خبرتي في الهندسة المعمارية في اليابان جدا ضعيفة بحكم ايقاع الحياة السريع وكترة المشاغل هنا (اليابان) بس كبداية اليابان مبانيها صديقة البيئة , طبعا , استخدام المساحة بذكاء مهول وتوفير عالي , كمانا مقاومة الزلال , وطبعا خامات البناء , هادا طبعا بالملاحظة انا با اقلك ودي بعض االملاحظات الي شدتني للهندسة في اليابان طبعا كمانا جائزة بريتزكر الي 2010 اخدوها مهندس ومهندسة يابنيين بالمناصفة تخليكي برضو تقدري العمارة في اليابان التصميم الداخلي طبعا في اليابان اول شي توفير المساحات يعني Neufert اتغلبو عليه وعملو ستاندرد جديد تماماااا على ما اظن وفي نفس الوقت راحة تامة في الاداء وجمال خيالي في المنظر من ناحية الديزااان في اغلب الاماكن والشوارع والمحطات والمطاعم والمباني الادارية حتا الحمامات الله يكرمك طبعا دا يعطيكي انطباع انو حتتعلمي شي مو قليل من الدراسة في جامعات خرجت النوابغ الي عملو الدنياا دي الي قدامك والي انتي شايفتهاا .. عموماا يااارب ان شاء الله تتيسهلك وانتي قبل كل شي استخيري والخيرة في ما اختاره الله وربناا معاكي اتمنى اكون افدتك وحاضرة لإستفساراتك Nooodah 12:59 PM
اختي ضوى القلوب والله سؤالك متفرع واجابتو انا لسا مالقيتها لنفسي اول شي انتي جيتي اليابان بالسلامة ولا لساا !! ياستي بداية وقبل كل شي انتي ناوية تدرسي بالياباني ولا بالانجليزي لو بالانجليزي خياراتك في الجامعات بالزات هندسة معمارية حتكون جدا محدودة وحتحتاجي طبعا درجة جيدة في اختبار توفل او توك الجامعات الي تدرس هندسة بالانجليزي الي انا الين دحينا لقيتها يمكن 5 جامعات ممكن اوردلك اسمائها ازا حبيتي بس ياليت تبلغيني بحاجتك للأسماء لو انتي حابة تدرسي بالياباني بدايةً حتقضي مابين سنة ونص الين سنتين في مرحلة دراسة اللغة بشكل تقريبي خلالها لازم تكوني وصلتي لقبول في اي جامعة بس خياراتك في الجامعات حتكون جدا متعددة Nooodah 12:56 PM
عليكم السلام اخت عسولة اعذريلي ردي المتأخر جداا اتمنى ما يكون الوقت فات على الاجابة انا درست تصميم داخلي في جامعة الملك عبد العزيز بجدة كان ضمن كلية الاقتصاد المنزلي ووقت ما اتخرجت عام 2009 كان في احتمال انو يتم فصله ويصبح كلية مستقلة ما اتطبق الكلام هادا الى الآن بس ماعندي اي فكرة عن امكانية تطبيقه ام لا في المستقبل موجود التخصص ايضا في كلية دار الحكمة بجدة وهي كلية خاصة وفي جامعة الملك فيصل بالمنطقة الشرقية وسمعت عن وجوده وفق خطة قديمة لم تجدد بعد في الرياض بجامعة الملك سعود ارجو اكون افدتك واتمنى يوصلك الرد يارب Nooodah 12:55 PM
السلااام علييكم اختيي نوداه قريت لك في احد الموضوعات انو تخصصك البكالوريوس كان تصميم داخلي حابه اسالك في اي جامعه درستيها .. واذا كنتي في الخارج ابغا اسالك في اي جامعه ممكن الافيها في السعوديه وشكرا 3sooolah 04:48 PM
السلام عليكم كيفك ياعسل ... وشو اخبارك ..؟؟ انا شفت انك بتدرسي هندسه تصميم داخلي في اليابان او ناوية تدرسيها وانا ان شاالله ناوية اكمل في دا التخصص ماستر في اليابان فلو انتي في اليابان كيف تشوفي دا التخصص من حيث الدراسه هناك وايش هيا افضل الجامعات الموصى بها في دا المجال وايهما افضل دراسه هندسة تصميم داخلي او هندسة معمارية ياريت والله لو تفيديني واكووووون شاكرهـ لكِ ضوى القلوب 07:43 PM
اليابان
