سؤال معليش انا اسفة اذا بدخل في خصوصيات بس زوجك هيجي معاكي؟؟ وكم اعمار اطفالك الله يحفظلك هما يارب و يفرحك بيهم و يجعلهم بارين بيك و سند لك ان شاء الله صراحة انا اقولك انوا هما رايحيين يتعلموا هنا مرررررة كويس لانوا تعليمهم في المدارس عاد انتي اكيد عارفة، حكوني عن بعض الأولاد انهم في اشياء مايكونوا فاهمينها لمن يسالوا عنها يقولهم الاستاذ انوا دي اشياء المفروض انوا عارفينها من المدارس طبعا اشياء هما ماعندهم اي فكرة عنها برضوا انتي شوفي مع الملحقية و الوزارة يمكن صارت اشياء جديدة في الفترة اللي راحت هو ان شاء الله ربنا يوفقنا و يرزقنا ويقدر الواحد يعمل مدرسة عربية و اسلامية وفي نفس الوقت مناهجها متقدمة في العلوم كمان، لانوا قد ايش عدد المسلمين من هنود وباكستانيين و اتراك وغيرهم يبغوا يعلموا اطفالهم لغة عربية و دين الله يوفقنا و يوفقك يارب Walaa Yamani 07:03 PM
هلا يا قلبي ترى عااااااااادي وانا ما بسوي شي يعني يا حياتي انوا كأنهم بيدرسوا منازل و يختبروا اخر الترم بس، يزاكروا بنفسهم و يختبروا للأسف على حد علمي مافي مدارس عربية في اليابان الأجانب اللي هنا مدخلين عيالهم مدارس اجنبية تدرس انجليزي أو صغار مرة يدخلوهم من البداية مدارس يابانية وفي في المساجد (اللي قليلة جداً للأسف) يدرسوهم قرآن ولغة عربية الله يوفقك ياقلبي و يكتبلك اللي فيه الخير انا بدرس في معهد جاسوا في مدينة اوساكا (JASSO) ، و ولدي مدخلتوا حضانة أجنبية بس يدرسوه في ياباني عشان لمن يكبر ان شاء الله يا درسناه في مدرسة يابانية يا خليناه في الاجنبية بالذات اذا اتكفلت الملحقة بالدراسة. اللي اعرفوا انهم يتحملوا تكاليف الدراسة بس ما اعرف اذا ليهم شروط ولا لاء الله يستر عليك وعلى دعواتك ليا Walaa Yamani 06:58 PM
اكيد ماعندي مانع تضيفيني على الماسنجر ياحبيتي للأسف مافي مدارس سعودية هنا في اليابان (على اخر كلام بيني وبين الدكتور عصام لمن كنت بسأله عن بنت زوجي على اساس كانت هاتجي معانا لكن بطلت) اللي يصير انو اخر كل ترم يجي مرسول من ماليزيا يختبر الطلبة انا ولدي عشان لسة صغير (سنة و 9شهور) دخلتوا مدرسة كندية تدرس انجليزي وياباني واذا تبغى فرنسي بس لمن يكبر الولد شوية الحياة بصراحة مريحة وامان فوق ماتتصوري الحمد لله الدراسة يعني الواحد يمشي نفسوا هو بس انوا هما متعودين على تدريس الصينين والكورين زالتايونيين ودول بينهم اشياء متقاربة في اللغة من كانجي او قواعد، فماهم متعودين وما عندهم خبرة في تدرسوا جنسيات تانية بس هيه مسالة وقت لا اكتر ولا اقل وتكتسبي اللغة شوية شوية الاكل استغفر الله ما يتاكل واللي يتاكل منو تلاقي فيه خنزير، الخضار و الفواكه لزيزة بس غالية شوية يعني مافي دلع السعودية اللي بالكراتين بس انوا الواحد يشتري على قدوا فما يخرب شي ويترمي كل شي تقريبا الحمد لله موجود، بين المحلات اللي تبيع الاكل و المحلات اليابانية ومحلات الاشياء المستودرة Walaa Yamani 10:33 AM
هلا معاكي ولاء يماني طالبة مبتعثة في اليابان وصلتها في اكتوبر 2009 يعني الشهر دا اكمل 4 شهور اذا عندك اي استفسار او سؤال مايردك الا اصباعك (زي ما يردك الا لسانك على قولتهم) تقدري اي وقت ترسليلي على catsimagination على الهوتميل لانوا الواحد ما يقدر يكتب هنا كل ما جيت بعت شي قالي خطا لازم يكون اقل من 1000 كلمة هو انا لسة هجلس اعد كل ما مسحت قلي لازم اقل من 1000 كلمة قلت اعطيكي ايميلي وخلاص نشوفك على خير Walaa Yamani 02:24 PM
اليابان
