معلومات السكن قصدك معلومات السكن في امريكا ؟؟ اذا كنتي تقصدي معلومات السكن في امريكا اكتبي عنوان المعهد او عنوان الملحقية السعوديه في امريكا ,, لأنو طبيعي ما عندك عنوان للسكن في امريكا لأنك لسا ما جيتي ولما تجي لسا حتدوري واذا كنتي تقصدي معلومات السكن في السعوديه اكتبي عنوانك عنوان بيتكم انا كتبت كدا وكدا افضل واختك ايوا ضيفيها معاكي في نفس الموعد حتى لو كانت مو من ضمن برنامج الابتعاث عادي واذا هيا تبغا تدرس على حسابها ايوا اطلبيلها قبول من نفس المكتب حقك يجيب لها قبول على المكان اللي تبغا تدرس فيه ولما يجي القبول حقها ,, روحوا للسفاره عادي وخدوا معاكم لها شهادة بنكيه وكشف حساب يثبت انها قادره على الصرف على نفسها وعلى الدراسه من حسابها او حساب ابوها او من اي حساب شخص يقرب لها بس يكون له قرابه قويه يعني كشف حساب وشهادة بنكيه من حساب ابوكم او امكم او اخوكم او اختكم او تحولوا الفلوس على حسابها وتطلعوا شهادة بنكيه وكشف حساب وبعدين ترجعوا الفلوس للحساب اللي اخدتوه منو عادي مرا كدا واي اسئله تانيه اسألي r7r7 09:37 AM
وبالنسبه لاستخدامك للمبلغ عااااادي مره لأنو الشهادة البنكيه ما تحجز الفلوس في البنك يعني مجرد انك تطلعي الشهادة البنكيه بعدها تروحي تسحبي ان شاء الله لو كللل المبلغ مثلا تحوليه على حساب تاني عادي مره انا كدا عملت مع اخويا الحساب حولناه من حساب ماما لحساب اخويا وطلعنا لو شهادة بنكيه وكشف حساب وفي نفس اليوم حولت المبلغ على حسابي وطلعت شهادة بنكيه وكشف حساب ( طبعا دا بس احتياطا قلت يمكن احتاجها هنا ,, بس ما احتجتها ) ,, وبعدها رجعتوا لحساب ماما بس يمكن احيانا يقولوا لك تعالي اليوم اللي بعدوا عشان تحولي على حساب شخص تاني المبلغ ,, على حسب البنك اذا تعرفي احد فيه تمشي شغلك بسرعه افضل والله يوفقك انتي كمان r7r7 10:37 AM
بالنسبه لسؤالك عن الشهادة البنكية ممكن تستخدموا نفس الشهادة البنكيه في المعهد وفي السفاره مافي مشكله بس لما تجو تعملوا الشهادة البنكيه خلوها تكون ( لمن يهمه الأمر ) يعني لا تحددوا انها موجهه لشخص معين او جهه معينه ويسير عادي تطلعوا شهادتين بنكيه من نفس الحساب او حتى 3 شهادات بنكيه ,, لا تشيلي هم انتوا طلعوا 3 شهادات بنكيه و3 كشوفات حسابات افضل لكم او انكم تعملو حاجه تانيه تطلعوا شهادتين بنكيه بس تخلوها موجهه للجهات اللي تبغيها يعني وحده تخلوها موجهه لمعهدك ,, يعني تكتبوا اسم معهدك في الشهادة والتانيه تطلعوها بإسم السفارة الامريكيه يعني موجهه لها ( طبعا كل دا الشي عشان ابوكي ,, اما انتي فما تحتاجي لدا كلو لأنو الوزاره عملت لك كل دي الاشياء ) والسفاره لما رحت عشان بابا ,, هوا كان طالع على سياحية ,, ما طلبوا شهادة بنكيه له ,, بس طلبوا كشف حساب يبين انو يقدر يصرف على نفسو ,, لكن برضو خدي كشف حساب وشهادة للسفاره يمكن تحتاجوها r7r7 10:31 AM
مساء الخير اربعه الاف دولار لو ضربناهم في 3.75 يمكن يسيروا 15000 ريال يمكن كدا وبالنسبه لمعهدك ودراسة ابوكي فيه والقبول حقو خلي اول حاجه القبول حقك يجي ,, وبعدين في نفس اليوم اللي تستلمي فيه القبول قولي للمكتب قبل ما تخرجي ابغا اجيب قبول لبابا وطبعا تكون اوراقه جاهزه في يدك يعني جواز سفرو والشهادة البنكيه عشان بسرعه يسير الموضوع ما تاخدي وقت طويل وان شاء الله ما يطولوا اكتر من اسبوعين في القبول حقو اما انو انتي في معهد وابوكي في معهد ما يسير ,, لأنو انتوا حتتعبوا كمان انتي في مكان وهوا في مكان تاني والمعهد اللي ارسلك على الايميل يمكن هوا دا معهدك بس يخبرك انو انتي من ضمن مجموعتو بس لا تردي عليه ولا شي بس خليكي مع المكتب دايما اتصلي واسألي هل جا القبول حقك او لا واذا جا على طول جهزي اوراق ابوكي وروحي للمكتب خدي قبولك واعملي قبول ابوكي وانتظري الين يجي وبعدها روحي لموعد السفاره r7r7 10:28 AM
واسألي المكتب كم يوم ياخدوا عشان يجيبولكم القبول .. وهما يحددولكم على حسب امكانياتهم وبالنسبه للسفاره لا تشيلي همها كتير انتي اول حاجه جيبي قبول لأبوكي وخلي اوراقك كامله وبعدين قدمي في السفاره ,, وبأذن الله تلاقي مواعيد مو مره كدا فل للدرجه دي لأنو محا تستفيدي لو ابوكي ماجا القبول حقو وهوا يبغا يدرس لغه ورحتوا السفاره من غير القبول حقو فهمتي؟ لكن في حاله انو ما يبغا يدرس معاكي بس يبغا يروح معاكي فقدمي على السفاره من دحين وما يحتاج لكم تجيبوا قبول له وبالنسبه للسفاره والله مادري هل تكون مقفوله الاسبوع الجي او لا اسألي في موقع مبتعث يمكن احدد يعرف r7r7 07:45 AM
مساء النور اها معليش فهمت خطأ اذا كدا خليه يجي على سياحيه لكن هل السياحيه تسمح له بدراسة اللغه ؟؟؟ اتأكدي من مكتب تجسير قولي لو هل الفيزا السياحيه تسمح للشخص بدراسه اللغه بارت تايم part time او لا ؟؟ والشهادة البنكيه ما يشترطوا فيها حاجه بس انو يكون فيها مبلغ اكتر من 50 الف او اكتر من 60 الف عشان يقدروا المكتب يجيبوا قبول لأبوكي الاوراق اللي يطلبوها عشان القبول : صورة جواز السفر + شهادة بنكيه وكشف حساب بمبلغ اكتر من 50 الف ريال ,, وتكون الشهادة البنكيه وكشف الحساب بالانجليزي وفيه تحويل العمله من ريال الى دولار + رسوم القبول تبدأ من 300 ريال الين الف ريال على حسب المعهد والمكتب + آخر شهادة حصل عليها . بس r7r7 07:20 AM
هلا حبيبتي مسا الوررد اذا ابوك بيدرس اول شي لازم يجيب قبول لغه بنفس معهدك .. بعدين لما يوصل القبول تعبيله ابليكيشن DS-160 وبعدين تحجزيله موعد في السفاره >> هذي اجرائات عشان يطلع بفيزا طالب ويدرس بس اكيد بتاخذ وقت بين مايوصلك القبول وتحجزين موعد السفاره الخيار الثاني انه يطلع بفيزا سياحيه وهناك عند الملحقيه التغيير بس ماعندي خبره فيها بس سمعت انها تطول اسئلي اكثر للي عندهم خبره الشهاده البنكيه تختلف حسب اللي يطلبه المعهد مواعيد السفاره ما اعرف والله بس تقدرين تشوفين مواعيدهم في الموقع وهلا بك في اي وقت ςяαzу нєαят 10:23 PM
وعليكم السلام بالنسبه لمرافقك وفيزا سياحيه الفيزا السياحيه ما تسمح له بالدراسه اعتقد لكن قدمي لأخوكي على فيزا f1 عشان يقدر يدرس لغه فل تايم ويكمل الدراسه الجامعيه سواء بكالوريوس او ماستر اما عن الملحقيه وتضبيط امور المرافق ,, اصحك تفكري انو الملحقيه حتسويلكم شي بهادا الخصوص ,, هما يادوب اللي عندهم يكفيهم انتي ضبطي امور اخوكي قبل ما تطلعوا لأنو لو قعدتي على الملحقيه فحيطول امرك الافضل قدمي لو على فيزا f1 عشان يدرس لغه وجامعه زيك زيو والشهادة اللي يطلبوها في السفاره آخر شهاده حصل عليييييييها يعني لو كانت اخر شهاده حصل عليها الثانويه ,, خليه ياخدها معاه اذا كانت اخر شهادة حصل عليها البكالوريوس ياخدها معاه زي كدا مالها شروط بس خليه يجيبها معاه وتكون مترجمه بالانجليزي ,, واغلب الشهادات دحين تكون نصها بالانجليزي ونصها مترجم عربي r7r7 05:23 AM
السلام عليكم .. أخي زين بحكم خبرتك حابه أسألك أسئله وياريت تكون الأجابه في أقصى وقت .. بالنسبه لمرافقي يبغي يدرس لغه والى الان لم نقدم على الفيزا ,هل الفيزا تكون سياحه ,او الملحقيه تضبط اموره للدراسه وتحول الفيزا ؟ والشهاده الي يطلبوها بالسفاره هل يوجد شروط لها؟؟ لك جزيييييييييييييييييييييييل الشكر على تعونك ,,, مها 111 09:33 PM
الولايات المتحدة الأمريكية
