والله يالغلا هذي مقدر افيدك فيها لان ما عندي خبره فيها لكن انا باجاوبك على توقعات بس يبغالك تتاكد يالغلا من الموضوع طبعا اللي فهمته من كلامك انك ما ملكت فـفي الاستمارات حقت السفارة فيه اساله اذا انت متزوج او لا فلو انا محلك يمكن احط لا وباصير كاني رايح لحالي ولما ارجع هذيك الساعه يصير خير طبعا الفكرة هذي لما ترجع وتتزوج تخلي زوجتك تخلص اجراءاتها وتكتب بالاستمارات ان زوجها اللي هو انت، موجود هناك وانها بتروح عندك. لكن اتمنى منك تحط موضوع بقسم التأشيرات بهالخصوص لان بتلقى باذن الله تعالى اشخاص مروا بنفس التجربة وهم بيفيدونك فيها اكثر مني لان كل اللي كاتبه ولله توقعات وما عندي اي خلفيه عن الموضوع واسفين على القصور يالغلا Meshal-USA 08:00 AM
بالعكس حياك بااي وقت وجواب لسؤالك يالغلا.. ايه تقدر تسوي هالطريقه ويجيك اي I20 وبالاخير تختار وطبعا كل I20 له رقم سيفيس خاص والمهم لا تسدد السيفيس الا لما تقرر اي I20 تبغاه وهو اللي راح تدرس به لانك اذا سددت سيفيس معين حق I20 وبعدين تبي تغير لاي تونتي جديد لجامعه جديدة راح تصير لك بعض الاجراءات اللي راح تاخرك عشان تنقل المبلغ من رقم السيفيس القديم الى رقم السيفيس الجديد اما بالنسبة للتعديل انت فاهم الشغله غلط يالغلا ^_^ التعديل يصير لما تخلص اجراءاتك بالسفارة وبكل شي وبالاخير ما تقدر توصل بالوقت اللي محدد بالاي تونتي هذيك الساعه تضطر تراسل الجامعه يرسلون لك تعديل للاي تونتي القديم للوقت الجديد للوصول لان مكتب الهجرة بالمطار مشدد بوقت الوصول... طبعا فيه بعض الجامعات او المعاهد تخلي الاي تونتي مجاله مفتوح بالوقت يعني حتى لو تاخرت مكتوب انه اتوماتيكي ينتقل الى الوقت التالي... وبكذا ما يحتاج تعديل او اي خربطه واي استفسار يالغلا تراي جاهز وانت امرنا بس Meshal-USA 12:11 AM
الولايات المتحدة الأمريكية
