الجامعات التي تدرس GIS في امريكا (مشاركة جماعية)..~

الله يعافيك
انا بصراحة اي جامعة ماهي تير 3 او 4 ما تعبت نفسي و بحثت فيها كثير , لانهم شوي معقدين من ناحية القبول و الطلبات مثل الجي ار و الجيمات بصراحة قلق و يبيلة استعداد و ما فيه وقت يالله على اجراءات القبول و عسانا نمشي بعد, لكن هذا يعتمد من شخص لشخص , و حتى القبول المشروط بالجيمات الو الجي ار مشكلة ثانية تروح و انت يدك على قلبك , الافضل تنقبل بجامعة ما تطلبه.
بالنسبة للاعتراف مكتوب في موقع الوزارة انه معترف بالماجستيرMaster of Geography
و الجي اي اس في الماستر يندرج تحتها و اللي هو
Master of Geography/GIS
انا اللي واضح لي انها معترف فيها و ما يمنع انا نتاكد زيادة حتى لو يكتبونها بالموقع و اذا عندك ايميل احد نرسل له و نتاكد زيادة او اي طريقة ترى ما نستغني
انا الحقيقة موضف و مبتعث من عملي .

الأخ ناز
أولاً: مرحبا بك في القروب وماشاء الله عليك نشاط واضح وتفاني من البداية
بالنسبة للموظف المسؤول عن اعتماد الجامعات فهو الاستاذ طارق الطيب في الملحقية وسبق لي أن ارسلت له ايميل استفسر من عن جامعة معينة ورد علي على طول.. لكن الحين الكل في اجازة ومافيه احد يرد.
ثانيا: الف مبروك القبول في آكرون الجامعة العريقة.. أنا معاك مقبول في نفس الولاية (أوهايو) لكن في مدينة أخرى (سنسناتي)

الأخت صمت:
أرجو أن لا تلخبطي بين جامعتين: جامعة بتسبيرغ في بنسلفانيا وجامعة بنسلفانيا نفسها
وعلى فكرة أخوك شنو تخصصه علشان وحنا نبحث عن تخصصنا بالمرة نبحث عن تخصص أخوك معنا
بالتوفيق لأعضاء القروب وان شاء الله نجتمع كلنا وقد تم ابتعاثنا الى الجامعات اللي نبي.

الاخ نورثمان
الله يبارك بعمرك و مشكور على المعلومة , هذا من ذوقك .
و ان شاء الله برسل للاستاذ طارق ايميل و مدامك باوهايو ان شاء الله بنتقابل هناك
و كل عام و انت بخير

أخ نورمان
بحثت عن ايميل الاستاذ طارق الطيب بالملحقية و لا لقيتة ياليت تكتبة هنا او ترسلة ع الخاص لو كلفت عليك
الف شكر

ولووووووو خيووو
ايميل طارق الطيب
teltayeb$sacm.org

ملاحظة: بدل علامةالدولار $ حط @

تسلم حبيب قلبي
و عقبال الدكتوراة يا بطل

تنوية :
University of Wisconsin–Madisonيوجد فيها MS Cartography/GIS Program
ماجستير علوم في الكارتوقرافي و علوم المعلومات الجغرافية
قسم الجغرافيا في الجامعة من التوب 10 على مستوى امريكا و ترتيب الجامعة 36 و تقبل 52,7 بالمية من المتقدمين
هنا رابط البرنامج :
http://www.geography.wisc.edu/admissions/index.htm#mscartgis

ملاحظة :
يجب مراعاة متطلبات القبول لانو فيه جامعات تطلب اختبار الجي ار و الجي مات ترى الموضوع يا اخوان و يا خوات مو بس انك تلقى التخصص , الاختبارات هذي يبيلها تحضير , انا ما اخوف احد مافيه شي سهل و لا فيه شي صعب لكن ضروري جدا انك تضع الامور هذي قدامك و يمكن تحصل على قبول مشروط باللغة و اختبار الجي ار او الجيمات لكن ترى هذا معناة انك لو مجبت الدرجة المطلوبة في الاختبارين قبولك ما اكتمل , وفية ناس توهقت بهالموضوع .
كن صادق مع نفسك هل مستواك التعليمي يتناسب مع مستوى الجامعة اللي انت مقدم عليها او لا , و هل تستطيع الايفاء بشروط القبول في الفترة المحددة او لا.
لذلك انا ريحت نفسي و قدمت على جامعة ما تطلب لا جي مات و لا جي ار , بصراحة الاختبارات هذي صعبة حتى على الاجانب انفسهم .
كل عام و انتم بخير و الله يوفق الجميع

معلومات جدا مهمة أخي ناز
طيب ما رأيك بمعاهد ELS اخبرونا أنه بمجرد انتهائك من آخر مستوى راح تتغاضى الجامعة اللي انت مقبول فيها مشروط راح تتغاضى عن التوفل والجي آر والجيمات؟
هل هذا الكلام صحيح؟ اذا كان غير صحيح فعزالله توهقنا

السؤال الثاني:
كيف أحصل على قائمة بالجامعات التي لا تطلب الجي ار والجيمات؟ هل عندك أخي اسماء جامعات وتراك تختصر علينا كثير الله يوفقك
وكل عام والجميع بخير وصحة

أخوي نورثمان
بالنسبة للـ ESLهذا الجامعة اللي انت مقدم عليها يوضحون في متطلبات اللغة وفي القبول المشروط اذا قبلوك المتطلبات الخاصة باللغة بمعنى اخر يقولولك جيب مثلا 550 في التوفل او تنهي اخر لفل بدرجة او قريد معين , بعض الجامعات تدرسك انجليزي لكن في النهاية لازم تجيب الدرجة المحددة في التوفل حتى لو انهيت كل الفلز في اللغة و البعض الاخر يكتفون بلفل محدد هذا طبعا فيما يتعلق بمتطلبات اللغة فقط أما الجي ار للتخصصات العلمية او الجي مات للتخصصات النضرية فهذا اخوي متطلب اخر غير اللغة .
و ما اخفيك انو في كثير من الجامعات الامريكية تكتب لك شي و لا تلتزم فيه يعني ممكن تختبر الجي ار او الجيمات هنا و يقبلونك حتى لو ما جبت الدرجة المحددة خصوصا اذا كان عندك بعثة و ارسلت الضمان المالي , لكن انا كان قصدي انو الافضل انك تكون واضع الامور هذي قدامك من قبل لا تروح هناك ممكن تحصل على قبول مشروط باللغة و هذا شي طبيعي لكن انتبة انك تنقبل و يكون الجيمات او الجي ار مشروط عليك , ياليت تقول اي جامعة اللي فيها الل اي اس ال اللي تتكلم عنها عشان نشوف هم من اي النوعين .

اما بالنسبة لسؤالك الثاني : تخصص الجي اي اس يعتبر قليلة الجامعات اللي تدرسة مقارنة ببقية التخصصات و انا بصراحة عندي قائمة فيها تقريبا 4جامعات فقط لدرجة الماجستير و تقبل بدون جي مات او جي ار و البقية تشترط النتيجة . لكن انت هل تبحث عن الماجستير او الدكتوراة ؟ انتظر اجابتك اخوي , اذا الماستر فالموضوع جاهز اما اذا هي دكتوراة فيبيلها شويت بحث و ان شاء الله تتزبط و لا تشيل هم.
و كل عام و انت بخير

أشكرك على التوضيح أخي ناز
بالنسبة للمعهد فهو موجود في حرم جامعة سنسناتي www.uc.edu
الدرجة المطلوبة: دكتوراه

السلام عليكم. كيفكم اخواني؟ كل عام وانتم بخير ومن العايدين
اعتذر عن الغياب بس تعرفون العيد وعزايم وجمعة الاهل يعني انشغلت شوي

نرجع للجامعات وحوستها
اخوي نورثمان يعطيك العافية..
انا اقصد جامعة UNIVERSITY OF PITTSBURGH - MAIN CAMPUS
وبالنسبة لتخصص اخوي هو حاب يدرس واحد من هذي التخصصات لمرحلة البكالوريوس على حسب خبرته بهذا المجال
Chemical Engineering او Petroleum Engineering
نسبته بالثانوية ما هي قوية بس عنده خبرة لمدة 8 سنوات تقريبا في شركة نالكو للكيماويات ..
ممكن هذا الشي يساعده بالقبول؟؟

يتبع >>

اخوي ناز اشكرك جزيل الشكر على المعلومات والنصايح الي قدمتها لنا واكيد راح تفيدنا بشكل كبير
خصوصا مسئلة اختبارات الجي مات او الجي ار ... واذا ممكن تضيف اسماء الجامعات الي ماتطلب هذا النوع من الاختبارات ومشكور مقدما..
وبخصوص جامعة ماديسون انا على بالي انه ما فيه ماستر .. الله يجزاك خير على الرابط

طيب اخواني ابي اعرف اذا كان برنامج GIS يندرج تحت برنامج معين مثلا الجغرافيا والوزارة تعترف بتخصص الجغرافيا في الجامعة
هل تعترف ببرنامج الـ GIS في هذي الحالة ؟؟
يعني مثل حالتك اخوي ناز ...
لان موقع الوزارة ما هم كاتبين تخصص GIS صريح عندهم زي باقي الجامعات لما ذكرته من ضمن التخصصات المعتمدة..
اذا كانت تعترف بالتخصص.. بهذي الحالة راح تكون خيارات الجامعات الي ممكن نقدم عليها اكثر من قبل

بس مشكلتي انا والاخت ابرار في الملحقية والتخصصات المطروحة في برنامج الابتعاث
اخترنا حاسب الي من ضمن هذي التخصصات المطروحة.. وهو اقرب شي لنا
واخاف يصير تعارض بين التخصصات
والله مدري من جد احترت

أحوي نوثمان :
في الموقع محدد بشكل واضح ان الطلبة اللي بيدرسون بكالريوس يكتفون بمعهد اللغة اذا انهى مستوى 112أما الدرسات العليا فمذكور انو ارجع الى متطلبات اللغة للطلبة الاجانب .و متطلبات اللغة للطلبة الاجانب هي نفس متطلبات اللغة اللي محددة لطلبة البكالريوس و محددة الدرجة المطلوبة لكل خيار و هذة الخيارات كالاتي :
(English Language Requirement)
SAT أو ESOLأو TOEFL أو IELTS أو LEVEL 112 ELS

يتبع

هذي الروابط اللي ذاكرين فيها انهم يقبلون أخر مستوى في اي ال اس :
http://www.els.edu/contents/program_details.aspx?pid=REG#els_description_tab

http://www.admissions.uc.edu/international/Requirements-Transfer.html#English%20Language%20Expemptions

فانشاء الله ما عندك مشكلة اذا خلصت المستوى المطلوب الجامعة تقبلك بدون اختبار توفل او غيره لكن أنا لو مكانك أرسل لهم أيميل و اتاكد لانهم ذاكرين ان كل قسم له شروطة الخاصة فالافضل أخوي انك تتاكد منهم .
بجهز لك اللسته و ارسلها لك الخاصة بالدكتوراة لكن يبيلها شوية وقت .
أخوك

أختي صمت :
بانسبة للاعتراف من الوزارة :الواضح لي ان اذا الوزارة معترفة بماجستير جغرافيا مثلا و هذا البرانامج يحتوي على فروع تحتة فهذا يعني ان الاعتراف يشمل هذه الفروع الا اذا كانت الوزارة محددة فرع معين بانها تعترف فية اما البقية فغير معترف بها و عموما انا افضل انو ماتعتمدين على كلام احد و تراسلين المختص في الوزراة فيه ايميل و ضعة الاخ نورثمان ارجعي له.
بالنسبة للسته أبشري اختي بس عطيني وقت , انتي و الاخت ابرار وش تخصصكم ؟ و ليش الوزارة ما تبتعثكم ؟
اذا تخصصك جغرافيا و مسجلة انك تبتعثي على الحاسب الالي ليش ماتروحين على :
MSc in
geographic information systems
هذا التخصص فيه حاسب الي و فيه جغرافيا و على فكرة بقولك شي الدكتور العنقري جغرافي على حد علمي و يحب هذا التخصص و مهتم جدا لل جي اي اس فيه ناس اعرفهم قالولي فلو رفضوكم لا سمح الله اكتبوا معروض له مباشرة
أخوك

اخوي ناز يعطيك العافية والف شكر لك
انا وابرار تخصصنا جغرافيا لكن نختلف في المرحلة الدراسية.. انا راح اكمل ماجستير وهي دكتوراه
وبالنسبة للتخصص.. انا بحثت بموقع الوزارة عن مسمى نظم المعلومات الجغرافية وركزت عالجامعات الي تعطي ماستر العلوم بالنظم كما ذكرت اخوي.. وليس الاداب..
لاني قد ما اقدر ابي اتحاشى تعارض التخصصات ويكون التخصص الي اخترته قريب للحاسب اكثر منه للجغرافيا النظرية
لكني اعتمدت في بحثي على تواجد تخصصي وتخصص اخوي بنفس المدينة على الاقل مو شرط بنفس الجامعة وطلعت بثلاث جامعات
واذا الوزارة تعترف ببرنامج النظم اذا كان تابع للجغرافيا مثلا او اي برنامج اخر وهي تعترف فيه يعني مثل جامعة اكرون
احتمال كبير اضيف هذي الجامعة باللستة الي عندي ويصيرون اربع جامعات .. خير وبركة

وبما ان الدكتور العنقري تخصصه جغرافيا هذا شي يبشر بالخير .. وانا لقيت له مقال في ويكيبيديا
http://ar.wikipedia.org/wiki/%D8%AE%D8%A7%D9%84%D8%AF_%D8%A8%D9%86_%D9%85%D8%AD %D9%85%D8%AF_%D8%A8%D9%86_%D8%B9%D8%A8%D8%AF_%D8%A 7%D9%84%D8%B9%D8%B2%D9%8A%D8%B2_%D8%A7%D9%84%D8%B9 %D9%86%D9%82%D8%B1%D9%8A
له بحوثات بالاستشعار عن بعد وتطبيقاته وغيرها من الابحاث بمجال الجغرافيا..

طيب ابي اسئل.. بالنسبة لمتطلبات القبول بالجامعات
(English Language Requirement)
SAT أو ESOLأو TOEFL أو IELTS أو LEVEL 112 ELS
لما يقولون (او) وانا قريت هالكلام تقريبا في اكثر من جامعة .. هل معناته انهم يكتفون بواحد بس فعلا؟؟
لاني مثل ما قريت هنا بالمنتدى كثير يمدح اختبار الايلتس ويقولون انه اسهل من التوفل ويحدد المستوى باللغة بشكل افضل
ايش رايكم؟