والله يالغالي هذا واجب علي وماسوينا شي بالنسبه للمعهد تقدر تبدأ مع بداية أي ترم يعجبك يعني فيه في 22 أبريل القادم الى يوليو وفيه ترم ثاني من يوليو الى اكتوبر بس يشترطون ايلتس والدرجه اللي بتجيبها تحدد لك القبول اذا فيه ناس نفس مستواك ندخل معهم او يقولون لك انتظر للترم الثاني لكن في اكتوبر لا يبداون من 4 في الايلتس والجامعه فيه محاضرات اذا بتحضر تستفيد بعضهم يحطون تحضير وكذا وبعضهم بدون بس الغالب في الماستر انك تقضي يومك كله فالجامعه لضغط المواد الغربة صعبة 04:49 AM
طبعا التواريخ مب دقيقه لكن تقريبية تبي التواريخ بالضبط ادخل موقع الجامعه University of Reading in the top 1% of universities worldwide للقبول في المعهد في اكتوبر يطلبون ايلتس 4ونص واحسب لنفسك كل ترم تتطور نص درجه اذا انت مرتاح ماتضغط على نفسك يعني بعد سنة تجيب 7 بالراحه انا اقولك اصعب شي بدايات اللغة لكن اذا جبت 5 ونص في الايلتس خلاص بتنطلق لانك بتكون ضبطت الاساسيات بالنسبة للتخصص اللي اخترته اهنيك عليه واعرف شباب العام درسوا فيه وتخرجوا بامتياز واخذوا cfa بعد لانه اصلا عندك يوم الجمعة كلاسات cfa اعتقد تبدا فيها من الترم الثاني احب اطمنك يالغالي انك بتدرس في كلية من اقوى الكليات ومميزات ريدنغ كثيرة انها مدينة للدراسة صغيرة وحلوة وكل شي فيها وهادية لندن نص ساعة بالقطار هيثرو نص ساعة بالباص التنقلات فيها مررررره مريحه لا تسمع لكلام هذي صعبه وشديده والله 5 سنوات محد تعرض لنا في شي والحمدلله اذا انت بتدرس وتخلص ابحاثك في وقتها ما عليك خوف وتوكل على الله والله ياربي يوفقك ويكتب لك الخيره في ما تختار واذا عندك اي استفسار ابد امرني ولا يردك شي الغربة صعبة 01:53 AM
وعليكم السلام ورحمة الله وبركاته حياك الله اخوي ونتشرف بمساعدتك وباذن الله انصحك مصيحة اخ مجرب وعارف الجامعة ومعهدها عز المعرفة من ناحية مرونة الجامعة فما فهمت وش المقصود بالمرونة لكن الجامعة اذا سلمت البحث في وقته واعرف اعداد كبيرة من الطلاب مرتاحين وامورهم تمام فلاتشيل هم من هالناحيه انا اعرف ناس مايداومون ابد للمحاضرات لانه اصلا مافيه تحضير الا في كلاسات السيمنار اللي هي التمارين بس بالنسبة للمعهد يعتبر من افضل المعاهد الاكاديمية في بريطانيا وكل اللي درسوا فيه تطوروا تطور عجيب خصوصا في الكتابة والقراءة دوامه من 9-3:30 يوميا عدا الاربعاء 9-12:45 السبت والاحد اجازة طبعا وابي انصحك حتى لو مادرست في ريدنغ الماستر ادرس اللغة فيها نظام الدراسة فيه اترام يعني الترم الاول من 28 سبتمبر الى 17 ديسمبر بعدين اجازة الكريسمس شهر والترم الثاني من 17 يناير الى 22 مارس بعدين اجازة الايستر شهر بعدين الترم الثالث من 22 ابريل الى 1 يوليو بعدين اجازة عشر ايام والترم الاخير من 11 يوليو الي سبتمبر الغربة صعبة 01:48 AM
وعليكم السلام ورحمة الله وبركاته ،،، حياك الله يالغالي ابد وصلت على خير امرني باللي تبي تعرفه انا في ريدنغ من 5 سنوات درست اللغة والتحضيرية والحين بفضل الله اخر سنة في الادارة المالية والاستثمارات البنكية بس اعذرني ممكن اتاخر عليك بالرد شوي لاني الحين فالسعودية لظروف خاصه وراجع بريطانيا ان شاءالله الاثنين القادم بحول الله بس ابد تفضل بالللي تامرني فيه وماعليك من كلام الناس عن ريدنغ خذ وخل على قولتهم لكن ابد بحول الله انك تبي تحصل اجابات من مجرب الغربة صعبة 07:43 AM
