هلا اخوي حياك الله وبياك وان شاء الله توصل بالسلامه يارب امس خلصت اختباراتي وبانتظار النتيجه ربي يستر ان شاء الله وانا سويت اللي علي والتوفيق من ربي اولا واخيرا. وان شاء الله تنبسط يارب ولا تنسى الملابس الشتويه كرايست شرش بارده. نجمة الفجر 01:05 PM
بالمقابل كل هذا الشي اضف عليه ان كوينز تاون اكبر واجمل طبيعه من طبيعة دنيدن. كرايست شرش كذلك اكبر واماكن التسوق فيها افضل والمقاهي افضل وطبيعتهم مختلفه عن بعض في حين كرايست شرش منبسطه على مد النظر محاطة بسلسلة جبال شاهقه تغطيها الثلوج اما دنيدن فارضها جبليه نوعا ما. مختصر الثلاث مدن : كوينز تاون اجملهم. كرايست شرش اكبر وسوقها افضل والمقاهي فيها افضل فيها جامعتين معتمدات ، احداهم جامعة كانتربري من افضل 200 جامعه بالعالم. دنيدن يميزها بشكل كبير جامعة اوتاقو ذات الصيت العالمي الكبير. تفضل هنــــــــا الرابط فيه معلومات عن معهد CPIT ممتاز جدا في كرايست شرش وتجد الاسعار في الرابط. وهو الوحيد المعتمد في كرايست شرش للايلتس. نجمة الفجر 03:40 AM
حياك اخوي بصفه عامه اعرف ان المعاهد لما تسجل مدة طويله تسوي لك عرض خاص صحيح فتصير 395 غالبا 365 دولار في اغلب معاهد الجامعات بس لازم توضح خطتك من البدايه اخوي دنيدن فيها جاليه عربيه كبيره وفيها مسجد كبير وفيها مطاعم عربيه حلال واذكر اننا تغدينا في مطعم تركي شيش طاووق بدون مبالغه بحياتي ماذقت احلى منه (يستاهل تعنا له) المدينه فيها رموز سياحيه مميزه : اولا فيها طائر البرتس الملكي طوله 3 امتار (شبيه بالنورس بس اضخم) فيها الفقمه والبطاريق. فيها حديقة حيوان. فيها مصنع كادبوري للشوكولاطه ومسوين برامج خاصه للسواح داخل المصنع ويشرحون لك طريقة صنع شوكولاطتهم. فيها سينما. عندهم محطة قطار. عندهم خط خدمة الباصات ممتاز جدا (هذي ميزه في كل نيوزلندا) بحكم انها قريه (السعوديين اللي فيها ماخذين من تطبع كرم اهل القرى اذكر شافونا ضيفونا على طول وطلعوا فينا طلعت بر نيوزلنديه خطيره ومصوره عدة اماكن فيها. يتبع نجمة الفجر 03:38 AM
ملاحظه : المعهد هو اللي يحدد لك مستواك اذا اكاديمي او جينرال بعد الاختبار لكن ان قيموك اكاديمي وتبي جينرال ماعندهم مشكلة يرجعونك للجينرال لكن مايطلعونك اكاديمي اذا انت مو متمكن من الجينرال. بالنسبه لل 600 دولار تغطي مصاريفك الشخصيه خارج البيت من اكل وقهوه وسينما (اذا لم تكن مدخن) احسبها معاي : كوب قهوه يتراوح من (4 الى 6) دولار + 3 دولار قطعة كيك او حلوى مع القهوه. 10 دولار تذكرة السينما (اذا اشتريت بطاقة الvip للطالب) 13.5 دولار بدون تذكرة vip للطالب. وجبه تتراوح من (5 دولار الى 13 دولار) حسب اختيارك. وحسب استهلاكك انت تقدر تحسبها وتقدر تكاليفك الشهريه بالنسبه لي انا 600 دولار كافيه وزياده كمان خارج البيت لمدة شهر علما بأني اروح السينما مايقارب 8 مرات في الشهر ويوميا لازم اشتري قهوه وشوكولاطه معاها وغالبا اتغدى من صب واي ب 6 دولار الوجبه مع المشروب. مع ملاحظة أني في الويك اند ما احب اطلع من البيت يعني هذا المبلغ تقريبا ل 22 يوم في الشهر. وبالتوفيق واي زياده في المعلومات تبيها لا يردك الا الكيبورد طال عمرك نجمة الفجر 08:48 AM
وعليكم السلام ورحمة الله وبركاته الله يعافيك ويبارك فيك اخوي بالنسبه لي درست الجينرال العام ودرست الاكاديمي حقيقة ان الاكاديمي افضل بمراحل من الجينرال حتى اني حسيت ان الجينرال كان مضيعت وقت لي يعني ماكان مفيد ابدا المُدرسه تفتح لنا حوار مع بعض وبس طيب انا ماعندي كلمات ولا عندي قواعد وزميلي اللي جنبي نفس مشكلتي ونفس مستواي وفوق هذا صيني والا روسي يعني ينطق الكلمات بشكل خاطيء لكن الاكاديمي كان مكثف كتابه ولما تعرف تكتب تعرف للقواعد وتعرف للمحادثه. وجهة نظري ان الاكاديمي افضل بكثير من الجينرال لان اللغه حقتها مستواها عالي يخدمني في التوظيف مو بس بالتعليم اما المحادثة فاختلاطك بالاسره والمجتمع كفيل بتعليمك. يتبع نجمة الفجر 08:46 AM
يعني اعمل حسابك على 5000 دولار طوال مدة اقامتك 5 شهور سكن + 7400 دولار دراسة + 50 دولار قيمة استقبالك في المطار + 150 للاوراق اللي يعطيك المعهد للكورس الواحد (هناك كورسات شهر وهناك شهرين) + 150 دولار قيمة تعبئة الابليكيشن + 270 دولار قيمة التامين اجمعها كلها واضربها ب 2.7 وتطلع لك بالريال. يعني تقريبا حتكلف كامل العمليه ٣٥ الف ريال سعودي . لكن حقيقة مصروفك الشهري كثير اللي انت كتبته يعني مصروفك الشخصي ماحيتعدى 600 دولار الا اذا كنت مدخن عاد الله يعينك باكيت الدخان من ١٠ الى ١٤ دولار يعني اعمل لك برنامج اقلاع من الآن . اسعار المعاهد متقاربه فلو لزمت على معهد معين اكتب لي اسمه واعطيك الاسعار بتفاصيلها وبالتوفيق يارب نجمة الفجر 10:15 AM
بالنسبه للاسعار : المعهد اللي نزلته اخوي ادخل على هذا الرابط وخذ فكره عن الاسعار : Aspiring Language School - English language institute الهوم ستاي اذا كنت بتسكن بغرفه وحمام مشترك حيكون الاسبوع ب 220 دولار واذا تبي حمام مستقل يكون الاسبوع ب 250 دولار. يعني الشهر 1000 دولار (2700 ريال سعودي) والعائله تقدم لك الوجبات. التأمين 6 شهور (الزامي طبعا) 270 دولار تدفعها مع رسوم التسجيل مره واحده فقط . الدراسه : قيمة الاسبوع للانجلش المكثف 330 دولار + رسوم التسجيل (تدفع مره واحده فقط الرسوم 150 دولار) نفس الاسعار لدورة الايلتس مع ملاحظة ان عدد الطلاب في الفصل لا يزيد عن 12 طالب والمعدل الذي اعتادو عليه مابين 8 الى 9 فاذا سجلت فيه اعمل حسابك على 1320 دولار شهري للدراسه اي 6600 دولار لمدة 5 شهور اي 17820 ريال سعودي لمدة 5 شهور واحيانا يقابلك شهر فيه 5 اسابيع فاضف على المبلغ قيمة اسبوعين تقريبا 660 دولار يتبع نجمة الفجر 10:11 AM
درست دورة ايلتس في معهد CCEL حقيقة كانت دورة رائعه جدا عدد الطلاب في الفصل 4 فقط انا و2 كوريين وتايلندي مع مدرسة جدا مميزه ودايما انصح فيها اسمها اندريا (او اندرينا) من اصل بريطاني. المعهد معتمد من الوزاره وفيه مستوى جينرال واكاديمي وتحضير للايلتس. معهد جامعة لينكون : ايضا ممتاز ومكثف جدا جدا (يعني بجد متعب) ويتطلب منك مجهود كبير (يعني توقع انهم يعرضون عليكم فيلم وبعد كذا يطلبون منك تلخيص القصه كما فهمتها!!) كذلك يركز بشكل كبير جدا على الكتابه فهو يعدك لتقديم اختبار الايلتس وقد كان الاختبار معتمد سابقا لديهم ولكن تم ايقافه للايلتس. واخيرا افضل معهد من وجهة نظري الشخصيه في كرايست شرش هو معهد CPIT لعدة اسباب مستوى التعليم لديهم جدا قوي واساتذتهم متميزين وما يمز المعهد عن بقية معاهد كرايست شرش هو انه الوحيد المعتمد في المدينه لتقديم اختبار الايلتس ولديهم دورات تدريبيه للاختبار والمدرسات التي تدرس هذه الدورات هي من تصحح الاختبار وبذلك تكون اعطتك الفكره المطلوبه لديها في كل فقرات الاختبار واغلب من درسوا في هذا المعهد اجتازوا الايلتس. يتبع نجمة الفجر 10:09 AM
الكويت
