المشاركة الأصلية كتبت بواسطة مظيع666 س1/ كيف نظام العلاج بكندا هل المحلقية يعطونك بطاقة ولا كيف ؟ لي سنتين الحين عن كندا فما ادري اذا تغير الوضع الملحقيه ماتعطي بطاقه تامين زي امريكا.. لما تسجل بالجامعه اجباري اذا مامعاك تامين تاخذ تامينهم وهذي البطاقه الي كانت معانا تامين شركه متعاقده مع الجامعه والي ماتغطيه البطاقه تدفع وترسل للملحقيه الفاتوره واشعار الدفع ويتم ارسال التعويض لك لان العيادات الصغيره اغلب التامين الاهلي مايغطيها ونسوي زي الطريقه الي ذكرتها لكن قبل فتره قريت ان الملحقيه سوت تعاقد مع شركه تامين .. بعد ماتوصل لكندا وتفتح ملف بالملحقيه بيرسلونه لك واذا احتجت للمستشفى لاسمح الله بالفتره الي تنتظر فيها التامين عادي تروح وترسل الفاتوره واشعار الدفع الاثنين سوا الله يعافيك والف شكــــــــــــــــــر اذا اجاباتي فيها افاده لك لاتنسانا بالدعاء بان ربي يفرج همومنا ويسهل امور السفر والدراسه الي كل مالهم ويتعقدون ويسخرلنا خلقه You and I 03:40 PM
س3/ بالنسبه للجزم الله يكرمك اللي ضد الماء والثلج اجيبها من السعودية ولا اشتريها من كندا ؟ ارجع اكرر نفس النصيحه اذا المحلات بالسعوديه مسويه تخفيض على هالجزم جيب منها وتراها ثقيله شوي بالشنط اذا معاك اغراض كثيره اشتريها من كندا وانا افضل جزم TIMBERLAND تعيش بالثلج بس لازم تختارها جلد مضاد للمويه اوwinter boots وفي اشياء تنحط على الجزمه من تحت الله يكرمك علشان ماتنزلق لما تمشي على الثلج هذي تشتريها من كندا وبتلقى الجزم المناسبه بالمحلات او الماركات الي حطيتها سؤال الملابس You and I 03:37 PM
س2/ الملابس الشتويه والصيفية اخذها من كندا ولا من السعودية ؟ بالشتاء جوات البيوت والاماكن المغلقه الجو ربيعي ماهو بارد ولا هو حار وخارج البيت والشوارع طبعاراح يكون الجو جدا بارد واحسن شي الواحد يشتري الجكيتات المخصصه لهالجو وبكندا بتلقى انواع كثيره ومحلات مخصصه للبرد الشديد في ناس تحب تاخذ معاها بجايم داخليه من السعوديه الي تنلبس تحت الملابس ممكن تجيبلك 3 وتشوف اذا انت من النوع الي تحتاجها ولالا والنزله الجايه للسعوديه تشتري زياده او تكتفي بالي عندك في محلات بالسعوديه والخليج اغلب اغراضها اشياء ثقيله مخصصه لبلاد الي فيها ثلج .. اذا لحقت على تخفيضاتهم قبل لاتجي كندا اشتري من السعوديه لانك بتلاقي المقاسات بسهوله اكبر من لما يكون عليها تخفيضات بكندا بس ارجع اقولك تاكد انها حقت البرد الثقيل مو جكيتات عاديه او للبرد العادي زي تبع هالماركات columbia sportswear You and I 03:25 PM
او Canada Goose اوthe north face هذي اشهر الماركات ومعروفه بجودتها وانها 100% تدفي اسعارها غاليه لكن تعيش معاك سنين طويله واغلب الناس ماتشتري الا واحد بالكثير اثنين وعندهم كل شي بتحتاجه للشتاء والبرد الشديد موبس جكيتات وفي ارخص من كذا بمحلات ثانيه بتتعرف عليها لما تنزل كندا وتدفي هذا بالنسبه للشتاء اما الصيفي فعادي تاخذه من السعوديه او كندا الاسعار متقاربه لانهم نفس المحلات قليل ماتلقى محلات ماهي موجوده بالسعوديه بس ترا الصيف حر اذا مكان مفتوح او مافي مكيف لكن ذروه الحر ماتستمر فتره طويله You and I 03:20 PM
هلا اخوي الصامت ماادري والله عن اللي طالع على حسابه دور بالمنتدى ان شاء الله تلقى اجابتك مظيع666 06:24 PM
السلام عليكم ممكن استفسار انا ماقبلوني في البعثة حلو طيب اذا جبت قبول من معهد وجامعة ورحت للوزارة ممكن اطلع على حساب الحكومة الصامت15 05:45 AM
كندا
