وعلى كذا قبل تطلع البعثه بتكون عرفة جو العمل وطريقته وراح يفيدك بدراستك .. وراح يطور من لغتك لان عندنا بالصندوق كل شي انجليزي في انجليزي اللهم بعض الخطابات بين الاقسام .. ولا كل شي يتعلق بالمستهلك والمصانع كله انجليزي وتقارير بالانجليزي والله يوفقك RaWaGaN 03:39 PM
طبعاً هناك اقسام ماسطلعون ابتعاث الي هم المحاسبة والكريديت والحاسب والقانونيه بس هذولا لهم دورة انجليزيه بكندا او بريطانيا او امريكا لاخلصوا التوفل والاختبارات المخصصه لهم ويطلعون 4 شهور انجليزي على حساب الصندوق بس الماستر فهو للتسويق والفنيين وهذي اجبارية يعني كل سنه يطلعون خمسة الى اربعه من الجدد لان القدامى كلهم معهم ماستر اما بخصوص الاختيار بين العمل والابتعاث .. يعتمد على طموحك .. لان الصندوق لتخصص الحاسب مافيه ابتعاث على حسب الي سمعته .. بس يعتمد على الواسطه .. يعني لو تعرف احد قوي بالصندوق تطلع وانت مغمض لان هناك ترشيحات .. يعني اذا تعرف احد مثل السيف او العذل او او او صدقني البعثه بجيبك لان كل سنه يطلعون دفعات للماستر .. فاذا عندك واسطه او البعثه من خلال الصندوق مضمونه فانا انصحك ببعثة الصندوق السبب انك راح تكون على راس العمل وهذي تعتبر خبره لاجيت تقدم على وظايف ثانيه .. وثاني شي تخلص ماستر وانت ضامن وظيفتك وترجع لها زي السلام عليكم RaWaGaN 03:36 PM
بخصوص البعثات انا سألت يقولون تخصصكم مافيه بعثات بس يمكن يكون هناك ترشيح بعدين يعني مب اكيد تنبعثون بخصوص السبع شهور ماطلعت ولا دوره ما اقدر اطلع الا بعد الماستر ولاخلصت ماستر يمكن بعدها بسنه يعطوني على دوره دوره بخصوص الايرلندي هذا يدرسك التوفل ويسوي لك براكتس عشان تجتازه لانك اول ماتدخل يعطونك تسعة شهور تثبت نفسك فيها كل ثلاث شهور اختبار توفل لازم تجيب 450 واكثر اذا عديتها ومديرك كتب توصيه وموافقه عليك خلاص تتثبت طبعاً التيم ليدر مايرفضون على طول موافقه بس الاهم اختبار التوفل لاخلصت توفل وبتطلع بعثه يبدا مايكل الايرلندي تدريبك على الايلتس عشان وقتها تحدد موعد اختبار ايلتس المجلس الثقافي وتجيب عاد وقتها درجة الاختبار الي تطلبها الجامعه فيه جامعات تطلب 6 وجامعات 6.50 وتاخذ دوره قبلها ثلاث شهور سواء انجليزي او تدريب على الماستر RaWaGaN 03:34 PM
هلا اخوي سلطان والله شوف الصندوق العمل فيه يعطيك خبره الابتعاث من خلاله له ميزيتين انك راح تبعث وانت على راس العمل يعني تحسب لك خبره ثاني شي خبرة الصندوق لها قوة في جميع الشركات الخاصه من سابك وارامكو وطقتها يكفيك سويت مقابله بسابك وانا على راس العمل بالصندوق قالوا حرام تخليها طبعاً الحاسب الألي مدري وش نظام عملهم .. حتى ما ادري فيه ابتعاث او لا .. احتمال يكون ترشيح .. بس التسويق والفنيين اجباري ياخذون ماستر وميزة الصندوق دورات قوية في فرنسا وسنغافوره واسبانيا .. طبعاً انا اتكلم عن مجال تخصصي بيني وبينك انا لي الحين سبع شهور المفروض اطلع هالسنه بس اخوك من جنبها بالانجليزي يالله جبت التوفل وتثبت عشان كذا بطلع السنه الجايه بشرط حصولي على سته واكثر في الايلتس .. لذلك انا طالع كندا لغه من 3 شهور الى 6 شهور في اخر رمضان بس مثل ماقلت لك العمل مريح اذا انت ماعندك اشكالية بالرياض او انك من اهل الرياض .. دوام حكومي فله .. بس اخذ خبره صح واسم قووي واي استفسار اسدحه وابشر بالخير RaWaGaN 09:03 AM
