السلام عليكم ورحمة الله وبركاته أخت خلود قرأت موضوعك أريد رؤية الاثاث المعروض للبيع واذا ما في مانع اريد رقم جوالك للتواصل معك وشكرا NaNa 215 03:45 AM
سلام عليكم ورحمه الله وبركاته مساء الخير يا اخت خلود شخبارك ان شاء الله بخير اليوم حاب اقولك وش صار فيني يوم رحت للوزاره بخصوص الكلام الى قلتي لى سوي زيه للاسف والله تم طردي طرده قال لى روح الله يصلحك موب فوضه الدعوه والله قهر والله احترت ايش اسوي والله مليت من وضعي احس اني مالى فائده ولا لى حض في شئ ... وش رايك انتي وش اسوي كذا وبس 08:32 PM
ثــــــــــــاني شي كيـــف تقول تفشلت ليه يا عمي تتفشل انت جالس تطلبه صدقه والا جالس تقله تكفي عطني فلوس محتاج ، ارفع راسك فووق هذا شي من حقك تتكلم فيه ، يا اخي انت لما تسلف واحد فلوس هل تتفشل لما تقله هات حقي ، افهمني يا اخــــــــــــي هذا شي حق لك مكتسب ومن ابسط حقوقك تطلب العلم وفي المكان الي يعجبك افهم هذولا يحطون تعجيزات علشان يستفيدون ، هذولا ما يشتغلون ببلاش ، هذا يشتغل علشان يخدمك يعني يعطونه راتب علشان يشوف ايش انت تحتاج ويساعدك فيه . لا تنســــــــــــــــى هذا طلب علم وانت من حقك تطلب العلم ، لا يغرك لما يقلك نظام ، النظام هذا هو الذي وضعه ، الملك عبدالله أمر بمكرمه ملكيه للذين يرغبون اللتحاق بالابتعاث ، ولا تنسي انه لما يكون في شي اسمه مكرمه ملكيه ما فيها شي اسمه شرووط ، الشرووط هم الذين وضعوها الموسي وطقته خلود 2010 01:06 AM
تحية طيبه اخي العزيز / شوف الديك الرومي رد عليك رد بارد لأنه عارف انه رجال غلبان ما تهش ولا تنش ، لو يدري انك راح ترد له الصاع صاعين ما كان قدر يتكلم ، اضرب لك مثال لو عندك خطاب أمر من الملك عبدالله وفيه : نحن عبدالله بن عبد العزبز امرنا بما هو آتي يعتمد اللتحاق ابننا الطالب فلان بن فلان بالبعثه للمرحلة السادسة وعليه ينفذ امرنا هذا . هل راح انت تعطي الموسي او الرومي وجهه ، راح ترفع الخطاب وتحطه في عيونهم ، وهم راح يقولك سم ابشر الله يحيك طال عمرك ( صــــــــــــــح ) . اذا انت لما تروح الوزارة اعتبر ان عندك خطاب في يدك من الملك عبدالله ، والملك لا تنسي لو يدري بحالتك كــــــــــان فعلا كتب خطاب امر لك ، صدقني هذه الحقيقه ، وصدقني يا اخي العزيز اني اقولها لك من كل قلبي ، لن تأخذ حقك منهم حتى تتكلم ، تكلم يا اخي قلهم هذه مكرمه من ملك الانسانية الملك عبدالله بن عبدالعزيز ، هذه مكرمة من ولد عبدالعزيز ، خليك زي البدوو ما يأخذون حقهم الا بطوول اللسان خلود 2010 01:00 AM
شوفي اختي انا بسوي اللى قلتي عليه بس لانه انا ما قد سويتها وبشوف هل بينفع معاهم الكلام كذا او لا وترا انا كلمت المستشار عبد الله الرومي وردني برد باارد .. والله تفشلت مادري وش اقول له عقب ما قال لى توكل على الله زي الى يقول اقلب وجهك بس مع هذا انا بروح لهم وبأشوف يا انا يا هم وما بخليهم وانا عندهم كل يوم لحد ما اشوف وش اخرتها :/ كذا وبس 10:13 PM
يا اخي العزيز انت تتعامل مع ناس بني آآدميين يحسون ترى ، انت لما تروح للموسى يأخي ذكره بالله تعالى وقله يا دكتور عبدالله خاف الله فيني لا تحرمني العلم ، خاف الله يا مسلم ( من نفس كربة عن أخية المسلم نفس الله عنه كبرة من كرب يوم القيامة ) اتق الله فيني يا عبدالله ، بكره بتموت ويسألك الله عني يوم الحساب . صدقني الانسان مهما يكون جبار فكلمة الحق تصغره . يا اخي تكلم لا تخـــاف ، انت قصدك لو انك تكلمت زي كذا امكن يحرمك من البعثه ، ولو سكتت وكل يوم ترحله امكن يعطف عليك وقلك اوكى راح نعطيك فرصة انك تسافر البعثه ، يا اخي العزيز ( لا بد ان تعلم ان الله عز وجل لو كتب الله البعثه فسوف تأتيك البعثه وهيه راغمة وراغمة عن أنف الموسي ، وان لم يكتب الله لك البعثه فلن تذهب حتى لو اعتمدها لك الموسي ) وإنما انت الآن تعمل بالاسباب فقط ، يجب ان تتكلم ، ما ينفع ان تروح بس كل يوم توريهم وجهك وترجع البيت ، يا اخي تكلم معاه تراه ما راح يقطع رزقك . خلود 2010 10:06 PM
هههههههههههه يوووه اما لو يسوي كذا معاي والله وناسه .. بس ترا اذا جاء الجد ترا انا كل يوم عندهم وقسم حتى السكرتي الى يعطي ارقام صار يعرفني امممم انا مدري وش اسوي معروض وارسل لهم وللملك ونفسه يرفضونكل شئ سويته والله الا شوفت الملك وان شاء الله بسويه بس خل اعرف وصف بيته والله مافيه شئ ما سويته كذا وبس 09:51 PM
اجـــل اجلس طقطق في موقع مبتعث حتى يجيك الموسي يدور عليك ويقلك ( باقي زعلان علينا كل شي الا رضاك ، يالله يا قلبووو بكره جهز نفسك وروح ادرس واي شي تحتاجه لا يردك الا لساانك ، احنا والله متأسفين أننا تعبناك معانا بس تعرف ظغط عمل وكنا مشغولين في المرحلة السادسة علشان كذا طال عمرك ما فضينا والله ، والمعذرة والسموحة ، والله ما درينا انك مواطن سعودي فكرنا متسعود ، بس اسمع العشاء عندنا اليوم ، تكفى بس علشان يصير بيننا عيش وملح طلبناك ما تقول لا ، وشوف لو ناقصك فلوس لا يردك الا لسانك ترى انت غالي علينا ومن ابناء الشعب واحنا في خدمتك وخدمة طالب العلم وإذا تعرف احد من اصحابك يبي يدرس تكفى ساعده بيض الله وجهك ، وشوف اذا ما عجبتك نيوزلندا ممكن تنزغج من اصوات البقر الي فيها ، دور دولة ثانية وما يحتاج تجي ولا شي بس كللمنا من هناك وابشر بعزك ، اعتبر نفسك في الدولة الى تبيها . والله يوفقك وينجحك ونشوفك دكتور وتجي تمسك منصبي بعد ما اتقاعد وتنفع ابناء البلد !!!!!!!! خلود 2010 09:43 PM
انا لو الود ودي كان ما ضيعت ثانيه من عمري على الفاضي ولو الود ودي كان ماسك كتابي واذاكر بس مثل ما قلتي الدعوه يبي لها واسطه وانا من الناس الى ما عندي واسطه بالعربي وهذولى الى في الوزاره ما يسعدون الا الى يعرفونهم او الى يجي بصدفه وينقبل اممممم الشايب كبير في السن وفيه ضغط وانا اخاف يتنرفز او يصير فيه شئ علشان كذا انا مابي اتعبه معاي اخاف عليه كذا وبس 09:34 PM
وأنت عندما تذهب للوزارة لا تذهب لوحدك خذ معك رجل كبير في السن يا الوالد او عمك او اي قريب لك كبير في السن ( يعني شايب ) . لأن كبار السن دايما ناس لهم احترامهم وتقديرهم عن الناس خلود 2010 09:17 PM
