السلام عليكم اخوي فيه شي مهم نسيت اقولك اياه مهم خش دوره انقليزي في اي معهد من الحين اذا صرت مادخلت لانه مهم مره وراح تتوهق اول ماتجي واحسن لك تتعلم انقليزي اسرع لان فيه بعض الشباب اعرفهم توهقو وضاقت صدورهم مره لانه شي يضيق الصدر ماتعرف تاخذ وتعطي مع الي قدامك خاصه في المطار وأول ما تجي خش معهد ولاتقول مايمدي المعهد شهرين وماني عارف ايش خش وانشالله ماكملت الدوره بس حسن اللغه شوي يمكن بدقول لغتي ماعليها وزي كذا بس يمكن الحين ناسيها فخش لو تراجع معلوماتك وفيه شي مهم ثاني خل امك او اختك او الخدامه تعلمك وشلون تتطبخ لانك راح تتوهق مع الاكل اكلهم مدري وش يبي ومكدونالد راح تمل منه وراح يجي يوم تشتهي الكبسه فخلهم يعلمونك وانتبه تنسا الافياش اهم شي لاني انا ماجبتها وتوهقت فعلمك من الحين جبها معك تامر حسني 06:42 AM
اخوي انت سألتني عن المعهد انا الحين ادرس في معهد كنق جورج المعهد كويس بس انا بدرس فيه شهرين وبكمل في الجامعه نفسها بدرس لغه فيها 6 شهور وبعدها اكمل انا عارف بتقول ليه الحوسه هذي كلها رح ادرس في الجامعه على طول بس دراسة اللغه في الجامعه ما تبدى الا بعد شهرين تقريبا من الحين على شان كذا قلت استغل الشهرين هذي وادرس في المعهد هذا بس انصحك تدرس اللغه في الجامعه لانها افضل من المعاهد ومنها تشوف الجامعه الي بتدرس فيها وانت بتجيك الفيزه يمكن بعد شهر واسبوع او شهر واسبوعين يعني يمديك تلحق عليه اما بنسبه للجامعه ايه انا بدرس فيها ان شالله هندسه كهربائية زيك ولا تخاف الجامعه قويه في تخصص الهندسه خاصه لا واحد من اخوياي بيدرس هندسه ميكانيكيه واكرر لا تخاف لاني اشوف كثير ناس يتخوفون وزي كذا بس لاتشيل هم تعال وانت مطمن المدينه حلوه والناس طيبين والله يحييك واذا جيت لفكتوريا واحتجت اي شي حنا في الخدمه انا او اي واحد من الربع تامر حسني 06:25 AM
السلام عليكم اخوي بنسبه لمدينة فكتوريا الجو برد بس لاتخاف مهوب مره بعني جب معك لبس عادي والبس عليها جاكيت ويكفي الجو اذا تبي تعرفه صح اطلع الساعه 6 الفجر في السعوديه نفس الجو بضبط وترى كلها اسبوعين وانت متعود على الجو درجة الحراره من 6 الى 8 مأويه وهي على فكره ادفا مدينه في كندا وهي حلوه مرهوماراح تمل وهاديه في نفس الوقت صغيره كبر الخرج عدد السكان اربع ميه الف نسمه اما بنسبه لفانكوفر فهي قريبه وانصحك تروح بل باخره لانها راح تكون رحله حلوه مره ومدتها ساعتين ونص او تقدر تروح بطياره 24 دقيقه يعني تطبر وتوقع واي معلومات ثانيه حنا في الخدمه يالغالي وانصحك تجيب معك كميره لان راح تمر عليك مناظر حلوه وراح تتحسف اذا ما صورتها واسف على الاطاله تامر حسني 06:38 AM
الله يعافيك كل الي قلته الك تقريبي مو بالضبط بالضبط ما فيه شي دقيق في المواعيد والتوقيت بس عموما انا ما جربت الا الطيران العادي بس الشباب الي راحو فانكوفر بالباخرة يقولون الرحلة مره ممتعه وجميله تحياتي ASEEL2 11:51 PM
الله يعافيك يالطيب ان شاء الله دوم مرفوعة معنوياتك الأسعار ترتقع وتنزل تقول قاعد في سوق الأسهم السعودي خخخخخخخخ سعر الطيران العادي يتراوح ما بين 240 الى 290 دولار امريكي( رايح راجع ) على الخطوط الكندية الطيران العمودي زي الطيارات الي تشوفها في البحر الطيارة تقلع وتهبط في البحر وما يكون ارتفاعها عالي زي الطيران العادي اسعارها تتراوح ما بين 130 الى 180 دولار كندي ( رايح راجع) الباخرة ( العباره ) اسعارها تتراوح ما بين 20 الى 35 دولار رايح رايح راجع ان شاء الله أكون وفيت معاك بس ان شاء الله بالتوفيق ASEEL2 11:13 PM
وعليكم السلام اخي وانت بخير وسلامة فكتوريا من أجمل وأدفى مدن كندا على الاطلاق وبالنسبة للفانكوفر عندك ثلاث خيارات طيران ........ثلث ساعة وانت في مطار فانكوفر طيران عمودي .........على ما أطن انو ساعة وانت في فانكوفر البخارة ........حدود ثلاث ساعات لو ثلاث ساعات ونص وانت في فانكوفر واي استفسار ثاني احنا حاضرين ان شاء الله بالتوفبق ASEEL2 04:20 PM
هلا أخوي عبدالله ... انا ابي اكمل الماجستير بأمريكا وهذا ايميلي mertah_e_ahbek@hotmail.com اتمنى انك تضيفني لأنك بتفيدني كثير ...تقبل تحياتي امير الذوق 10:26 PM
كندا
