Aniong hasyo كيف حالك انشالله بخير بصراحة أنا حابة أستفيد شوية من خبرتك وتجربتك من خلال سفرك لكوريا عشان الدراسة وواضح انك كويس في الكوري عشان كده حطلب من طلب وبليز لاتردني Kudi أولا نفسي أعرف اسم *دعاء* كيف ينكتب ويتلفظ بالكوري؟؟؟؟؟ تانيا أنا مرة مهتمة بكوريا وناوية اني أزورها قريب عشان أتعلم اللغة لأني بصراحة مالقيت شي يساعدني هنا في جدة غير النت زي منت عارف حتى مكتبة جرير ماعندهم كتب تعلم كوري !!! أنا نزلت من النت دروس لتعلم اللغة الكورية والحمدلله بتعلم بس المشكلة في الكتابة (عشنها صعبة وغلسة زي منت عارف بواجه صعوبة في تعلمها ) عشان كده اذا تعرف أي كتب لتعليم الكورية أو مدرس خصوصي أو معهد ....الخ هنا في جدة ياريت لو تقولي ؟؟؟؟ تالتا اذا تقدر تنزل دروس لتعلم الكورية هنا على المنتدى يكون أحسن برضو:-] رابعا أعطيني معلومات أكتر عن تجربتك يعني أول مارحت ايش سويت في السكن والأكل وأسلوب المعيشة واللغة والعملة ....ألخ والله عارفة انو أسالتي كتيرة بس عن جد تعبت وأنا أدور والناس يتمسخروا أول ماتقولهم أبغى أدرس في كوريا يستغربوا وياخدوا الموضوع بهسترة ومسخرة وضحك وماصدقت اني لقيت أحد عاش التجربة خمسة سنين عشان يثرينا بمعلوماتو عن هادي البلد العظيمة وهادا الشعب الرائع خلاص أنا طولت دحين أقولك أنيوووووووووووووووووووووونغ Baby*Doll 10:14 PM
