جاني قبول في جامعة تكساس ( ارجوا من الكل يشارك ويعطيني رايه )

السلام عليكم

انا اليوم كلمت مكتب ايجيك وقالي مبروك جاك قبول في جامعة تكساس + معهد اللغه التابع لها وخلال اسبوع بيجيك الاي توني والحمدلله


السؤال الي مخوفني هنا

بعد ما قدمت على جامعة تكساس والمعهد التابع لها

انا سمعت كثيررررررر يقولون معهد اللغه التابع للجامعه ماينفع

وناس تقول بالعكس راح يفيدك اكاديميا وجامعيا اكثررر

--------

قالي المكتب ان المعهد حلوو والتعليم فيه زين

واي معهد يعتمد على نفس الشخص اذا يمارس اللغه ولالا

بس انت شد حيلك شوي ومارس اللغه بالمعهد وبرى وامورك تمام

واذا تبي تغير غير من هناك والتغير هناك اسهل لان ماينفع اللحين تغيير واوراقك قيد الدراسه من الجامعه وتحوس السالفه

-----------

طيب انا لغتي ليست مبتدئه

يمكن اقل من متوسطه


للمعلوميه انا رايح على حسابي الخاص ومابي اضيع وقت وفلوس


وهنا ابي اخذ رايكم

تتوقعون اني لو اشد حيلي وامارس اللغه بالمعهد وبرى بتمشي اموري ؟

ولا تحسون اني بضيع وقت بس ؟

ابي نصيحه منكم لان مالي الا انتم

وابي تجاربكم وابي كل واحد يعطيني رايه

مبروك وعقبال التخرج
عموما اتوقع مافي شي صعب اذا تعمقت في المجتمع وساعدت نفسك
المعهد راح يحطك في المستوى اللي يناسبك وانت واجتهادك
اذكر د الموسى قال انه ماكان يضيع وقت بعد المعهد وكان يترجم صفحه من الصحف الاجنبيه كل يوم
غير الواجبات اللي من المعهد
والله يوفق الجميع
هذا رائيي مبدئيا الى ان اخوض التجربه

أخوي بقولة نصيحة أخو انا مالي شهور منتهي من المعهد لكن كانت سنه أهملت فيها اهمال كبير ,, وكنت في معهد من اصعب المعاهد على مستوى أمريكا ,, ولا نفعني بشي كثير لأني اهملت ,, فأنت شد حيلك وادرس واذا كنت تحب اللغله وتبي تتعلمها لا عندك مشاكل انك تختلط مع الناس صددقني تبي تتطور لغتك بقوه

اخووي مشعل اناا سبق قلت لك رائي في المعهد وما احب اعيد الكلام

بس عندي نقطهـ

ترى القبول الي عطاك ايجك مو قبول جااامعي ابد
وتقدر تتاكد لو تروح لايجك وتقول له الشباب الي هناك اكثر من واحد رجعوا
لك انك ما عطيتهم قبول جااامعهـ وش السالفه ورح يتخربط
لا تغلط نفس الغلطهـ

هذي نصيحهـ

انا اكدت عليه قبل التقديم وبعد

ان قبول جامعه + معهد

وقالي طبعا

عموما القبول بيجيني اخر الاسبوع وكل شي يبين

هلا اخوي أنا أتوقع اللغه ماتعتمدعلى المعهد قد ماتعتمد على الشخص نفسه وحرصه أنه يتعلم ..

بإذن الله خيرر

موفق

الحمدلله وصلني الاي توني ودراستي تبدا في 16 اوقست

ووصلني القبول المشروط طبعا خطاب رسمي من الجامعه موجهه لي وفيه كلام واجد

بس الزبده هنا

I am Pleased infrom you that you have been conditionally admitted to the Bachelor's degree program with a major in Computer Science at The University of Texas at San Antonio For the Fall 2010 Semester. This Admission is contingent upon your register with tha USTA Intensive English Program to study English until you have achieved a TOFEL score of 61 (internet based), 500 (paper based)

والباقي معلومات عن الجامعة والاي توني وزي كذا

وموقعه من

Jennifer B. Ehlers
Director of Admissions

اتوقع ان وضعي سليم اللحين من ناحية الاي توني والقبول المشروط


بس باقي الفيزا