قريبا ان شاء الله راح انزل موضوع بهذا الخصوص... واتمنى التفاعل من الجميع

بانتظار ملاحظاتكم او اقتراحاتكم.. افكاركم..
موفقين جميعا..

اقتراح رهيب ياصمت
بس فيه تنبيه وبنفس الوقت تساؤل:
تدريس الجي آي أس من خلال أقسام الجغرافيا يتم بطريقتين:
1- تدريس الجي آي اس كعلم (الشهادة النهائية راح تكون مثلا: ماجستير في GIS) وهذا النوع غالبا يكون في أقسام الحاسب والعلوم (الجيوساينس)

2- تدريس الجي آي إس كأداة (TOOL) من خلال تطبيقات GIS في أي موضوع من أفرع الجغرافيا المختلفة(الشهادة النهائية راح تكون مثلا: ماجستير في الجغرافيا) ولا يجيبون طاريء للنظم.

فأي النوعين تبون نبحث؟ أم بالاثنين؟

نبي النوع الاول
ماجستير جي آي اس كعلم قائم بحد ذاته وليس كأداة فرعية ..
شكرا لك على التنبيه... الله يجزاك كل خير
لان فيه فرق مرة كبير بين الاثنين ..
بما اني راح ادرس ماجستير فلازم ابحث عن الجامعات الي تدرس الجي آي اس كمادة مستقلة..
وانت وأبرار راح تدرسون الدكتوراه ...
فعشان كذا راح نبحث ان شاء الله بالجامعات الي تدرس الماجستير والدكتوراه ... كلن على حسب الدولة الي راح يبتعث لها..

بالتوفيق للجميع يارب..

ممتاز جدا
بالنسبة لأمريكا فإن الجامعات اللي تدرس الجي آي اس كعلم تنعد على الأصابع ومنها:
1- ريدلاند بولاية كاليفورنيا: قوية جدا وصعبة وفيها ماستر فقط.. دكتوراه مفيش
2- دالاس بولاية تكساس: حسب ماسمعت من محمد الفرحان أهي سهلة وفيها ماستر ودكتوراه
ويعيب الجامعتين أنه مافيهم معهد لغة.. يعني الواحد يشوف معهد لغة مستقل ويحاول يجيب التوفل وبعدين يقدر يدش وحده فيهم

بالتوفيق للجميع

صدقت ياخوي.. عددها مرة قليل .. خاصة اذا كنت ابحث عن الجامعات الي توصي فيها الوزارة وغير موقفة
بالتالي راح يتقلص عددها اكثر ..
والجامعتين الي ذكرتهم فيه من درس الجي اي اس فيها ونعرفه..
يعني في جامعة دالاس درس فيها الدكتور محمد الفرحان.. وفي جامعة ريدلاندز درس فيها المهندس أنس
اما بالنسبة للمعاهد توجد في الولايات هذي معاهد قوية وممتازة ومعترف فيها من قبل الوزارة
بالنسبة لنا ياخوي.. الوزارة راح توفر لنا قبول معهد اللغة.. بس وين الله اعلم؟؟
لكن اعتقد اني اقدر اجيب قبول معهد اختاره بنفسي بعد القبول النهائي .. ان شاء الله تتسهل
وفي فترة دراسة اللغة نراسل الجامعات ولازم نجيب قبول من اي جامعة طبعا معترف فيها عند الوزارة قبل لا تنتهي مدة دراسة اللغة .. يعني نحاول نجيب قبول مشروط من الجامعة..
الله يسهلها ويوفقنا كلنا يارب..

طيب اخواني ابي اسئل..
هل تخصص Geospatial Information Systems هو نفسه تخصص نظم المعلومات الجغرافية ؟
ولا فيه اختلاف بينهم ؟؟

هل تخصص Geospatial Information Systems هو نفسه تخصص نظم المعلومات الجغرافية ؟
بصراحة ماني متأكد هو نفس التخصص أو يختلف..
الأخ أنس حسب ماقالي بعد اتصالي عليه- أنه راح يجي بعد أسبوع للسعودية لأنه خلاص تخرج وقاعد يدور على جامعة عشان يكمل الدكتوراه فيها
أتفقنا نتقابل أنا وياه أول ما يجي السعودية وراح استفسر منه بخصوص النقطة السابقة
وبرضه الأخ محمد الفرحان راح استفسر منه سواء تلفونيا او ايميل ان شاء الله

في مرحلة اللغة أنصح باختيار معهد يكون قريب من الجامعة اللي راح تكملون فيها او على الاقل يكون بنفس المدينة علشان الواحد ياخذ على الجو وبرضه يقدر ياخذ مواد من الجامعة اذا قطع شوط لا بأس به من المعهد.

ايضا هذه ثلاث جامعات تقدم برامج في الجي اي اس:
1- جورج ماسون
2- تكساس الحكومية
3-مينيسوتا

كلام سليم جدا..
يعطيك العافية اخوي نورثمان..
ولي رجعة ان شاء الله باسماء الجامعات وكذلك راح نبحث عن المعاهد القريبة من كل جامعة قدر المستطااع
ويفضل لو ندرج رابط لموقع الجامعات ...
بالتوفيق ..

ياشين المنتدى الي يقول:
النص الذي أدخلته كبير جداً (2844 حرف). الرجاء أجعلة أقصر إلى 1000 حقل كحد أقصى.

عموما قسمتها الى اربع ردود..

السلام عليكم ورحمة الله وبركاته...

ماشاء الله تبارك الله.. المنزل مبارك.. اقصد القروب المبارك خخخخ..

يعطيك العافية حبيب قلبي نورثمان على الدعوة .. والف شكر اختي صمت الزهور على فتح القروب.. وعقبال مانشوفكم ان شاء الله تفتحون لنا جامعة للجي اي اس.. الله يكثر من امثالكم ياااارب..

عموما الي يقول جامعة ريدلاندز صعبة.. فمو صحيح.. الدراسة سهلة.. بس ضغطها مخليها أصعب برنامج دراسة في أمريكا.. فأنت ممكن تخليها سهلة باتباع طريقتين:

1- تسوي بعض التحضيرات قبل ماتبدأ الدراسة.. وهذه يبيلها وقت طويل افصل فيها.. بس ان شاء الله مع أقرب فرصة

2- تأجل عمل المشروع بعد انتهائك من الدراسة ( يعني مدة البرنامج 11 شهر.. تخليه سنة ونص)

لأن بصراحة الي بيحاول يخصلها في 11 شهر دراسة ومشروع.. فينسى شيء اسمه ويك اندز وينسى شيء اجازه.. ويسنى شيء اسمه نوم أكثر من 5 ساعات.. وينسى أخوياه وأهله.. وينسى العالم الي حوله كلهم..

هذا الملتقى يطلّب بأنّ تنتظر 120 بين المشاركات. الرجاء حاول ثانية بعد 56 ثواني

الحين بعد ماقالو الرد طويل.. طلعو لي بهالكلام الي فوق.. الله يصبرني على مثل هالمنتديات الخايسة.. كل شيء يبيله انتظار وكل شيء بيعقدونه بدون سبب.. لو تسوون قروب في الياهو انه اصرف.. حشا جالسين نرسل من جوال مو منتدى.. حتى رسايل الجوال اسرع..

وبخصوص سؤالكم عن
هل تخصص Geospatial Information Systems هو نفسه تخصص نظم المعلومات الجغرافية ؟

نعم نفسه.. فقط تفضيلات في الاسماء على حد علمي.. بالعربي كأنك تقول ماهو الفرق بين الانظمة المكانية والانظمة الجغرافية..

وبخصوص الخطة حقتي.. ماشاء الله اخوي نورثمان (( كب القدر )) خخخخخخخخ ..

طبعا انا ان شاء الله بأوصل يوم الأحد القادم للسعودية.. بأجلس ثلاث اسابيع فيها.. بأرجع الى أمريكا.. وبأدرس كابلن لتحضير الجي ار اي شهر تقريبا.. وبقدم على دكتوراه (( فقط خطة رقم 2 )) والا مافيه اي ميول.. الواحد مايدري وش يقابل ظروف اذا رجع السعودية.. بس طالما ان ملفي مازال مفتوح في الملحقية وجبت قبول دكتوراه على طول يمددون لك.. بس اذا صكرو ملفك فيبيلك تقدم من جديد على التعليم العالي ووجع رااااس.. فانا قبل ماسكر ملفي واطلب منهم معادلة شهادتي وانهاء اوراقي قلت ماستعجل واجيب القبول واسوي التمديد وبعدها اقولهم عادلو الشهادة..

بشكل عام.. الي طموحة يدرس اي جامعة في امريكا.. فانصحه بالجامعات الخاصة ويبتعد عن الحكومية.. وسبق اني فصلت الاسباب في أحدى المواضيع..

والله يوفقنا واياكم يااااااااااااااااااااااارب

أخوي نورثمان ( انا باكون في السعودية من تاريخ 5 سبتمبر وحتى 26 سبتمبر) والوقت الي انت بتكون فيه في الرياض اتصل علي وبارسل لك رقمي اول ماطلع رقم اذا وصلت باذن الله.. وودنا نتشرف بالسلام عليك..

بالتوفيق للجميع،،

ملاحظة (شوفو لكم حل مع ذا الانتظار بين المشاركات وقصرها) ياليت الي يشوف وقت فاضي يراسل الادارة.. من جد مو حااااله..

فيه نقطة جدا مهمة..

تخصص الجي اي اس في جامعة ريدلاندز لايندرج تحت اي قسم.. بل هو قسم مستقل لوحدة.. ويعطي دروس في الجي اي اس من كل بحر قطره وفي جميع التخصصات.. ولذلك مهما تكون خلفيتك حاسب - هندسة - جغرافيا - مبتدئ ومافيه اي خلفية ( فجامعة ريدلاندز مناسبة لك)

حرائق في كاليفورنيا (10 دقائق من ريدلاندز) قبل أمس.. من تصويري خخخخخخخ

http://saudiforum.us/vb/showthread.php?t=84175

العفووو ياخووي وياهلا فيك ويامرحبا منوووور ياخوي.. وان شاء الله ترجع للسعودية بالسلامة يا رب..
ههههه القروب تبارك بوجوودك اخوي وبوجود الكل صراحة بدوونكم مايسوى شي القرووب
الله كريم .. نفتح جامعة للجي آي اس >>> حلم بس ان شاء الله يتحقق ليش لا بجهودكم وارشاداتكم كل شي ممكن..
والله يقدرنا على عمل الخير وكل عمل يقربنا اليه .. اللهم آمين ...
بالنسبة لجامعة ريدلاندز صراحة هي مرررة عاجبتني وانا شفت صور لها صراحة رووعة وغير كذا مدحك لها شجعني اكثر..
بس الي خووفني الحراائق خخخ الله يستر .. ويارب يحميكم ويحفظكم ويبعدها عنكم...
وفيه شي ثاني بعد ... الغلاء الي فيها.. مدري اذا مكافئتي انا واخوي تكفينا او لا؟؟
>>يتبع (حجم النص 1016)