وعليكم السلام هلا والله وغلا انا الحمد لله بخير ونعمة والله ياطويل العمر من ناحية معهد NYU هو معهد تابع للجامعة بس ما ادري هو يعطي قبول مشروط او لا, اما بيس يعطيك قبول مشروط باللغة. انا ادرس بمعهد NYU والحمد لله ممتاز مرة يعني لو انك ما تعرف شي ان شاء الله تتعلم بسرعة, تدريس حلو ومعهد حلو وما فية ضغط ع الطلاب. اما معهد بيس والله ما اعرف عنه شي بس الشباب يمدحونة في المستويات العالية مثل 5 او 6 بس المستويات الاولية والله ما ادري عنها. من نا حية الاسعار نيويورك ما تصلح للطلاب الي على حسابهم الخاص لان السكن غالي شوي بس السكن!! يعني لا تشيل هم شي ثاني, ومن ناحية المعاهد الثانية انا و الله ما اعرف الا NYU و بيس و كابلن, المعهد الي ادرس فيه غااااالي مره والمعاهد الثانية اتوقع ما فية اختلاف كبير الا بالمعاهد التجارية يمكن تكون ارخص. آسف ع التأخر في الرد, اي شي تحتاجة أسأل ولا تتردد ترى ما فية لا ازعاج ولا شي وبالتوفيق ان شاء الله. فهااد 03:56 AM
السلام عليكم مرحبا اخوي فهاد كيفك طيب ؟؟ اتمنى تكون بخير حاب آخذ رأيك بمعهد وجامعه يكونو ممتازين في نيويورك وتعطون قبول مشروط للماستر ويكون معترف فيها بوزارة التعليم عندنا .. في ناس قالو لي معهد وجامعه بيس وفيه واحد قالي معهد New York University بصراحه ماادري شرايك ؟؟ ايش الأفضل انا شخص ضعيف جدا باللغة يعني لغتي من جنبها وبصراحه خايف من مسألة اللغة لأنو وراي ماستر ولازم اتعلم بأسرع وقت .. فإيش رايك ؟؟ هل تنصحني بمعهد بيس او معهد نيويورك ؟؟ وماهو الأقل بالسعر ؟؟ لأني جاي على حسابي بالبداية .. سمعت انو بيس غاليه جدا رسومه .. كذلك لو عندك خلفيه عن المعاهد التجارية الموجودة بنيويورك مثلا ELS او امباسي .. سمعت انو هذي المعاهد ممتازه فروعها في نيويورك ومناسبه للشخص المبتدئ افضل من معاهد الجامعات لأنو معاهد الجامعات ماترحم على طول تطب في العميق ابغى رأيك .. وعذرا عالإزعاج .. alomary 04:03 PM
الولايات المتحدة الأمريكية
