ايوا كلامها يريح شوية والله بس مدري الخوف لايمكن يروح من قلبي حاسة اني حموت من القهرر انا من المدينة المنورة ويمكن احضر الملتقى في جدة ارسلتي الخطاب للدكتور ماجد ؟! كمان ازا تقدري كلمي الدكتور محفوظ بيقولو مرررة طيب ومرة بيساعدة جيبي رقمو وكلميه او حاولي ترسليلو بالفاكس .. soOokra 03:45 AM
جوري الله يخليكي لاتيئسي خلي املك في ربنا كبير روحي الرياض ياجوري لاتجلسي تستني روحي مع اي احد احنا لازم مانسكت حرام نجلس ونحط يدنا ع خدنا لازم نتحرك ونروحلهم ومانخرج الا واحنا جايبين الموافقة وربي من وقت ماقولتيلي انا ميتة خوف وسرت ابكي حتى خال ماما مايقدر يسويلي شي لو فعلن مافي مجال انو نحول .. احنا واسطتنا ربنا خلينا نروح ولا نتصل ولا اي شي نسويه كلمي اخوكي خليه يكلم الملحقية هناك ويسألهم يمكن يقولولو في امكانية انو تحولي soOokra 07:41 PM
لااااا لاتقوليهااااا انا خال ماما اتصل ع واحد صاحبو وقلو ع هرجتي وسألو ازا اقدر اديهم القبول صور ولا اصول قالو خليها تجيبها صور يعني ماقلو ماينفع انو تروح بلد موقفة لا قلو خليها تجيب القبول .. ياويلي ياجوري وربي قلبي حيوقف ايش حنسوي في حياتنا معقول بعد دا كلو تروح علينا البعثة وربي ظلم .. soOokra 11:22 AM
ااخ ياجوري انا وانتي في كل شي زي بعض انا بابا حينزل ع السعودية قريب وحيطلع معايا ازا ربي كتب مو عارفة احط اسمو ولا لا اقولك ازا كتبتي الخطاب للدكتور ماجد قوليلي ايش حتكتبي تقريبا لانو مو عارفة ايش اكتب soOokra 10:48 PM
انا مثلللللك ،، بس وصلتني الرسالة ع الجوال قلبي طاااح.. ارسلت لاخوي اسأله ،، قالي اكتبي بياناتي ،، ع اساس انه نازل الشهر الجاي وبنسافر سوا ادا ربي كتب لنا التحويل .. بس انا خايفة يسافر قبلي وابتلش انا ,, وربي جد حووووووووووسة ياختي فجعوني بحكاية نرجوا الدخول عاجلا .. اوف حسيت انو كل شي راح .. al_jooory 10:36 PM
انا كمان قالتلي مانقدر ونعتزر مافي ابتعاث لبريطانيا بعدين لما رسلتلها رسالة تانية و وضحتلها اكتر انو محرمي متواجد فيها وما اقدر اروح ع بلد تانية قامت طنشتني وماردت جوري دبري اي احد يطلع معاكي الرياض مو لازم ابوكي او اخوكي روحي مع مامتك ولا خالتك اي احد يكون معاكي ولما تروحي هناك الله يعينك تروحي وتجي بالتاكسي انا كدا حأسوي لو مالقيت احد يروح معايا حأخد ماما واسافر .. لاتستني لبعد الحج صدقيني حيكون اصعب لانو في نص الحج حيبدأو الملتقيات .. اسمعيني كمان لو تقدري ارسلي فاكس لدكتور ماجد في وحدة من بنات المنتدى هنا اسمها لولا زي حالتنا تبغى تغير البلد بس تبغا تروح بلد مفتوحة مو موقفة ورسلت خطاب لدكتور ماجد وبنفس اليوم على طول اتغيرت البلد .. اتوقع انو يساعدنا اكتر من القسم النسائي ارسليلو خطاب اكتبي فيه سبب تغيرك للبلد وكثري فيه دعوات عشان يحزن عليكي .. الله يسهلنا يارب ونرتاح من الهم دا =( soOokra 09:55 PM
جوري ايش سار معاكي ياقلبي .. ؟! انا جبت القبول ورسلت للاستاذة غادة قالتلي بريطانيا موقفة وماتقدري تروحي رسلتلها انو محرمي هناك وماعندي محرم غيرو قامت طنشتني وماردت عليا =( انتي ايش سار معاكي رسلتيلهم ولا لسى ؟! soOokra 03:14 PM
والله انا زيك كلمت اوختي تجبلي قبول وبستنى اجيبو واروح للرياض .. قالولها بوكرا يدوها القبول .. ربي يسهل .. soOokra 05:48 PM
سسسلام ياقمر كيفك ان شالله بخير؟! جوري حبيبتي بس حبيت اتطمن ايش سار معاكي ؟! روحتي للوزارة ولا لسا .. ؟! soOokra 11:22 AM
أستراليا
