هلا اختي انا والله سالت مكتب وقالي هذا الكلام ...قال اذا فاتك موعد يوم 14 نوفمبر أأجلك اياه الى 21 نوفمبر يعني الاثنين الجاي.. المتوكله على الله 09:28 PM
وعليكم السلام ورحمة الله ..هلا حبيبتي انا والله اظن انه في موعد يوم 21 نوفمبر يعني تقريبا كل سبعه ايام....لاني كنت ابغى موعد في اكتوبر لقيت يوم 17 ويوم 24 ويوم 31 المتوكله على الله 04:12 PM
الطبيعي انو يكون للشخص رقم سيفيس واحد ما يتغير لأنو يعتبر كأنه اسم الشخص في التعليم لكن يمكن الله اعلم في حالات يتغير دا الرقم ,, فألأفضل اصبري الين يجيكي القبول وبعدين سددي برقم السيفيس الموجود عليه عشان لا تحوسي حتى لو تسددي السيفيس قبل يوم السفاره بتلاته ايام عادي المهم تروحي لهم وانتي طابعه الورقه اللي تثبت انك دفعتي الرسوم فأحسن استني الين يجي القبول وتتأكدي r7r7 09:32 AM
مها بالنسبه للشهاده البنكيه حقت السفاره والله ما اعرف المفروض يكون فيها كم وما ابغى افتيلك من مخي وبعدين يطلع خطا بس شوفي انا لما طلعت شهادة بنكيه طلعت 4 شهادات بنكيه من نفس الحساب وحده موجهه للمعهد والتانيه للسفاره واتنين حطيتها لمن يهمه الامر وكان في الحساب مبلغ اكتر من 50 الف ريال فإنتي احسن سوي كدا لما تطلعي شهاده بنكيه للمعهد طلعي معاها للسفاره واخلصي بدل التعب روحه وجيه والشهاده البنكيه او كشف الحساب ,, انتي محا يطلبوها منك ,, بس حيطلبوها من اللي طالعين معاكي لأنك انتي معروف عندهم انك طالعه على حساب الحكومه وحتى اخويا ما طلبوها منه بس طلبوها لماما وبابا عشان هما كانوا طالعين معانا سياحه بس افضل جيبي لأبوكي لأنو ما تعرفيلهم يمكن يطلبوها منو r7r7 08:34 AM
الافضل انك تروحي لتجسير بنفس وخدي معاكي احد كبير يخافوا منو ويتفاهم معاهم غير كدا الرسايل حقة الايميل ما تنفع وحيماطلوا وينشفوا ريقك اذا الين دحين كم شهر قاعده تستني ولا بلغوكي بوصول القبول اجل ايش فايدتهم بالله الله يعينك انا طرطعت منهم من كلامك اجل كيف انتي او انك تقولي للمعهد يعيدوا ارسال القبول مره تانيه وعلى نفس الولايه والمكان بس يغيروا لك تاريخ بداية الدراسه لانو اكيد فات ,, واستلمي القبول من فيدكس وروحي لتجسير يختمولك عليه وقولي لهم انا استلمته بدالكم عشان الاهمااال اللي انتوا عايشين فيه بس اخاف كمان يرفضوا يختمولك القبول المصايب دولا خليكي على الحل الاول واذا كمان ماطلوا راسلي المعهد بنفسك واطلعي لهم يختمولك هوا واذا ما رضيو اطلعي الوزاره بنفسك وخلي احد من اهلك يدخل عند قسم الرجال بنفسه ويكلم احد هناك ....... بالنسبه للسؤال التاني .. الشهادة البنكيه للسفاره حطي فيها اي مبلغ المهم يعرفوا انو الشخص اللي معاكي يقدر يطلع معاكي ويصرف على نفسو مافي يعني مبلغ معين بس افضل لو كان فوق 5 الاف دولار r7r7 09:01 AM
مها والله ما ادري هل تراسلي المعهد بنفسك او تقعدي على تجسير لكن مدام الوزاره قالت لك لا تردي خلاص استني تجسير .. بس الخوف انو يقعدوا يمرمطوا فيكي الين تروح عليكي فترة البعثه او ينتهي الضمان لو كنت مكانك حأسوي الآتي .. حأروح لتجسير اقول لهم القبول حقي جا وانتوا كل شويه تقولوا لي لسا لسا والشحنه وصلت لفيدكس وكلموني ورجع القبول رجع لأمريكا بسببكم واقول لهم يعني مو معقوله تضيعوا عليا البعثه عشان هادا التسيب اللي انتوا فيه واخلي واحد كبير يجي معايا يتفاهم معاهم يا انهم يحددوا موعد تمام عشان تجوا تاخدوا القبول ويخلصوا اوراقك او انو تشتكيهم عند الوزاره مع انو محد حيرد لك في الوزاره بس انتي خليه اخر احتمال r7r7 08:57 AM
بالنسبه للشهاده خدي اخر شهادة له اخدها ثانوي او جامعه او او واذا تقصدي شهادة بنكيه خدي له شهاده بنكيه من حسابه وكشف حساب لمدة 3 اشهر وكل هادا عشان يبين للسفاره انو قادر على الصرف على نفسه وبالنسبه لتاريخ احاقه بالعمل اكتبي انو يعمل تحت وزارة التعليم واكتبي اووووووووووووول تاريخ بدايه لتدريسه واكتبي اخر تاريخ انهى فيه التدريس او انتهى اكتبي انو لحد الآن يعمل r7r7 09:31 AM
الولايات المتحدة الأمريكية
